કોલકાતા / બેલૂર મઠથી PM મોદીનો મમતાને જવાબ, યુવાઓ સમજી ગયા CAA, નેતા સમજવા નથી માગતા

• પીએમ મોદીએ બેલૂર મઠ ખાતે યુવાઓને સંબોધન કર્યું
• પીએમએ કહ્યું  યુવાઓ સમજી ગયા CAA શું છે
• દેશના નેતાઓ હજી સમજવા માગતા નથી

નેતાઓ CAA સમજવા માગતા નથી

પ્રધાનમંત્રી નરેન્દ્ર મોદીએ બેલુર મઠમાં હાજર લોકોને પૂછ્યું કે, જે શરણાર્થીઓ ભારત આવ્યાં છે તેઓને મરવા માટે છોડી દેવા જોઇએ, શું તેમને લઇને આપણી કોઇ જવાબદારી નથી? પીએમે કહ્યું કે આ પ્રકારની સ્પષ્ટતા હોવા છતાં, કેટલાક લોકો નાગરિકતા સુધારા કાયદા અંગે મૂંઝવણ ફેલાવી રહ્યા છે. મને આનંદ છે કે આજના યુવાનો પણ આવા લોકોની મૂંઝવણ દૂર કરી રહ્યા છે. તેમણે કહ્યું કે તમારા જેવા યુવાનો CAA જે વાત સમજીગયા તે રાજકીય દાવ રમનારા સમજવા માંગતા નથી.

યુવાનો જે અભિયાન સાથે જોડાયા તે સફળ રહ્યું

પ્રધાનમંત્રી નરેન્દ્ર મોદીએ કહ્યું કે વિશ્વમાં યુવાનોની સૌથી વધુ વસ્તી ભારતમાં છે. તેમણે કહ્યું કે, ભારતના યુવાનો જે અભિયાનમાં જોડાશે, તેની સફળતા નિશ્ચિત છે. પીએમે કહ્યું કે થોડા વર્ષો પહેલા યુવાનો ભ્રષ્ટાચારની વિરુદ્ધ રોડ પર આવ્યાં હતા, ત્યારે એવું લાગતું હતું કે પરિવર્તન શક્ય નથી. પરંતુ હવે પરિવર્તન સામે જોવા મળી રહ્યું છે. પીએમએ કહ્યું કે યુવાનોની ભાગીદારીના કારણે ડિજિટલ ટ્રાન્ઝેક્શન, સ્વચ્છતા અભિયાન જેવા અભિયાનો સફળ થઈ રહ્યા છે.

રાતોરાત CAA કાયદો નથી બન્યો

પીએમ મોદીએ બેલુર મઠમાં કહ્યું કે CAAની ચર્ચા આખા દેશમાં થઈ રહી છે. તેમણે કહ્યું કે કેટલાક કાયદા આ કાયદાને લઈને મૂંઝવણનો ભોગ બન્યા છે. તેમણે કહ્યું કે પશ્ચિમ બંગાળની ધરતી પરથી ફરી એકવાર તેઓ લોકોને ખાતરી આપવા માંગશે કે આ કાયદો નાગરિકત્વ આપવા માટે બનાવાયો છે, છીનવા નહીં.  પીએમ મોદીએ કહ્યું કે આ કાયદો રાતોરાત બનાવવામાં આવ્યો નથી. બલકે સંસદ દ્વારા આ કાયદામાં માત્ર એક જ સુધારો કરવામાં આવ્યો છે. પીએમએ કહ્યું કે આ કાયદા હેઠળ નાગરિકત્વ લેવાની સુવિધામાં વધારો કરવામાં આવ્યો છે. પીએમ મોદીએ કહ્યું કે મહાત્મા ગાંધી પણ ઇચ્છતા હતા કે આવા દલિત લોકોને પાકિસ્તાનમાં ધર્મના આધારે ભારતનું નાગરિકત્વ મળે. તેમણે કહ્યું કે CAA ખાતે ગેરસમજો દૂર કરવી જોઈએ.