સિદ્ધી તેને જઈ વરે / માત્ર 3 મહિનામાં નવી ભાષા શીખીને 10 મુ પાસ કર્યું, PM મોદીએ કરી પ્રેરણાદાયી વાત

• PM નરેન્દ્ર મોદીએ મન કી બાત કાર્યક્રમના 89મા એપિસોડને સંબોધન કર્યુ
• PM મોદીએ એક વિદ્યાર્થીનીનો ઉલ્લેખ કરી સદભાવનાની વાત જણાવી
• વિદ્યાર્થીનીએ થોડા સમયમાં કન્નડ ભાષા શીખી અને સારા નંબર કર્યા પ્રાપ્ત

પીએમ મોદીએ મન કી બાતમાં કરી મોટી વાત 

વડાપ્રધાને કહ્યું, આપણા દેશમાં અનેક ભાષાઓ, લિપિ અને બોલીનો ખજાનો છે. અલગ-અલગ વિસ્તારોમાં અલગ-અલગ કપડા, ખાવુ-પીવુ અને સંસ્કૃતિ છે. આ વિવિધતા જ આપણી ઓળખ છે અને એક રાષ્ટ્ર તરીકે આપણને સશક્ત બનાવે છે અને સંગઠિત રાખે છે. આ સાથે જોડાયેલુ પ્રેરક ઉદાહરણ દીકરી કલ્પનાનુ છે, જે તમારી સાથે શેર કરવા માગુ છુ. તેનુ નામ કલ્પના છે, પરંતુ તેનો પ્રયાસ છે, એક ભારત શ્રેષ્ઠ ભારતની સાચી ભાવનાથી ભરપૂર છે.

પીએમ મોદીએ જણાવી કલ્પનાની કહાની

વડાપ્રધાન મોદીએ કહ્યું, કલ્પનાએ હાલમાં કર્ણાટકમાં 10માની પરીક્ષા પાસ કરી છે, પરંતુ તેની સફળતાની સૌથી સારી વાત એ છે કે કલ્પના થોડા  સમય પહેલા કન્નડ ભાષા જાણતી નહોતી. તેણે માત્ર ત્રણ મહિનામાં કન્નડ ભાષા તો શીખી, પરંતુ 92 નંબર પણ પ્રાપ્ત કર્યા. આ જાણીને આશ્ચર્ય થશે. પરંતુ આ હકીકત છે. તેમણે કહ્યું, કલ્પના અંગે બીજી ઘણી વાત છે, જે તમને હેરાન અને પ્રેરિત કરશે. કલ્પના મૂળ ઉત્તરાખંડના જોશીમઠની રહેવાસી છે. તે પહેલા ટીબીથી પીડિત રહી અને પછી ત્રીજા ધોરણમાં તેની આંખની રોશની પણ જતી રહી. પરંતુ કહેવાય છે ને જ્યાં ઈચ્છા હોય ને ત્યાં જ રસ્તો હોય. કલ્પના બાદમાં મૈસુરમાં રહેતી પ્રોફેસર તારામૂર્તિના સંપર્કમાં આવી, જેણે તેમની મદદ કરી.  

જાણો યોગ દિવસ અંગે પીએમ મોદીએ શું કહ્યું 

યોગ દિવસ અંગે વાત કરતા પીએમ મોદીએ કહ્યું, મિત્રો, અમારા દેશમાં આ વખતે અમૃત મહોત્સવને ધ્યાનમાં રાખીને દેશના 75 મુખ્ય સ્થાનો પર પણ આંતરરાષ્ટ્રીય યોગ દિવસનુ આયોજન થશે.