ચૂંટણી / TMCની ફરિયાદ પછી બંગાળના પેટ્રોલપંપ માલિકોને ECનો આદેશ, ૭૨ કલાકમાં કરવું પડશે આ કામ

• પીએમ મોદીની તસવીરો ઉતરરવી પડશે 
• બંગાળમાં લાગૂ થઈ ગઈ છે આચાર સંહિતા 
• ટીએમસીએ કરી હતી ફરિયાદ

મહત્વનું છે કે બંગાળમાં આગામી અમુક સમયની અંદર વિધાનસભાની ચૂંટણીઓ યોજાવા જઈ રહી છે, અને અહીં મુખ્ય પ્રતિસ્પર્ધા ભાજપ અને મમતા બેનરજીના નેતૃત્વ વાળી ટીએમસીની વચ્ચે છે, આ દરમિયાન ટીએમસીએ ચૂંટણી આયોગને ભાજપને લઈને એક ફરિયાદ કરી હતી જેના અન્વયે ૭૨ કલાકની અંદર તમામ પેટ્રોલપંપ પરથી પીએમ મોદીના હોર્ડીંગ વાળા ફોટો ઉતારી લેવાની ચૂંટણી પંચે આદેશ આપ્યો છે. કોલકાતામાં રાજ્ય ચૂંટણી કચેરીના અધિકારીએ આ માહિતી આપી હતી.

ટીએમસીએ કરી હતી ફરિયાદ 

પશ્ચિમ બંગાળના મુખ્ય ચૂંટણી અધિકારી કાર્યાલયના અધિકારીએ કહ્યું કે આવા હોર્ડિંગ્સમાં વડા પ્રધાન નરેન્દ્ર મોદીના ફોટોગ્રાફનો ઉપયોગ કરવો આદર્શ આચારસંહિતાનું ઉલ્લંઘન છે. રાજ્યમાં 26 ફેબ્રુઆરીએ યોજાનારી વિધાનસભાની ચૂંટણીઓની ઘોષણાની સાથે આદર્શ આચારસંહિતા લાગુ છે.

આની પહેલા તૃણમૂલ કોંગ્રેસના પ્રતિનિધિ મંડળ ચૂંટણી પંચના અધિકારીઓને મળ્યા હતા અને આરોપ લગાવ્યો હતો કે લોકોને કેન્દ્રિય યોજનાઓ વિશે માહિતી આપવા માટે હોર્ડિંગ્સમાં વડા પ્રધાનના ફોટોગ્રાફનો ઉપયોગ કરવો તે આદર્શ આચારસંહિતાનો ભંગ છે.

બંગાળમાં વિધાનસભા ચૂંટણી 8 ચરણમાં પૂર્ણ થશે 

આ વખતે પશ્ચિમ બંગાળમાં આઠ તબક્કામાં વિધાનસભાની ચૂંટણી યોજાશે. છેલ્લી વિધાનસભાની ચૂંટણી સાત તબક્કામાં યોજાઇ હતી. પ્રથમ તબક્કાના મતદાન 27 માર્ચે પાંચ જિલ્લાની 30 વિધાનસભા બેઠકો પર યોજાશે. બીજા તબક્કાના મતદાન 1 એપ્રિલે ચાર જિલ્લાની 30 વિધાનસભા બેઠકો પર યોજાશે. ચૂંટણીનો ત્રીજો તબક્કો 31 વિધાનસભા બેઠકો પર 6 એપ્રિલના રોજ યોજાશે.

44 વિધાનસભા બેઠકો પર ચોથા તબક્કાના મતદાન 10 એપ્રિલના રોજ થશે. પાંચમા તબક્કાના મતદાન 17 એપ્રિલના રોજ 44 વિધાનસભા બેઠકો પર યોજાશે. છઠ્ઠા તબક્કામાં 22 વિધાનસભા બેઠકો પર 22 એપ્રિલના રોજ ચૂંટણી યોજાશે. સાતમા તબક્કામાં 26 એપ્રિલના રોજ 36 વિધાનસભા બેઠકો અને 29 અને એપ્રિલના રોજ અંતિમ અને આઠમા તબક્કામાં 35 વિધાનસભા બેઠકો માટે ચૂંટણી યોજાશે. આ સાથે જ 2 મેના રોજ મતગણતરી યોજાશે.