2014થી અત્યાર સુધીમાં PM મોદીના વિદેશ પ્રવાસ પાછળ થયો અધધધ... ખર્ચ

નવી દિલ્હી: સરકારે ગુરુવારે જણાવ્યું કે જૂન 2014 બાદથી પ્રધાનમંત્રી નરેન્દ્ર મોદીની 84 દેશોની યાત્રા દરમિયાન ચાર્ટર્ડ ઉડાનો વિમાનોને રાખવા અને હોટલાઇન સુવિધાઓ પર 1 484 કરોડ રૂપિયા ખર્ચો થયો છે. વિદેશ મામલામાં રાજ્યમંત્રી વીકે સિંહએ એક પ્રશ્નના લિખિત જવાબમાં રાજ્યસભામાં મોદીની વિદેશ યાત્રા દરમિયાન ઉપરના ત્રણ ભાગમાં કરવામાં આવેલા ખર્ચાની યાદી આપી. 

આંકડા અનુસાર 15 જૂન 2014 અને 10 જૂન 2018ની વચ્ચેના સમય દરમિયાન પ્રધાનમંત્રીના વિમાનને રાખવા પર 1088.42 કરોડ રૂપિયા અને ચાર્ટક્ડ ઉડાનો પર 387.26 કરોડ રૂપિયા ખર્ચ કરવામાં આવ્યો હતો. હોટલાઇન પર કુલ ખર્ચ 9.12 કરોડ રૂપિયાનો થયો. મોદીએ મે 2014માં પ્રધાનમંત્રી પદ સંભાળ્યા બાદથી 42 વિદેશી યાત્રાઓમાં કુલ 84 દેશોની યાત્રા કરી. 

સિંહ દ્વારા પ્રદાન કરવામાં આવેલા વિવરણમાં 2017-18 અને 2018-19માં એમની વિદેશી યાત્રાઓ દરમિયાન હોટલાઇન સુવિધાઓ પર થયેલા ખર્ચનો સામેલ નથી. વર્ષ 2018-19માં યાત્રાઓ માટે ચાર્ટ્ર્ડ ઉડાનોનો ખર્ચ પણ સામેલ છે. વીકે સિંહ અનુસાર પ્રધાનમંત્રીએ 2015-16માં વધારે 24 દેશોનો પ્રવાસ કર્યો અને વર્ષ 2017-18માં 19 તથા 2016-17માં 18 દેશોનો પ્રવાસ કર્યો. 

વર્ષ 2014-15માં મોદીએ 13 દેશોનો પ્રવાસ કર્યો જેમાં પ્રધાનમંત્રી નો પહેલો પ્રવાસ ભૂટાનનો હતો. વર્ષ 2018માં તેઓએ 10 દેશોનો પ્રવાસ કર્યો જેમાં તેમનો અંતિમ પ્રવાસ ગયા મહિને ચીનનો રહ્યો. વર્ષ 2014-15માં વિદેશી પ્રવાસના માટે ચાર્ટર્ડ ઉડાણોનો ખર્ચ 93.76 કરોડ રૂપિયો થયો જ્યારે 2015-16માં આ ખર્ચ 117 કરોડ રૂપિયા થયો.

એમને કહ્યું કે પ્રધાનમંત્રી વિદેશ યાત્રાઓનો ઉદ્દેશ વેપાર રોકાણ પ્રૌધોહિકી વિકાસ ભાગીદારી સહિત વિભિન્ન ક્ષેત્રોમાં આ દેશોની સાથે પરસ્પર સંબંધ વધારવાનો છે. આ યાત્રાઓથી આ સમય દરમિયાન રાજકીય પહોંચમાં વધારો થયો છે.