ડિસ્કવરી ચેનલ પર સોમવારનાં રોજ (12 ઓગસ્ટ)નાં રાત્રીના નવ કલાકે Man vs Wild શોને પ્રસારિત કરવામાં આવ્યો હતો. આ ટીવી શોમાં પ્રધાનમંત્રી નરેન્દ્ર મોદી હોસ્ટ બેયર ગ્રિલ્સ (Bear Grylls)ની સાથે દેખાયા હતાં. પ્રસારણ બાદ શો સોશિયલ મીડિયા પર પણ વધારે ચર્ચિત બન્યો છે.
હકીકતમાં સોશિયલ નેટવર્કિંગ સાઇટ ટ્વિટર પર મેન વર્સિસ વાઇલ્ડ શોને વિશ્વભરમાં 360 કરોડથી પણ વધારે વ્યૂઝ મળ્યાં છે. આ સાથે જ આ શો સોશિયલ મીડિયા પર સૌથી વધારે ટ્રેન્ડ કરનાર શો બની ગયો છે. પ્રધાનમંત્રી મોદીએ મેન વર્સિસ વાઇલ્ડના આ એપિસોડે ટીવીનાં ફેમસ શો સુપર બાઉલને પણ પાછળ છોડી દીધો છે. આ શોને સોશિયલ મીડિયા પર 340 કરોડ જેટલાં વ્યૂઝ મળ્યા હતાં.
વૈશ્વિક સ્તરે પણ ટૉપ પર રહી આ શૉની વ્યૂઝઃ
હાલમાં પણ આની સંખ્યામાં સતત વધારો થઇ રહ્યો છે. જાણકારી અનુસાર આ શોની છાપ માત્ર ભારતમાં નહીં પરંતુ વૈશ્વિક સ્તરે પણ એક અલગ જ છાપ ઉભી કરી હતી. શોનાં હૉસ્ટ બેયર ગ્રિલ્સે પણ આ ઉપલબ્ધતાને લઇ પોતે ખુશી વ્યક્ત કરી હતી. આ શોનું પ્રસારણ વિશ્વભરમાં 180થી પણ વધારે દેશોમાં કરવામાં આવ્યું હતું. તમને જણાવી દઇએ કે આ શોનું શૂટિંગ ઉત્તરાખંડનાં જિમ કૉર્બેટ પાર્કમાં કરવામાં આવ્યું હતું.