નરેન્દ્ર મોદી આજે રાષ્ટ્રપતિ ભવનમાં બીજી વખત પ્રધાનમંત્રી પદના શપથ લેશે. 2014ની જેમ આ વખતે પણ પ્રધાનમંત્રી અને તેમના મંત્રીમંડળનું શપથગ્રહણ મેગા ઇવેન્ટ થવાનું છે. કાર્યક્રમમાં સામેલ થવા માટે 6000 મહેમાનોને આમંત્રણ મોકલવામાં આવ્યું છે.
નાણામંત્રી બનશે અમિત શાહ!
સૂત્રો દ્વારા મળતી માહિતી અનુસાર, અમિત શાહ મોદી કેબિનેટમાં નાણામંત્રીની ભૂમિકા નિભાવી શકે છે. તેની જગ્યા પર જેપી નડ્ડા ભાજપના પ્રમુખ બની શકે છે.
એક જ દિવસમાં PM અને અમિત શાહ વચ્ચે બીજી વખત મુલાકાત
એક જ દિવસમાં નરેન્દ્ર મોદી અને અમિત શાહ વચ્ચે બીજી વખત મુલાકાત થઈ હતી. અમિત શાહ મોદીને મળવા માટે પ્રધાનમંત્રીના નિવાસસ્થાને પહોંચ્યા હતા. અગાઉ સવારે પણ અમિત શાહે મોદી સાથે મુલાકાત કરી હતી .
CCSમાં સામેલ થશે અમિત શાહ
જો અમિત શાહ નાણા મંત્રી બનશે તો તેઓ કેબિનેટ સુરક્ષા સમિતિનો પણ ભાગ બની શકે છે. આ સમિતિમાં પ્રધાનમંત્રી સિવાય નાણા મંત્રી, ગૃહ મંત્રી, રક્ષા મંત્રી અને વિદેશ મંત્રી સામેલ હોય છે.
અમિત શાહ મંત્રીમંડળમાં સામેલ થશે તેવા સંકેત
જીતુ વાઘાણીએ ટ્વીટ કરીને જણાવ્યું કે, પ્રધાનમંત્રી નરેન્દ્ર મોદીજીના નેતૃત્વમાં કેન્દ્રીય મંત્રી મંડળમાં મજબૂત સાથી તરીકે સામેલ થવા પર અમારા પથદર્શક અને માર્ગદર્શ શ્રદ્ધેય શ્રી અમિત શાહજી સાથે શુભેચ્છા મુલાકાત કરી અને શુભકામના આપી.