ગાંધીનગર / VIDEO: આજથી તમારું નામ..: WHOના પ્રમુખનું PM મોદીએ કર્યું 'ગુજરાતી નામકરણ', લોકો પેટ પકડીને હસ્યાં

• PM મોદીએ WHOના પ્રમુખનું ગુજરાતી નામકરણ કર્યું
• PM મોદીએ ટેડ્રોસ ઘેબ્રેયેસસને તુલસી ભાઈ તરીકે સંબોધ્યા
• નામકરણ બાદ સભાખંડમાં ઉપસ્થિત સૌ કોઈમાં હાસ્યનું મોજું ફરી વળ્યું 

PM મોદીએ WHOના પ્રમુખનું ગુજરાતી નામકરણ કર્યું

ગાંધીનગરના મહાત્મા મંદિર ખાતે PM નરેન્દ્ર મોદીએ ગ્લોબલ આયુષ ઇન્વેસ્ટમેન્ટ એન્ડ ઇનોવેશન સમિટનો પ્રારંભ કરાવ્યો હતો, આ પ્રસંગે મોરેશિયસના PM પ્રવિંદ જુગનાથ તથા  WHOના મહાનિર્દેશક ખાસ ઉપસ્થિત રહ્યા હતા. આ અવસરે PM નરેન્દ્ર મોદીએ  WHOના પ્રમુખ  ટેડ્રોસ ઘેબ્રેયેસસને તુલસી ભાઈ તરીકેનું ગુજરાતી નામકરણ કર્યું હતું. જેને સભાખંડમાં ઉપસ્થિત સૌ કોઈમાં હાસ્યનું મોજું ફરી વળ્યું હતું.  

PM નરેન્દ્ર મોદી મહાત્મા મંદિ ખાતે વૈશ્વિક આયુષ રોકાણ સમિટ 2022નું ઉદ્ઘાટન કર્યું  

મહત્વનું છે કે,  PM નરેન્દ્ર મોદી દ્વારા ગાંધીનગર મહાત્મા મંદિર ખાતે આજે  વૈશ્વિક આયુષ રોકાણ અને નવીનતા સમિટ 2022નું ઉદ્ઘાટન કરવામાં આવ્યું છે. આ પ્રસંગે પ્રધાનમંત્રીએ સંબોધન કરતા જણાવ્યું કે હવે સમય આવી ગયો છે કે આયુષ ક્ષેત્રમાં પણ વધારેમાં વધારે પ્રમાણમાં ઇન્વેસ્ટમેન્ટ કરવામાં આવે.  આ અવસર અને સમિટની શાનદાર શરુઆત થઇ છે.  વડાપ્રધાન મોદીએ કહ્યું કે, આ પ્રથમ વખત છે જ્યારે આયુષ ક્ષેત્ર માટે રોકાણ સમિટનું આયોજન કરવામાં આવી રહ્યું છે. જ્યારે COVID19 ફાટી નીકળ્યો ત્યારે મેં તેના વિશે વિચાર્યું. આ સમય દરમિયાન 'આયુષ કઢા' અને અન્ય સમાન ઉત્પાદનોએ લોકોની રોગપ્રતિકારક શક્તિ વધારવામાં મદદ કરી છે.

મોરેશિયસના PM હાજર રહ્યા

આ સમિટના ઉદ્ઘાટન સમારોહમાં મોરેશિયસના PM પ્રવિંદ જગનાથ અને વિશ્વ આરોગ્ય સંસ્થાના મહાનિર્દેશક ટેડ્રોસ અધાનમ ઘેબ્રેયેસસ, ગુજરાતના મુખ્યમંત્રી ભૂપેન્દ્ર પટેલ, આયુષના કેન્દ્રીય મંત્રી સર્બાનંદ સોનોવાલ અને રાજ્ય મંત્રી ડો. મુંજપરા મહેન્દ્રભાઈ કાળુભાઈ ઉપસ્થિત છે. ઉલ્લેખનીય છે કે, ત્રણ દિવસમાં વૈશ્વિક આયુષ ઇન્વેસ્ટમેન્ટ એન્ડ ઇનોવેશન સમિટ 2022માં 5 પૂર્ણ સત્રો, 8 રાઉન્ડ ટેબલ, 6 વર્કશોપ, 2 સિમ્પોઝિયમ હશે. સમિટના ઉદઘાટન દિવસ 1 પછી તકનીકી સત્રો યોજાશે. આ સત્રોમાં બે રાઉન્ડ ટેબલ હશે, જે રાજદ્વારી કોન્ક્લેવ અને વિશ્વ માટે ભારતીય આયુષ તકો પર કેન્દ્રિત હશે.  

WHOના ડૉ. ટેડ્રોસ ગેબ્રેયેસસે ગુજરાતી બોલી સૌને મંત્રમુગ્ધ કર્યા

ઉલ્લેખનીય છે કે, જામનગરમાં WHO ગ્લોબલ સેન્ટર ફોર ટ્રેડિશનલ મેડિસિનના ઉદ્ધાટન પ્રસંગમાં પીએમ મોદીની સાથે WHO ચીફ ટેડ્રોસ ઘેબ્રેયેસસ પણ હાજર રહ્યાં હતા. પોતાના ભાષણની શરુઆતમાં જ ટેડ્રોસ ઘેબ્રેયેસસે ગુજરાતીમાં બોલીને લોકોના દીલ જીતી લીધા હતા. ભાષણની શરુઆતમાં જ WHO ચીફ બોલ્યાં કે કેમ છો બધા, મજામાને, તેમણે એવું પણ કહ્યું કે મને ગુજરાત આવીને ઘણુ સારુ લાગ્યું છે. ગુજરાતીમાં વાત કરવાની તેમની આ સ્ટાઈલને  લોકોએ તાળીઓના ગડગડાટથી વધાવી લીધી હતી. લોકોને તેમની ગુજરાતી ખૂબ પસંદ પડી.