ગુજરાત / આજે સવારે PM મોદી પાવાગઢ મંદિરનું કરશે ઉદ્ધાટન, બપોરે વડોદરામાં વિકાસકાર્યોની આપશે ભેટ, જાણો સમગ્ર કાર્યક્રમ

ગુજરાત વિધાનસભાની ચૂંટણીને લઇ ભાજપે પ્રચાર તેજ કરી દીધો છે. એવામાં પ્રધાનમંત્રી નરેન્દ્ર મોદી 2 દિવસના ગુજરાત પ્રવાસે આવ્યા છે. પ્રધાનમંત્રી નરેન્દ્ર મોદી 17મી જૂને મોડી સાંજે અમદાવાદ એરપોર્ટ પહોંચ્યા હતા. ત્યાંથી તેઓ ગાંધીનગર પહોંચ્યા હતા. જ્યાં ગાંધીનગર રાજભવન ખાતે તેમનું રાજ્યપાલ આચાર્ય દેવવ્રત દ્વારા સ્વાગત કરાયું હતું. રાજભવન ખાતે તેઓ રાત્રી રોકાણ કરશે. તો સવારે તેઓ માતા હીરાબાના આશીર્વાદ લેવા માટે જઇ શકે છે. ત્યારબાદ પ્રધાનમંત્રી આજે સવારે પાવાગઢ મહાકાળી માતાના દર્શન કરશે. બાદમાં વડોદરા પહોંચીને અનેક યોજનાઓનું ખાતમુહૂર્ત અને લોકાર્પણ કરશે.

ગુજરાતની મુલાકાતે પધારેલા આદરણીય પ્રધાનમંત્રી શ્રી નરેન્દ્રભાઈ મોદીજીનું અમદાવાદ એરપોર્ટ ખાતે સ્નેહસભર સ્વાગત કર્યું.

પ્રધાનમંત્રીશ્રી આવતીકાલે વિકાસના અનેક પ્રોજેક્ટ્સની ભેટ ગુજરાતને આપશે. આ કાર્યક્રમોમાં પ્રધાનમંત્રીશ્રીની સાથે સહભાગી થવા ઉત્સુક છું. pic.twitter.com/fmSDOWFVJ8

— Bhupendra Patel (@Bhupendrapbjp) June 17, 2022

વડોદરામાં પ્રધાનમંત્રી મોદી ત્યારબાદ અહીં તેઓ એક સભાને સંબોધશે. વડોદરામાં સભા સ્થળે 9 ડોમ બનાવાયા છે જેમાં 3 લાખ લોકો બેસી શકે તેવી વ્યવસ્થા ગોઠવવામાં આવી છે. તો બીજી તરફ પ્રધાનમંત્રી નરેન્દ્ર મોદીના માતા હીરાબા આજે(18 જૂન) 100 વર્ષના થઈ રહ્યાં છે. હીરાબાના 100 વર્ષ થવા પર પરિવાર દ્વારા વડનગરમાં પૂજાપાઠ અને ભક્તિ સંધ્યા જેવા અનેક કાર્યક્રમોનું આયોજન કરાયું છે.  પ્રધાનમંત્રી નરેન્દ્ર મોદીનો આજનો સમગ્ર કાર્યક્રમ જાણી લો...

પ્રધાનમંત્રીનો પાવાગઢનો સમગ્ર કાર્યક્રમ

• PM મોદી પાવાગઢ મંદિરની મુલાકાતે જશે
• PM મોદી પાવાગઢ મંદિરમાં માતાજીના દર્શન કરશે અને ધ્વજા લહેરાવશે
• PM મોદી મંદિરમાં શાસ્ત્રોક્ત વિધિનુસાનર પૂજા-અર્ચન કરશે
• પાવાગઢમાં કાલિકા માતાના પુન:વિકસિત મંદિરનું કરશે ઉદ્ધઘાટન 
• PM મોદી પાવાગઢમાં રૂ.137 કરોડના વિકાસ કાર્યોની ભેટ આપશે
• કાલિકા માતાના નવનિર્મિત શિખર પર કરશે ધ્વજારોહણ
• 11.30 કલાકે પાવાગઢ નજીક જેપુરા ગામ પાસે વિરાસત વનની મુલાકાત લેશે
• આ વનને પ્રધાનમંત્રીએ 31 જૂલાઇ 2011ના રોજ ખુલ્યું મુક્યું હતું
• સીતા અશોકનો છોડ વાવ્યો હતો

પાવાગઢ મંદિરને કરાયું છે પુનઃવિકસિત

• રૂ.137 કરોડના ખર્ચે પાવાગઢ મંદિર સંકુલ રિનોવેટ કરાયું
• પાવાગઢ મંદિરના શિખર ઉપર કળશ-ધ્વજદંડને સોનાથી મઢવામાં આવ્યા
• મંદિરના જર્જરિત શિખરને નવા રંગરૂપ સાથે તૈયાર કરાયું
• મંદિર પરિસર બે માળનું આનુષંગિક સુવિધાઓ સાથે તૈયાર કરાયું
• ગર્ભગૃહમાં મૂળ સ્થાપન યથાવત રાખી મંદિર નવેસરથી તૈયાર કરાયું
• મંદિરની આસપાસ વિશાળ ચોક બનાવવામાં આવ્યો
• મંદિરમાં વિશ્રામગૃહ, પીવાનું પાણીની સુવિધા ઉભી કરાઇ
• મંદિરના પહાડના પગથિયાને સુવ્યવસ્થિત બનાવવામાં આવ્યા
• માંચીથી રોપવે અપરસ્ટેશન સુધી 2200 પગથિયા બનાવાયા
• અપરસ્ટેશનથી દૂધિયા તળાવ થઇ મંદિર સુધી 500 પગથિયા બનાવાયા
• 12 કરોડના ખર્ચે મંદિર જીણોદ્વારનું કામ ટ્રસ્ટ દ્વારા કરાયું હતું
• અતિથિગૃહ અને મલ્ટી-લેવલ પાર્કિંગનું પણ થશે નિર્માણ
• પ્રવાસીઓના રાત્રિ રોકાણ માટે ભક્તિનિવાસ બનાવવામાં આવશે
• બૃહદ ભોજનશાળાનું પણ નિર્માણ કરવામાં આવશે 
• છાસિયા તળાવથી મંદિર સુધી બે મોટી લિફ્ટ ઉભી કરાશે
• દૂધિયા અને છાસિયા તળાવને જોડતો પ્રદક્ષિણાપથ તૈયાર કરાશે
• આજુબાજુમાં પર્વત પર મોટાપાયે વૃક્ષારોપણનું આયોજન હાથ ધરાશે

પાવાગઢ મંદિર યાત્રાળુઓ માટે આજે બંધ રહેશે

• PM મોદીના પ્રવાસને લઈ પાવાગઢ મંદિર ટ્રસ્ટ દ્વારા લેવાયો નિર્ણય
• આજે યાત્રાળુઓ માટે મંદિરમાં દર્શન બંધ રહેશે
• 18 જૂને PM મોદી પાવાગઢ મંદિરની લેશે મુલાકાત
• 18 જૂને 3 વાગ્યા બાદ ભક્તો કરી શકશે દર્શન

પ્રધાનમંત્રીનો વડોદરાનો સમગ્ર કાર્યક્રમ

• PM મોદી 12.30 કલાકે વડોદરા ખાતે ગુજરાત ગૌરવ અભિયાનમાં ભાગ લેશે
• ત્યારબાદ પ્રધાનમંત્રી એક સભાને સંબોધશે
• PM મોદી 21 હજાર કરોડના વિકાસ કાર્યોનું લોકાર્પણ અને ખાતમુહૂર્ત કરશે
• રેલવે વિભાગ હસ્તકના ગુજરાતના 16,369 કરોડ રૂપિયાના વિવિધ 18 પ્રકલ્પોનુ ખાતમુહૂર્ત કરશે
• પ્રધાનમંત્રીના હસ્તે રેલવેના વિવિધ રૂ.૧૦૭૪૯ કરોડના ખર્ચે નિર્માણ થયેલ 5 પ્રોજેક્ટનું લોકાર્પણ કરશે
• પ્રધાનમંત્રી રૂ.૫૬૨૦ કરોડના ખર્ચે નિર્માણ થનાર વિવિધ ૧૩ પ્રોજેક્ટનું ખાતમુહુર્ત કરવામાં આવશે
• પ્રધાનમંત્રી મોદી અમદાવાદ-બોટાદ વચ્ચેની પેસેન્જર ટ્રેનની શરૂઆત કરાવશે
• રેલ લાઈન બદલવાની કામગીરીને પગલે ત્રણ વર્ષથી રેલસેવા બંધ કરવામાં આવી હતી
• PM આવાસ યોજના હેઠળ 1.4 લાખથી વઘુ ઘરોનું પણ લોકાર્પણ કરશે
• વડોદરામાં ભારતીય ગતિ શક્તિ વિશ્વવિદ્યાલયના નવા ભવનનું PM કરશે ખાતમુહૂર્ત
• કેન્દ્ર સરકાર વડોદરા સ્થિત રાષ્ટ્રીય રેલ્વે પરિવહન સંસ્થાનું નામ બદલીને ભારતીય ગતિશક્તિ વિશ્વ વિદ્યાલય કરવા જઈ રહી છે
• આની સાથે આ વિશ્વવિદ્યાલયને કેન્દ્ર યુનિવર્સિટીનો દરજ્જો પણ આપવામાં આવશે
• PM મોદી પાલનપુર-મદાર ડેડિકેટેડ ફ્રેઇટ કોરિડોરનું લોકાર્પણ
• અમદાવાદ-બોટાદ રેલવે પેસેન્જર ટ્રેનનું ફ્લેગ ઓફ કરાવશે
• લુનિધાર-ઢસા, પાલનપુર-રાધનપુર ટ્રેનને લીલી ઝંડી આપી પ્રસ્થાન કરાવશે
• કેટલાક રેલવે સ્ટેશનના રી-ડેવલપમેન્ટના કામોનું ખાતમુહૂર્ત કરશે
• PM મોદી મુખ્યમંત્રી માતૃશક્તિ યોજનાનો પણ પ્રારંભ કરાવશે
• મહિલાઓની સગર્ભાવસ્થાથી માંડીને ૧,૦૦૦ દિવસ સુધી માતા અને બાળકોને પોષણયુક્ત આહાર પૂરો પાડવામાં આવશે
• રાજ્યના તમામ આદિજાતિ તાલુકાઓમાં ‘પોષણ સુધા યોજના’નું પણ લોન્ચિંગ કરવામાં આવશે
• જે યોજના હેઠળ આદિજાતિ વિસ્તારની મહિલાઓને આવરી લેવામાં આવશે

વડોદરામાં આ રુટ પર પ્રવેશ બંધ
1. હરણી જકાતનાકાથી માણેક પાર્ક તરફ પ્રવેશબંધી
2. અમિતનગર બ્રિજ ઉપર/નીચેથી માણેક પાર્ક પ્રવેશબંધી
3. સંગમ ચાર રસ્તાથી માણેક પાર્ક પ્રવેશબંધી
4. પંચશીલ ત્રણ રસ્તાથી ન્યૂ VIP રોડ તરફ પ્રવેશબંધી
5. ધવલ ચાર રસ્તાથી ખોડીયાર નગર પ્રવેશબંધી
6. દરજીપુરા પાંજરાપોળથી ખોડીયાર નગર તરફ સભામાં આવતા વાહનો સિવાય પ્રવેશબંધી
7. કિશનવાડી ચાર રસ્તાથી સુપર બેકરી તરફ પ્રવેશબંધી
8. મહાવીર હોલથી સરદાર એસ્ટેટ તરફ પ્રવેશબંધી
9. વૃંદાવનથી સરદાર એસ્ટેટ તરફ પ્રવેશબંધી
10. આજવા બ્રિજથી સરદાર એસ્ટેટ તરફ સભામાં આવતા વાહનો સિવાય પ્રવેશબંધી

વડોદરામાં આ વૈકલ્પિક રૂટ રહેશે
1. હરણી જકાતનાકા, મેટ્રો હોસ્પિટલ થઇ જે-તે તરફ
2. અમિતનગર બ્રિજ નીચેથી કારેલીબાગ, L&Tથી જે-તે તરફ
3. સંગમ ચાર રસ્તાથી કારેલીબાગ ટાંકી, માંડવીથી જે-તે તરફ
4. પંચશીલ ત્રણ રસ્તાથી વારસીયા, સંગમથી જે-તે તરફ
5. ધવલ ચાર રસ્તાથી વારસીયા, સંગમથી જે-તે તરફ
6. પંચમ ઇલાઇટથી દરજીપુરા બ્રિજથી જે-તે તરફ
7. કિશનવાડી ચાર રસ્તાથી મહાવીર હોલ, સંગમથી જે-તે તરફ
8. મહાવીર હોલથી સુલેમાની ચાલ, કિશનવાડીથી જે-તે તરફ
9. વૃંદાવનથી ઉમા, પરિવાર, વાઘોડિયા તરફ જઈ શકાશે.
10. આજવા બ્રિજથી હાઈવે થઇ જે-તે તરફ
11. વાઘોડિયા બ્રિજથી વૃંદાવન, સરદાર એસ્ટેટ સુધી સભામાં આવતા વાહનો સિવાય બંધ
12. હાઇવેથી જાંબુઆ, તરસાલી, કપુરાઈ, તરફથી આવતા વાહન સુશેન સર્કલ, સોમા તળાવ ચાર રસ્તા, રાજમહેલ રોડ, જેલ રોડ, ફતેગંજ સર્કલ, L&T સર્કલ, સમા સાવલી રોડ થઈ દુમાડ તરફ ખુલ્લો રહેશે.