સરદાર પટેલ સ્ટેેડિયમ ખાતે પીએમ મોદી ખેલ મહાકુંભનો કરાવશે પ્રારંભ. સ્ટેડિયમ સુધીના રુટ પર ભાજપના કાર્યકરો કરશે સ્વાગત
પીએમ નરેન્દ્ર મોદીના ગુજરાત પ્રવાસનો આજે છેલ્લો દિવસ છે. તેઓ દહેગામ રક્ષા શક્તિ યુનિવર્સિટી ખાતે પદવીદાન સમારોહમાં હાજરી આપવા પહોંચ્યા હતા. ત્યારબાદ ત્યાંથી તેઓ ઇન્દિરા બ્રિજ થઇને સરદાર પટેલ સ્ટેડિયમ પહોંચશે. ત્યાં તેઓ ખેલ મહાકુંભનો પ્રારંભ કરાવશે. પીએમ મોદીના બે રોડ શો જોયા બાદ લાગી રહ્યું છે કે ત્રીજો રોડ શો પણ યોજાઇ શકે છે. કારણ કે સ્ટેડિયમ જવાના રુટ પરર વેલકમ પીએમ મોદીના પોસ્ટર લગાવવામાં આવ્યા છે. વળી ભાજપના કાર્યકરો પણ પીએમ મોદીને આવકારવામાં માટે તૈયારીઓમાં લાગી ગયા છે.
કાર્યકરો દ્વારા કરાશે ભવ્ય સ્વાગત
11 અને 12 માર્ચ એમ બે દિવસ પીએમ મોદીના ગુજરાતમાં કાર્યક્રમ રહ્યા. રક્ષા શક્તિ યુનિવર્સિટીમાં પદવીદાન સમારોહ બાદ તેઓ સીધા સરદાર પટેલ સ્ટેડિયમ પહોંચશે. ઇન્દિરા બ્રિજ થઇને તેઓ સરદાર પટેલ સ્ટેડિયમ પહોંચવાના છે તે રુટ પર ભાજપના કાર્યકરો દ્વારા સ્વાગત કરવામાં આવશે. મહત્વનુ છે કે અહીં તેઓ સરદાર પટેલ સ્ટેડિયમમાં ખેલ મહાકુંભનો પ્રારંભ કરાવશે. જે માટેની તડામાર તૈયારીઓ કરવામાં આવી છે. 11 માર્ચ સાંજે ગૃહરાજ્યમંત્રી અને રમત ગમત મંત્રી હર્ષ સંઘવી દ્વારા સરદાર પટેલ સ્ટેડિયમમાં ખેલ મહાકુંભની તૈયારીઓની સમીક્ષા કરવામાં આવી હતી. તેમજ ગ્રાન્ડ રિહર્સલ પણ કરવામાં આવ્યુ હતું.
આ રુટ થકી પહોંચશે સ્ટેડિયમ
ઈન્દિરાબ્રિજ
તાજ હોટલ
દફનાળા
રિવરફ્રન્ટ
અમુલ કોર્નર
સર્કિટ હાઉસ પાછળ ભાગ
સુભાષબ્રિજ કોર્નર
ગાંધી આશ્રમ
ગોલ્ડન હાઇટ્સ
પીએમ મોદી કરશે ત્રીજો રોડ શૉ ?
વડાપ્રધાન નરેન્દ્રમોદી દહેગામથી સ્ટેડિયમ પહોંચશે. આ રુટ પર પણ ભાજપના કાર્યકર્તાઓ સહિત જનમેદની ઉમટી પડશે તેમાં કોઇ નવાઇ નહી. ત્યારે શક્યતા છે કે ફરી એકવાર પીએમ મોદી ખુલ્લી જીપમાં સવાર થઇ શકે છે. લોકોનો પ્રેમ અને સ્નેહ જોતા પીએમ મોદી ત્રીજો રોડ શો કરી શકે છેતેવી શક્યતા નકારી શકાય તેમ નથી.
આ રુટ રહેશે બંધ
સરદાર પટેલ બાવલા સર્કલથી સ્ટેડીયમ છ રસ્તા
ઈન્કમટેક્સ ચાર રસ્તાથી સ્વસ્તીક ચાર રસ્તા
લખુડી સર્કલથી સ્ટેડીયમ છ રસ્તા
કોમર્સ સર્કલથી સ્ટેડીયમ છ રસ્તા
આ છે વૈકલ્પિક રુટ
ઉસ્માનપુરા ચાર રસ્તા થઈને ઈન્કમટેક્સ ઓવરબ્રિજ
બુટ્ટાસિંગ ચાર રસ્તા થઈને મીઠાખળી સર્કલ
ગીરીશ કોલ્ડડ્રીંક્સ ચાર રસ્તા થઈ સ્વસ્તીક ચાર રસ્તા
રાત્રે 8.30 વાગ્યે: અમદાવાદથી નવી દિલ્હી વિશેષ વિમાન મારફતે રવાના
રાજભવન થી દહેગામ સુધી રોડ શો
રાજભવનથી દહેગામ રક્ષા શક્તિ યુનિવર્સિટી સુધી પીએમ મોદીનો બીજા દિવસે પણ ભવ્ય રોડ શો યોજાયો. ભાજપના કાર્યકરો તથા જનતાનું અભિવાદન ઝીલીને પીએમ મોદી દેહગામ પહોંચ્યા હતા. આ કાર્યક્રમમાં ગુજરાતનાં મુખ્યમંત્રી ભૂપેન્દ્ર પટેલ, કેન્દ્રીય ગૃહમંત્રી અમિત શાહ અને ગુજરાત રાજ્યના રાજ્યપાલ પણ હાજર રહ્યા હતા. રાષ્ટ્રીય રક્ષા યુનિવર્સિટમાં પ્રથમ પદવીદાન સમારોહ છે. જ્યાં 1090 વિદ્યાર્થીઓને પદવી આપવામાં આવી, તેમજ 38 વિદ્યાર્થીઓને ગોલ્ડ મેડલ અપવામાં આવ્યા. અને 13 વિદ્યાર્થીઓને ડૉક્ટરેટની ડિગ્રી આપવામાં આવી.
એરપોર્ટથી કમલમ સુધી રોડ શો
બે વર્ષ બાદ પીએમ મોદી પ્રથમ વાર વતન આવ્યા ત્યારે તેઓનું ભવ્ય સ્વાગત કરવામાં આવ્યુ હતું. 9 કિલોમીટરના રોડ શોંમાં પીએમ મોદીને નિહાળવા લાખોની સંખ્યામાં લોકો ઉમટી પડ્યા હતા. અમદાવાદના આંગણે અનેરો અવસર જાણે આવ્યો હોય તેવો માહોલ જોવા મળ્યો હતો., બે વર્ષ બાદ પીએમ મોદી અમદાવાદ આવ્યા છે તેની ખુશી દરેક ગુજરાતીઓના ચહેરા પર જોવા મળી હતી. એરપોર્ટ પરથી કમલમ સુધી પીએમ મોદીનો રોડ શો યોજાયો. તેમની એક ઝલક જોવા લોકો પડાપડી કરી રહ્યા હતા.તો સામે પીએમ મોદી પણ લોકોનું હસતા મોઢે અભિવાદન ઝિલતા જોવા મળી રહ્યા હતા.
રંગારંગ કાર્યક્રમો લાઇવ નિહાળી શકાશે
સરદાર પટેલ સ્ટેડિયમમાં પીએમ મોદીના આગમનને પગલે ખાસ તૈયારીઓ કરવામાં આવી છે. સ્ટેડિયમમાં લાઇટિંગ અને સ્ટેજ ઉભા કરવામાં આવ્યા છે. જ્યારે કાર્યક્રમ શરૂ થશે ત્યારે સમગ્ર સ્ટેડિયમ લાઇટોથી ઝળહળી ઉઠશે. આ સાથે જ રંગારંગ કાર્યક્રમો, ખેલાડીઓ સાથે વિશેષ કાર્યક્રમોનું આયોજન પણ કરાયું છે. જેમાં 1100 કલાકાર પર્ફોમન્સ કરવાના છે. સ્ટેડિયમમાં 50 હજારથી વધારે લોકો હાજર રહેશે. જ્યારે પાંચ લાખ લોકો ઓનલાઇન આ કાર્યક્રમ નિહાળશે.
ચુસ્ત પોલીસ બંદોબસ્ત
રાજ્યપાલ આચાર્ય દેવવ્રત, મુખ્યમંત્રી ભુપેન્દ્ર પટેલ, પ્રદેશ ભાજપ અધ્યક્ષ સી આર પાટીલ અને હર્ષ સંઘવી પણ કાર્યક્રમમા હાજર રહેશે. આ સમયે સુરક્ષામાં ચૂક ન રહી જાય તેનું ખાસ ધ્યાન રાખવામાં આવ્યું છે. ખેલ મહાકુંભના કાર્યક્રમને લઈ સ્ટેડિયમથી એરપોર્ટ સુધી અભેદ લોખંડી બંદોબસ્ત ગોઠવવામાં આવ્યો છે. જેમાં 3697 પોલીસ કર્મીઓ બંદોબસ્તમાં જોડાયા છે. સરદાર પટેલ સ્ટેડિયમ પર 1 આઇજી, 5 ડીસીપી, 9 એસીપી, 35 પીઆઇ, 157 પીએસઆઇ, 615 પોલીસકર્મીઓ મળી કુલ 822 પોલીસકર્મીઓ તૈનાત છે. જ્યારે એરપોર્ટથી સ્ટેડિયમ સુધી એક-એક આઇજી, આઠ ડીસીપી, 14 એસીપી, 41 પીઆઇ, 110 પીએસઆઇ અને પોલીસકર્મીઓ હાજર છે.