PM મોદીના ચીન પ્રવાસ પહેલા નીરવ મોદીએ છોડ્યું હોંગકોંગ

નવી દિલ્હીઃ પંજાબ નેશનલ બેકનું 13 હજાર કરોડનું ફુલેકુ ફેરવનાર નીરવ મોદી હોંગકોંગ છોડીને અમેરિકા જતો રહ્યો હોવાની માહિતી મળી છે. થોડા દિવસ પહેલા જ સરકારે માહિતી આપી હતી કે નીરવ મોદી હોંગકોંગમાં છે.

પરંતુ હવે સમાચાર મળી રહ્યા છે કે નીરવ મોદી ભાગી ગયો છે અને તે અમેરિકામાં છે. નરેન્દ્ર મોદી ચીન પ્રવાસે રવાના થયા છે. નીરવ મોદી 1 જાન્યુઆરીએ મુંબઈથી ફરાર થઈ યુએઈ ભાગી ગયો હતો. બાદમાં ભારતીય એજન્સીઓએ તપાસ કરતા તે ફેબ્રુઆરી મહિનામાં યુએઈ છોડીને હોંગકોંગ ભાગી ગયો હતો.

ત્યાં હવે ભારતીય એજન્સીઓ તપાસ તેજ કરતા અને મોદી ચીનની મુલાકાતે જતા તે હોંગકોંગ છોડીને અમેરિકા ભાગી ગયો હોવાના સમાચાર છે. સરકારે તેને આત્મસમર્પણ કરવાની સલાહ આપી છે પરંતુ તે અને મેહુલ ચોકસી સમર્પણ કરવા તૈયાર નથી.