નવી દિલ્હીઃ અર્જેન્ટિનાની રાજધાની બ્યૂનસ આયર્સમાં થઇ રહેલી જી20 શિખર સંમેલનથી અન્ય પીએમ મોદીએ શુક્રવારે ચીની રાષ્ટ્રપતિ શી જિનપિંગ સાથે મુલાકાત કરી. આ દરમિયાન બન્ને પાડોશી દેશો વચ્ચે દ્વિપક્ષીય સંબંધ મજબૂત કરવાના ઉપાયો પર ચર્ચા થઇ. પીએમ મોદી અને શી જિનપિંગ વચ્ચે આ વર્ષની આ ચોથી મુલાકાત હતી.
પીએમ મોદી અને શી જિનપિંગ એપ્રિલમાં ચીની શહેર વુહાનમાં થયેલ પોતાની અનૌપચારિક બેઠક બાદ બે વાર મળી ચૂક્યા છે. બન્ને નેતા જૂનમાં ચીનના ચિંગદાઓમાં થયેલ શાંઘાઇ સહયોગ સંગઠન સંમેલનમાં મળ્યા હતા અને પછી જુલાઇમાં દ.આફ્રીકાના જોહાન્સબર્ગમાં બ્રિક્સ શિખર સંમેલનમાં બન્નેની મુલાકાત થઇ હતી.
પીએમ મોદીએ ચીની રાષ્ટ્રપતિને કહ્યું કે તેઓ આગામી વર્ષે એક અનૌપચારિક બેઠકમાં તેમની આગેવાની કરવાની આશા કરે છે. પ્રધાનમંત્રીએ કહ્યું કે આજની બેઠક આપણા સંબંધોને મજબૂત કરવાના સંદર્ભમાં એક દિશા પ્રદાન કરવામાં મહત્વની હશે.
તેમણે કહ્યું કે આ પ્રકારે પહલ ગતિને બનાવી રાખવામાં મદદગાર છે. તેમણે કહ્યું કે ચિંગદાઓ અને જોહાન્સબર્ગમાં બે સમીક્ષા બેઠક થઇ હતી.
સાઉદી અરબના ક્રાઉન પ્રિન્સને પણ મળ્યા પીએમ મોદી
આ પહેલા પીએમ મોદી સાઉદી અરબના ક્રાઉન પ્રિન્સ મોહમ્મદ બિન સલમાનને મળ્યા હતા. સાઉદી પ્રેસના જણાવ્યા અનુસાર તે દરમિયાન રાજકીય સુરક્ષા આર્થિક રોકાણ કૃષિ ઉર્જા સંસ્કૃતિ અને પ્રૌદ્યોગિકી સહિત અલગ અલગ દ્વિપક્ષીય મુદ્દાઓ પર ચર્ચા થઇ હતી.