પ્રધાનમંત્રી મોદી 15 ઓગસ્ટે દેશને એક મોટી ભેટ આપવા જઈ રહ્યાં છે જેમાં દેશના લોકોને સરખી, સસ્તી અને સારી આરોગ્ય સુવિધા મળશે.
પીએમ મોદીએ આઝાદી દિવસે લોન્ચ કરશે પ્રધાનમંત્રી સમગ્ર સ્વાસ્થ્ય યોજના
હાલ ચાલી રહેલી સ્વાસ્થ્યની તમામ યોજનાઓમાં તેમાં સામેલ કરી લેવાશે
લોકોને મળશે સરખી, સસ્તી અને સારી આરોગ્ય સુવિધા
15 ઓગસ્ટના દિવસે પીએમ મોદી દેશની સૌથી મોટી હેલ્થ સ્કીમ પ્રધાનમંત્રી સમગ્ર સ્વાસ્થ્ય યોજનાની જાહેરાત કરે તેવી સંભાવના છે. મીડિયા રિપોર્ટમાં દાવો કરાયો છે કે પીએમ મોદી આઝાદી દિવસે પ્રધાનમંત્રી સમગ્ર સ્વાસ્થ્ય યોજનાની જાહેરાત કરી શકે છે. દેશની સૌથી મોટી આ યોજનામાં હાલ ચાલી રહેલી તમામ યોજનાઓને સાંકળી લેવામાં આવશે જેથી કરીને લોકોને સરખી, સસ્તી અને સારી આરોગ્ય સુવિધા મળે.
હીલ એન્ડ હીલ ઈન ઈન્ડિયા પણ લોન્ચ થઈ શકે
પીએમ મોદી હીલ એન્ડ હીલ ઈન ઈન્ડિયા નામની બે યોજનાઓ પણ લોન્ચ કરી શકે છે. આ યોજનાનો હેતુ ભારતમાં સારવાર માટે આવતા આંતરરાષ્ટ્રીય દર્દીઓ માટે એક મંચ ઉભો કરવાનો છે. આ યોજના વિદેશી દર્દીઓને દેશના કોઈપણ ભાગમાં સારવાર માટે હોસ્પિટલોને પેકેજ રેટ, સુવિધાઓ અને સારવારના પ્રકારને પસંદ કરવાની સ્વતંત્રતા આપશે.
હીલ બાય ઈન્ડિયા
યોજના હેઠળ ભારતીય તબીબો અને તબીબી વ્યાવસાયિકોને વિદેશ જવાની અને સર્જરી વગેરે કરવાની સુવિધા પૂરી પાડવામાં આવશે. આ યોજના સાથે સંકળાયેલા એક અધિકારીએ જણાવ્યું હતું કે, નેશનલ હેલ્થ ઓથોરિટીની હેલ્થ પ્રોફેશનલ ઓથોરિટી અને હોસ્પિટલ ફેસિલિટી રજિસ્ટ્રી આ માટે પ્લેટફોર્મ તૈયાર કરવામાં કામમાં લાગેલી છે.
ઘણી યોજનાઓને એકમાં આવરી લેવાશે
એક સરકારી અધિકારીએ જણાવ્યું હતું કે પ્રધાનમંત્રી સમગ્ર સ્વાસ્થ્ય યોજનામાં પ્રધાનમંત્રી જન આરોગ્ય યોજના (પીએમ-જેએવાય), આયુષ્માન ભારત ડિજિટલ મિશન (એબીડીએમ) અને પ્રધાનમંત્રી આયુષ્માન ભારત હેલ્થ ઇન્ફ્રાસ્ટ્રક્ચર મિશન (પીએમ-અભિમ) જેવી યોજનાઓને આવરી લેવામાં આવશે.