પ્રધાનમંત્રી નરેન્દ્ર મોદી બે દિવસીય મુલાકાત પર સાઉદ અરબ પહોંચ્યાં છે. સોમવારે મોડી રાત્રે પીએમ મોદી રાજધાની રિયાદના કિંગ સાઉદ પેલેસ પહોંચ્યા હતા. પીએમ મોદીનું રિયાદના કિંગ ખાલિદ એરપોર્ટ પર ભવ્ય સ્વાગત કરવામાં આવ્યું હતું. પીએમએ સાઉદીના સ્થાનિક મીડિયા સાથેની વાતચીતમાં કહ્યું કે બંને દેશ એશિયાની મહાશક્તિ છે અને બંને દેશ આતંકવાદ સામેની લડાઇ એકજૂટ થઇને લડીશું.
પીએમ મોદી બે દિવસીય મુલાકાતને લઇને સાઉદી અરબ પહોંચ્યાં
પીએમ મોદીની સાઉદી મુલાકાત મહત્વપૂર્ણ
સાઉદીની પ્રિન્સ સાથે પીએમ મોદી કરશે મુલાકાત
PM મોદીએ સાઉદી અરબના એક સ્થાનિક મીડિયા સાથેની વાતચાતમાં જણાવ્યું કે ભારત અને સાઉદી અરબ એક વ્યૂહાત્મક ભાગીદાર છે. આ સાથે કહ્યું કે ભારતના સાઉદી અરબ સાથે સારા સંબંધ છે.
ભારત સાઉદીનો બીજો સૌથી મોટો કાચુ તેલ આયાત કરનાર દેશ
પીએમ મોદીએ કહ્યું કે સાઉદી અરબમાંથી ભારત 18 ટકા કાચુ તેલ આયાત કરે છે. આમ ભારત સાઉદી અરબમાંથી કાચુ તેલ આયાત કરનાર બીજો સૌથી મોટો દેશ છે. પીએમ મોદીએ ક હ્યું કે જ્યારે દ્વિપક્ષીય ચર્ચા કરવામાં આવશે ત્યારે તેમાં તેલ અને ગેસ પરિયોજનામાં તેનો સમાવેશ થશે.
સાઉદી અરામકો ભારતના પેટ્રોકેમિકલ પરિયોજનામાં ભાગ લેશે
પીએમ મોદી મીડિયા સાથેની વાતચીતમાં જણાવ્યું કે સાઉદી અરામકો ભારતના પશ્ચિમી તટ પર એક મોટી રિફાઇનરી અને પેટ્રોકેમિકલ પરિયોજના સ્થાપિત કરવામાં મદદ કરશે. તે સિવાય અમે ભારતના સામરિક પેટ્રોલિયમ ભંડારમાં અરામકોની ભાગીદારી માટે પણ ઉત્સુક છીએ.
સાઉદી અરબ અને ભારત એશિયાની મહાશક્તિ
પ્રધાનમંત્રી નરેન્દ્ર મોદીએ કહ્યું કે મારુ માનવુ છે કે ભારત અને સાઉદી અરબ જેવી એશિયાની મહાશક્તિને પોતાના પાડોશી દેશ તરફથી સુરક્ષાને લઇને ચિંતા એકસમાન છે. આ સંબંધમાં મને ખુશી છે કે આતંકવાદ, સુરક્ષા અને સામરિક મુદ્દાઓના ક્ષેત્રમાં વિશેષ રીતે પ્રગતિમાં અમારો સહયોગ ઘણો સારો છે.