બંધબારણે બેઠક / આજે મોદી- મમતા વચ્ચે કલકત્તામાં ગુપ્ત બેઠક, શું CAA અને NRC વિશે ચર્ચા કરશે?

• CAA-NRC ને લઇને TMC ના ઉગ્ર વિરોધ વચ્ચે મુલાકાત
• PM મોદી અને મમતા બેનર્જી  વચ્ચે રાજભવનમાં મુલાકાત
• CAA ને લઇને બંને નેતાઓ વચ્ચે થઇ શકે છે ચર્ચા

પ્રધાનમંત્રી નરેન્દ્ર મોદી આજે સાંજે રાજ્યના મુખ્યમંત્રી મમતા બેનર્જી સાથે રાજભવમાં મુલાકાત કરશે. જો કે આ બંને નેતાઓની આ મુલાકાતને લઇને અટકળોનું બજાર ગરમ જોવા મળી રહ્યું છે. આ મુલાકાતમાં CAA ને લઇને કોઇ ચર્ચા કરવામાં આવે તેવી સંભાવના છે. 

પ્રધાનમંત્રી નરેન્દ્ર મોદીનો આ પ્રવાસ એવા સમયે થઇ રહ્યો છે જ્યારે કેન્દ્ર સરકાર દ્વારા નાગરિકતા સંશોધન કાયદૂ લાગુ કરી દેવામાં આવ્યો છે જેનો મમતા બેનર્જી સરકાર જોરશોરથી વિરોધ કરી રહી છે. 

એક ઉચ્ચ અધિકારીના જણાવ્યા અનુસાર નિર્ધારિત સમય અનુસાર આજરોજ પ્રધાનમંત્રી નરેન્દ્ર મોદી સાંજે કોલકાતા પહોંચશે. ત્યારબાદ પીએમ મોદી અને રાજ્યના મુખ્યમંત્રી મમતા બેનર્જી વચ્ચે બેઠક યોજાશે. જો કે આ બેઠકના એજન્ડાને લઇને અધિકારીએ કોઇ ખુલાસો કર્યો નહોતોં. 

જો પીએમ મોદી અને મમતા બેનર્જીની મુલાકાતને લઇને વિદ્યાર્થીઓના વિરોધને ધ્યાનમાં રાખતાં રાજભવનની આસપાસ ધારા-144 લાગુ કરી દેવામાં આવી છે. રાજભવન અને એરપોર્ટની આસપાસ મોટી સંખ્યામાં સુરક્ષાદળ તહેનાત કરી દેવામાં આવ્યું છે. જ્યારે એરપોર્ટથી રાજભવન સુધીના રોડ પર બેરીકેડિંગ કરી દેવામાં આવી છે. આમ એરપોર્ટથી રાજભવન સુધી સુરક્ષાકર્મી તહેનાત કરવામાં  આવ્યાં છે. 

વિદ્યાર્થીનો હેતુ પીએમ મોદીને સંદેશ આપવાનો
આ વચ્ચે વામપંથી વિદ્યાર્થી સંગઠન SFI દ્વારા રાજ્યના અન્ય ભાગમાંથી વિદ્યાર્થીઓને કોલકાતા પહોંચવાનું જણાવામાં આવ્યું છે. વિદ્યાર્થીનો હેતુ ભારે વિરોધ પ્રદર્શન દ્વારા પ્રધાનમંત્રી મોદીને સંદેશ પાઠવવાનો છે. 

વિદ્યાર્થીઓની યોજના છે કે તેઓ રાજભવનની પાસે પહોંચી જાય. પીએમ મોદીનો રાજભવન ખાતે રોકવાનો કાર્યક્રમ છે. પ્રધાનમંત્રી નરેન્દ્ર મોદીનો પ્રવાસ એવા સમયે થઇ રહ્યો છે જ્યારે કેન્દ્ર સરકારે CAA લઇને નોટિફિકેશન જાહેર કરી દીધું છે.