અમેરિકાના રાષ્ટ્રપતિ ડોનાલ્ડ ટ્રમ્પની ભારત મુલાકાતનો આજે બીજો દિવસ છે. ટ્રમ્પને આજે સવારે રાષ્ટ્રપતિ ભવન ખાતે ગાર્ડ ઓફ ઓનર આપવામાં આવ્યું. ત્યારબાદ ટ્રમ્પે મહાત્મા ગાંધીજીને રાજઘાટ પર જઇ શ્રદ્ધાંજલિ અપી.
હૈદરાબાદ હાઉસમાં ટ્રમ્પ-મોદી વચ્ચે દ્વિપક્ષીય વાર્તા
ટ્રમ્પે ભવ્ય સ્વાગત માટે PM મોદીનો માન્યો આભાર
હૈદરાબાદ હાઉસ ખાતે PM મોદી સાથે દ્વીપક્ષીય બેઠક શરૂ થઇ ગઇ છે. જેમાં બંને દેશ વચ્ચે કેટલીક સમજૂતિ પર કરાર કરવામાં આવે તેવી શક્યતા છે. જેમાં ત્રણ અરબ ડોલરની રક્ષા ડિલ પણ સામેલ છે, જેની જાહેરાત અમેરિકાના રાષ્ટ્રપતિ ટ્રમ્પે અમદાવાદના મોટેરા સ્ટેડિયમ ખાતેથી કરી હતી.
ડોનાલ્ડ ટ્રમ્પે હૈદરાબાદ હાઉસ ખાતે ભવ્ય સ્વાગત માટે પ્રધાનમંત્રી નરેન્દ્ર મોદીનો આભાર માન્યો. ટ્રમ્પે કહ્યું કે ભારત આવવું મારા માટે સન્માનની વાત છે.
જ્યારે પ્રધાનમંત્રી નરેન્દ્ર મોદીએ કહ્યું કે ડોનાલ્ડ ટ્રમ્પનું ભારત આવવું યાદગાર રહેશે. ટ્રમ્પ અને તેમના પ્રતિનિધિમંડળનું સ્વાગત છે.