નિવેદન / અબ કી બાર કોનું બિહાર ? PMએ કહ્યું, 'મહિલાઓ કહી રહી છે કે ઘરવાળા ગમે તે કહે, હું મોદીની સાથે'

• બિહારમાં NDA અને મહાગઠબંધન વચ્ચે ટક્કર 
• પીએમ મોદીએ NDAની સરકાર બનતી હોવાનો વિશ્વાસ વ્યક્ત કર્યો 
• મહિલાઓ અને દીકરીઓ અમને આશીર્વાદ આપી રહી છે : પીએમ મોદી 

NDAની સરકાર બની રહી હોવાનો દાવો 

બિહારમાં વિધાનાસભાની ચૂંટણી યોજાઈ રહી છે જેમાં મત માંગવા માટે પીએમ મોદી પણ ખૂબ મહેનત કરી રહ્યા છે. બિહારમાં ચૂંટણી મેદાનમાં ઉતરેલા પીએમ મોદીએ કહ્યું કે આજે જાણકારી પ્રમાણે એક વાત તો સાફ છે કે બિહારની જનતાએ સાફ  સંદેશ આપી દીધો છે કે બિહારમાં ફરીવાર NDAની સરકાર બનવા જઈ રહી છે.  બિહારની પવિત્ર ભૂમિએ નક્કી કરી લીધું છે કે બિહારના નવી ઊંચાઈઓ સુધી લઇ જવાનો છે. બિહારની જનતાએ ડબલ ડબલ યુવારાજોને જાકારો આપી દીધો છે. 

આ જ લોકતંત્રની તાકાત છે : પીએમ મોદી 

પીએમ મોદી પોતાના ભાષણોમાં મહિલાઓ પર ધ્યાન કેન્દ્રિત કરી રહ્યા છે ત્યારે આજે ફરી તેમણે કહ્યું કે બિહારની મહિલાઓ કહી રહી છે કે ઘરવાળા ગમે તે કહે પણ હું તો મોદીની સાથે જ ચાલીશ. બિહારની દરેક મા, બિહારની દરેક દીકરી આજે અમને આશીર્વાદ આપી રહી છે. આ જ લોકતંત્રની તાકાત છે. પીએમ મોદીએ વધુમાં કહ્યું કે માત્ર અરરિયામાં જ આશરે સાડા ત્રણ લાખ મહિલાઓને ગેસનો ચૂલો આપવામાં આવ્યો છે અને કોઈ પણ ભેદભાવ વગર શૌચાલય બનાવવામાં આવ્યા છે. 

આજે બિહારમાં વિકાસની જીત : પીએમ મોદી 

પીએમ મોદીએ કહ્યું કે આજે બિહારમાં વિકાસ ફરીથી જીતી રહ્યો છે, આજે બિહારમાં અહંકાર હારી રહ્યો છે અને પરિશ્રમ જીતી રહ્યો છે. આજે બિહારમાં કૌભાંડ હારી રહ્યો છે અને લોકોના હકની જીત થઇ રહી છે.