પશ્ચિમ બંગાળમાં એક તરફ પાંચમા તબક્કાની ચૂંટણીનું મતદાન ચાલી રહ્યું છે તો બીજી તરફ પ્રધાનમંત્રી નરેન્દ્ર મોદીએ છઠ્ઠા તબક્કાના મતદાનને લઈને આસનસોલમાં ચૂંટણી સભાને સંબોધન કર્યું હતું.
આસનસોલમાં યોજાયેલી ચૂંટણી સભામાં પ્રધાનમંત્રી નરેન્દ્ર મોદીએ મમતા બેનર્જી પર આકરા પ્રહાર કરતા જણાવ્યું હતું કે,મુખ્યમંત્રીઓની બેઠક મમતા બેનર્જી સામેલ નહોંતા થયાં. તેઓ અહંકારમાં એટલા મોટા થઇ ગયા છે કે તેમને બધા નાના જ દેખાય છે.
દીદી અંહકારમાં એટલા મોટા થઇ ગયા છે કે તેમને દરેક બાબતો નાની લાગે છે : PM
આ સાથે જ તેમણે જણાવ્યું કે, કેન્દ્ર સરકારે અનેક વિષયો પર વાતચીત કરવા અનેક બેઠકો બોલાવી પરંતુ દીદીએ કોઇને કોઇ કારણ દર્શાવીને બેઠકમાં ન જોડાયા.
માફિયા રાજ ખતમ કરવાનો કર્યો વાયદો
તો પ્રધાનમંત્રીએ એમપણ કહ્યું હતું કે, તમારો એક મત ટીએમસીનું પત્તુ સાફ જ નહીં કરે પરંતુ અહીંનું માફિયા રાજ પણ ખતમ કરશે. તો PM મોદીએ લોકસભાની ચૂંટણીને યાદ કરતા જણાવ્યું હતું કે, હું જ્યારે લોકસભાની ચૂંટણીને લઈને પ્રથમ વખત રેલી સંબોધવા આવ્યો હતો ત્યારે આટલી ભીડ નહોંતી.
In last 10 yrs, Didi betrayed you in the name of development. She stood like a wall in front of development. Centre offered facility of free healthcare up to Rs 5 Lakh, she became a wall. Centre formed laws to help refugees, she opposed this too: PM in Asansol#WestBengalPollspic.twitter.com/qsaLZHtneh
પીએમએ રેલીમાં હાજર લોકોને કહ્યું કે ટીએમસીએ વિકાસના મુદ્દે બંગાળની જનતા સાથે દગો કર્યો છે. પીએમએ આરોપ લગાવ્યો હતો કે સીએમ બેનર્જી પશ્ચિમ બંગાળના લોકો અને સેન્ટ્રલ વેલફેર સ્કીમ્સ વચ્ચેની દિવાલની જેમ ઊભા છે, જ્યાંથી રાજ્યના લોકોને સીધો ફાયદો મળી રહ્યો નથી. પીએમએ કહ્યું કે પશ્ચિમ બંગાળની ચૂંટણીના અંત સુધીમાં ચાર તબક્કાના મતદાન બાદ તૂટેલી ટીએમસી, 'દીદી' અને 'ભત્રીજા' પણ ચૂંટણીના છેલ્લા તબક્કાઓથી પરાજિત થશે.
ઓડિયો ટેપ મામલે મમતા દીદીને ઘેર્યા
PM મોદીએ ઓડિયો ટેપ મામલે પણ મમતા બેનર્જી પર શાબ્દિક પ્રહારો કર્યા હતા. તેમણે કહ્યું કે, કૂચબિહારમાં જે થયું તેના પર ગઇકાલે એક ઓડિયો ટેપ તમે સાંભળી હશે. 5 લોકોના મોત બાદ દીદી કેવી રાજનીતિ કરી રહ્યા છે તે આ ઓડિયો ક્લિપથી સ્પષ્ટ થાય છે. આ ઓડિયો ક્લિપમાં TMCના નેતાઓને કહેવામાં આવી રહ્યું છે કે, માર્યા ગયેલા લોકોના શબને લઈને રેલી યોજો. પરંતુ દીદી, ઓદીદી તમે ગમે તેટલા ષડયંત્ર રચો પરંતુ સફળ નહીં થાવ, આ વખતે બંગાળના લોકોએ જ તમારા વિરૂદ્ધ જંગ છેડ્યો છે.
આજે પાંચમાં તબક્કાનું મતદાન
કોરોના સંકટ વચ્ચે પશ્ચિમ બંગાળમાં વિધાનસભા ચૂંટણી ચાલી રહી છે અને પાંચમાં તબક્કા હેઠળ આજે શનિવારે રાજ્યમાં 45 બેઠકો પર મતદાન થઇ રહ્યું છે. આ બેઠકો પર કુલ 342 ઉમેદવાર વચ્ચે મુકાબલો છે. આ બેઠકો ઉત્તર 24 પરગના, પૂર્વ વર્ધમાન, નાદિયા, જલપાઈગુડી, દાર્જિલિંગ અને કાલિમ્પોંગ જેવા જિલ્લાઓની છે.
PM મોદીએ ભારે મતદાનની કરી અપીલ
બંગાળની ચૂંટણીમાં મતદાન વચ્ચે પ્રધાનમંત્રી મોદીએ લોકોને ભારે મતદાનની અપીલ કરી છે
મતદાનને લઇને લોકોમાં ઉત્સાહ
બંગાળ વિધાનસભાની ચૂંટણીમાં મતદાનને લઇને લોકોમાં ભારે ઉત્સાહ નજરે આવી રહ્યો છે. પોલિંગ બૂથની બહાર મતદારોની લાંબી લાઇનો લાગી છે.
ફરી બની હિંસાની ઘટનાઓ
પાંચમા તબક્કાના મતદાન દરમિયાન પણ હિંસાની ઘટના બની હોવાનું સામે આવ્યું છે. મળતી જાણકારી પ્રમાણે, રાજ્યના ઉત્તર 24 પરગના સ્થિત મિનાખાન બૂથ પર બોમ્બ ફેંકવામાં આવ્યો છે. આ સિવાય બધ્ધુમાન ઉત્તર વિધાનસભા ક્ષેત્રના સરાયટીકર અવૈતનિક પ્રાથમિક વિદ્યાલયના બૂથ નંબર 60, 61, 63 તથ 72 પર સામાન્ય હિંસા થઇ હોવાના અહેવાલો પ્રાપ્ત થયાં છે.