વડાપ્રધાન નરેન્દ્ર મોદીએ જાહેરાત કરી છે કે દેશમાં દર વર્ષે 16 જાન્યુઆરીએ નેશનલ સ્ટાર્ટઅપ ડે મનાવવામાં આવશે. શનિવારે પીએમ મોદીએ સ્ટાર્ટઅપ ઉદ્યોગ સાહસિકોની સાથે સંવાદ દરમ્યાન આ જાહેરાત કરી.
વડાપ્રધાન નરેન્દ્ર મોદીની જાહેરાત
દેશમાં દર વર્ષે 16 જાન્યુઆરીએ નેશનલ સ્ટાર્ટઅપ ડે મનાવાશે
સ્ટાર્ટઅપ ઉદ્યોગ સાહસિકોની સાથે સંવાદ દરમ્યાન કરી આ જાહેરાત
શાળાના બાળકો કરે ઈનોવેશન
વડાપ્રધાન મોદીએ કહ્યું, હું દેશના એવા બધા સ્ટાર્ટઅપને, બધા ઈનોવેટીવ યુવાનોને ખૂબ ખૂબ અભિનંદન આપુ છુ. જેણે સ્ટાર્ટઅપ્સની દુનિયામાં ભારતનો ડંકો વગાડ્યો છે. સ્ટાર્ટઅપની આ સંસ્કૃતિ દેશના દૂર-દૂર વિસ્તારમાં પહોંચી છે. જેના માટે 16 જાન્યુઆરી હવે નેશનલ સ્ટાર્ટઅપ ડેના રૂપમાં મનાવવાનો નિર્ણય કર્યો છે. વડાપ્રધાને કહ્યું, અમારા પ્રયાસ દેશમાં બાળપણથી જ વિદ્યાર્થીઓમાં ઈનોવેશન પ્રત્યે આકર્ષણ ઉભુ કરવુ અને ઈનોવેશનને સંસ્થાગત રૂપ આપવાનુ છે. દેશમાં 9000થી વધુ અટલ ટિન્કરિંગ લેબ્સ આજે બાળકોને શાળામાં ઈનોવેટ કરવા અને નવા વિચારો પર કામ કરવાની તક આપી રહી છે.
Start-ups are going to be the backbone of new India. When India completes 100 years of independence, start-ups will have an important role. Country's innovators are making the country proud globally: PM Modi pic.twitter.com/aggRwUZs0X
વડાપ્રધાન મોદીએ કહ્યું, ભારતના યુવાનો જે સ્પીડ અને સ્કેલમાં સ્ટાર્ટઅપ બનાવી રહ્યાં છે, તે કોરોના જેવી વૈશ્વિક મહામારીના સમયમાં તેની પ્રબળ ઈચ્છા શક્તિ અને સંકલ્પ શક્તિનું પ્રમાણ છે. પહેલા સારામાં સારા વેપારી માહોલમાં પણ કેટલીક કંપનીઓ બનતી હતી. પરંતુ ગયા વર્ષે ભારતમાં 42 યુનિકોર્ન બન્યા છે. મોદી માને છે કે દેશના વિકાસમાં મહત્વનું યોગદાન આપવામાં સ્ટાર્ટઅપ ઉદ્યોગની મોટી ક્ષમતા છે. પીએમ મોદીની આ પહેલ વર્ષ 2016માં સ્ટાર્ટઅપ ઈન્ડિયા તરીકે સામે આવી.