પ્રતિક્રિયા / Tokyo Olympics: સેમી ફાઈનલમાં હારીને પણ ભારતીય ટીમે જીત્યું દીલ, જુઓ PM મોદીએ કરી ભાવુક પોસ્ટ

• સેમિફાઇનલ મેચ ભારતનો પરાજય 
• PM મોદી અને અનુરાગ ઠાકુર સહિત અનેક દિગ્ગજોએ ખેલાડીઓનો જુસ્સો વધાર્યો
• PM મોદીએ કહ્યું- હાર-જીત જીવનનો એક ભાગ છે

આ દરમિયાન આખો દેશ ટીમ ઈન્ડિયા સાથે ઉભો છે. ટ્વિટર પર લોકો પોતાની રીતે ટીમને પ્રોત્સાહિત કરી રહ્યા છે. દેશના વડાપ્રધાન નરેન્દ્ર મોદીથી લઈને રમત મંત્રી અનુરાગ ઠાકુરે ટ્વીટ કરીને ટીમને પ્રોત્સાહિત કર્યા છે.

Wins and losses are a part of life. Our Men’s Hockey Team at #Tokyo2020 gave their best and that is what counts. Wishing the Team the very best for the next match and their future endeavours. India is proud of our players.

— Narendra Modi (@narendramodi) August 3, 2021

પીએમ મોદીએ હૃદયસ્પર્શી વાત કહી

પીએમ મોદીએ ટ્વિટ કરીને કહ્યું, 'વિજય અને હાર જીવનનો ભાગ છે. અમારી પુરુષ હોકી ટીમે ટોક્યો ઓલિમ્પિક 2020 માં પોતાનું સર્વશ્રેષ્ઠ પ્રદર્શન કર્યું અને તે જ મહત્વનું છે. ટીમને આગામી મેચ માટે અને તેમના ભવિષ્યના પ્રયાસો માટે શુભકામનાઓ. ભારતને તેના ખેલાડીઓ પર ગર્વ છે.

રમત-ગમત મંત્રીએ કહ્યું- અમે તમારી સાથે છીએ 

રમત મંત્રી અનુરાગ ઠાકુરે કહ્યું, 'બોયઝ, તમે સારું રમ્યા. તમે તમારું શ્રેષ્ઠ આપ્યું અમે તમારી સાથે છીએ. તમારી પાસે હજી એક મેચ છે. અમે ટીમ ઇન્ડિયા છીએ! અને અમે ક્યારેય હાર માનતા નથી! '

Boys,
You played well.
You gave it your best.
We’re with you.
We still have a match to go.

We are #TeamIndia !
And we DONT EVER GIVE UP ! pic.twitter.com/Cq8rXjc3aC

— Anurag Thakur (@ianuragthakur) August 3, 2021

મેડલની આશા અમર છે 

કાયદા મંત્રી અને ભૂતપૂર્વ રમત મંત્રી કિરેન રિજિજુએ ટ્વિટ કરીને કહ્યું, 'છોકરાઓ, તમે ભારતને ગૌરવ અપાવ્યું છે. તમે હજી પણ ઓલિમ્પિક મેડલ સાથે પાછા આવી શકો છો. બ્રોન્ઝ મેડલ મેચ માટે તમારું શ્રેષ્ઠ આપો.

Don't feel bad boys, you have already made India proud. You can still come back with Olympic medal. Give your best for the bronze medal match 👍#Cheer4India 🇮🇳 https://t.co/NiBChp0NZD

— Kiren Rijiju (@KirenRijiju) August 3, 2021

હોકી સેમિફાઈનલમાં બેલ્જિયમે ભારતને હરાવ્યું

ટોક્યો ઓલિમ્પિકની પુરુષ હોકી સ્પર્ધાની પ્રથમ સેમિફાઇનલ મેચ ભારત અને બેલ્જિયમ વચ્ચે રમાઇ હતી. બંને ટીમો વચ્ચે રસાકસી ભરી સ્પર્ધા થઈ હતી. ત્રીજા ક્વાર્ટર સુધી સ્કોર 2-2ની બરાબરી પર હતો, પરંતુ ચોથા ક્વાર્ટરમાં બેલ્જિયમે ભારપૂર્વક વળતો પ્રહાર કરીને ભારત પર 5-2થી જીત નોંધાવી. ઉલ્લેખનીય છે કે, ટોક્યો ઓલિમ્પિકમાં બેલ્જિયમના હીરો એલેક્ઝાન્ડર હેન્ડ્રિક્સે ત્રણ ગોલ કર્યા હતા. બેલ્જિયમ માટે લોકી લ્યુપાર્ટે પ્રથમ ગોલ કર્યો હતો. ભારત તરફથી હરમનપ્રીત અને મનદીપ સિંહે બે ગોલ કર્યા હતા.

બીજા ક્વાર્ટરમાં બંન્ને ટીમો વચ્ચે બરાબરી

બે ક્વાર્ટર બાદ સ્કોર 2-2થી બરાબરી પર હતો. ત્રીજા ક્વાર્ટરમાં એક પણ ગોલ થઈ શક્યો ન હતો, પરંતુ ત્રીજો ગોલ છેલ્લા ક્વાર્ટરમાં બેલ્જિયમ માટે થયો હતો. મેચની પ્રથમ આઠ મિનિટમાં કુલ ત્રણ ગોલ થયા હતા. પ્રથમ ક્વાર્ટરમાં ભારતીય ટીમ 2-1થી આગળ હતી, પરંતુ બેલ્જિયમે બીજા ક્વાર્ટરમાં બરાબરી કરી હતી. બેલ્જિયમનો મેચનો પહેલો ગોલ બીજી મિનિટમાં જ થયો હતો, ત્યારબાદ હરમનપ્રીત સિંહે 7 મી મિનિટે ભારત માટે બરાબરીનો ગોલ કર્યો હતો.

પૅનલ્ટી પર પૅનલ્ટી ભારે પડી

ભારતને પેનલ્ટી કોર્નર મળ્યો અને હરમનપ્રીતે તેનો ભરપૂર ફાયદો ઉઠાવ્યો, તેને ગોલમાં તબદીલ કરીને ભારતને 1-1થી બરાબરી પર લાવી દીધું. ત્યારબાદ 8મી મિનિટે મનદીપ સિંહે શાનદાર બેકહેન્ડ શોટ સાથે ભારત માટે બીજો ગોલ કર્યો હતો. પ્રથમ ક્વાર્ટર પછી ભારત 2-1 હતું, બીજા ક્વાર્ટરમાં બેલ્જિયમે ગોલ કર્યો હતો. ત્રીજા ક્વાર્ટરમાં, એક પણ ગોલ થયો ન હતો, બંને ટીમોએ ગોલ માટે સખત દેખાવ કર્યો હતો, પરંતુ બંનેમાંથી એક પણ સફળ થયું ન હતું. ચોથા ક્વાર્ટરમાં બેલ્જિયમની ટીમ સંપૂર્ણપણે પ્રબળ દેખાતી હતી અને ભારતીય ટીમે તેમના હુમલાનો કોઈ જવાબ બતાવ્યો ન હતો. ત્રીજા ક્વાર્ટર સુધી સ્કોર 2-2થી બરાબરી પર રહ્યા બાદ ભારતીય ટીમને 2-5થી હારનો સામનો કરવો પડ્યો હતો. બેલ્જિયમ આ જીત સાથે ફાઇનલમાં પહોંચ્યું હતું, જ્યારે ભારતીય ટીમનું ગોલ્ડ મેડલ જીતવાનું સપનું વિખેરાઇ ગયું હતું.