વિરોધ / કોલકત્તામાં PM મોદીનો જબરજસ્ત વિરોધ, વિદ્યાર્થીઓએ 'મોદી ગો બેક' ના નારા લગાવ્યા

• સ્ટૂડેન્ટ્સ ફેડરેશન ઓફ ઇન્ડિયાએ પીએમની કોલકાતા યાત્રાનો જોરદાર વિરોધ કર્યો
• સ્ટૂડેન્ટ્સે હાથમાં પ્લેકાર્ડ લઇને CAA અને NRCને લઇને પોતાનો વિરોધ નોંધાવ્યો
• PM નરેન્દ્ર મોદી CM મમતા બેનર્જી સાથે પણ મુલાકાત કરી શકે છે

નોંધનીય છે કે, પીએમ નરેન્દ્ર મોદી બે દિવસીય સત્તાવાર મુલાકાત પર છે, જ્યાં તેઓ કોલકાતા પોર્ટ ટ્રસ્ટની 150મી વર્ષગાંઠ સમારોહ સહિત વિભિન્ન કાર્યક્રમોમાં ભાગ લેશે. સમાચાર મળી રહ્યા છે કે, તેઓ મમતા બેનર્જી સાથે પણ મુલાકાત કરી શકે છે. 

મમતા બેનર્જી સાથે થઇ શકે મુલાકાત

પીએમ નરેન્દ્ર મોદી બે દિવસીય યાત્રા પર શનિવારે કોલકાતા પહોંચ્યા છે. આ દરમિયાન તેઓ કોલકાતા બંદર ટ્ર્સ્ટના સમારોહમાં ભાગ લેશે અને શનિવારે સાંજે રાજ ભવનમાં સીએમ મમતા બેનર્જી સાથે બેઠક કરશે. આ મુલાકાત પણ એવા સમયે થઇ રહી છે જ્યારે બંગાળમાં સંશોધિત નાગરિકતા કાયદો (CAA) અને NRC વિરુદ્ધ વિરોધ પ્રદર્શન થઇ રહ્યા છે.

આ કાર્યક્રમોમાં લેશે ભાગ 

પીએમ નરેન્દ્ર મોદીએ એરપોર્ટથી સીધા બીબીડી બાગ ક્ષેત્રના ઐતિહાસિક કરેન્સી બિલ્ડિંગ પહોંચી, એક કાર્યક્રમનું ઉદઘાટન કર્યું. વડાપ્રધાન કાર્યાલયના નિવેદન અનુસાર, શનિવારે પીએમ મોદી કોલકાતામાં ચાર ધરોહર ઇમારત રાષ્ટ્રને સમર્પિત કરશે. આ ઉપરાંત પીએમ રવિવારે કોલકાતા પોર્ટ ટ્રસ્ટના કાર્યક્રમમાં ભાગ લેશે. તેઓ કોલકાતા પોર્ટ ટ્રસ્ટના વર્તમાન અને સેવાનિવૃત કર્મચારીઓના પેન્શન ફંડની અછત પૂર્ણ કરવા માટે 501 કરોડ રૂપિયાનો ચેક પણ આપશે.