પીએમ મોદી ઈન્ડોનેશિયાના બાલીમાં ભારતીય સમુદાયને મળ્યાં ત્યારે તેમણે સંજયદત્તની સુપર હિટ ફિલ્મ નામનું ગીત ગાઈને તેમનું સ્વાગત કર્યું હતું.
પીએમ મોદી બાલીમાં ભારતીય સમુદાયના લોકોને મળ્યાં
ભારતીયો પીએમ મોદીને જોઈને આનંદવિભોર બન્યાં
લોકોએ સંજયદત્તની સુપર હિટ ફિલ્મ નામનું ગીત ગાયું
બાલીમાં જી-20 શિખર સંમેલનમાં ભાગ લેવા માટે ઈન્ડોનેશિયાના પ્રવાસે ગયેલા વડાપ્રધાન નરેન્દ્ર મોદીએ ભારતીય સમુદાયને સંબોધિત કર્યો હતો અને તેમની સાથે વાતચીત કરી હતી. વડાપ્રધાન અને ભારતીય સમુદાયના લોકોનો વીડિયો પણ વાયરલ થઇ રહ્યો છે.
પીએમને જોઈને લોકો ગાવા લાગ્યા સંજયદત્તની ફિલ્મનું ગીત
સેલિબ્રિટી ફોટોગ્રાફર વિરલ ભાયાણીએ પીએમ નરેન્દ્ર મોદીનો એક વીડિયો પોતાના ઓફિશિયલ ઇન્સ્ટાગ્રામ એકાઉન્ટ પર શેર કર્યો છે. પીએમનો આ વીડિયો ભારતીય સમુદાયને મળવાના સમયનો છે. વીડિયોમાં પીએમ મોદી ભારતીય જનતાને ખુબ જ ખુશીથી મળી રહ્યા છે. સાથે જ પીએમને જોઈને લોકોની ભીડ 'ચિઠ્ઠી આયી હૈ, આયી હૈ' ગીત ગાવા લાગ્યાં હ હતા. પીએમનો આ વીડિયો સોશિયલ મીડિયા પર સતત વાયરલ થઇ રહ્યો છે. ઘણા સોશિયલ મીડિયા યુઝર્સ આ વીડિયોને પસંદ કરી રહ્યા છે.
બાલીમાં રહેતા ભારતીયોને સંબોધિત કર્યાં
પીએમ મોદીએ બાલીમાં રહેતા ભારતીયોને પણ સંબોધિત કર્યા હતા. અહીં પીએમે કહ્યું હતું કે, ભારત હવે નાની નાની વાતો વિશે વિચારતું નથી અને હવે દુનિયામાં ભારતના ડંકો વાગે છે. મોદીએ કહ્યું હતું કે ભારત જવાબદારી સાથે આગળ વધવા માટે કટિબદ્ધ છે.
પીએમ મોદી બાયડન, મેક્રોન અને ઋષિ સુનકને મળ્યાં
જી-20 સમિટમાં પીએમ મોદીએ શી જિનપિંગ પહેલા અમેરિકાના રાષ્ટ્રપતિ જો બાઈડેન, ફ્રાંસના રાષ્ટ્રપતિ ઈમેન્યુઅલ મેક્રોન અને બ્રિટનના નવા પીએમ ઋષિ સુનક સાથે પણ મુલાકાત કરી હતી. પીએમ મોદીએ યુક્રેન યુદ્ધ બંધ કરવાની અપીલ પણ કરી હતી.