વડાપ્રધાન નરેન્દ્ર મોદી સંયુક્ત રાષ્ટ્ર મહાસભાની આગામી બેઠક માટે સપ્ટેમ્બરમાં અમેરિકાના પ્રવાસે જાય તેવી શક્યતા છે. પીએમ મોદી આ મુલાકાત દરમિયાન હ્યૂસ્ટનમાં ભારતીય મૂળના અમેરિકાનો સંબોધન કરશે. ભારતીય સમૂદાયના નેતાઓએ આ અંગેની શુક્રવારે આ અંગેની જાણકારી આપી હતી.
સૂત્રોને મળતી જાણકારી મુજબ અમેરિકાના શિકાગો અને હ્યૂસ્ટનમાં વડાપ્રધાન નરેન્દ્ર મોદી અપ્રવાસીઓને સંબોધન કરવાને લઇને કાર્યક્રમનું આયોજન કરવામાં આવી શકે છે. વડાપ્રધાન નરેન્દ્ર મોદી આ વર્ષના અંતમાં સંયુક્ત રાષ્ટ્રની વાર્ષિક મહાસભા બેઠકમાં સામેલ થવા ન્યૂયોર્ક જશે.
જો કે વડાપ્રધાન નરેન્દ્ર મોદીના આ પ્રવાસને લઇને હજુ સુધી કોઇ સત્તાવાર જાણકારી પ્રાપ્ત થઇ નથી. જો કે સૂત્રોને મળતી જાણકારી મુજબ વડાપ્રધાન નરેન્દ્ર મોદી 23 સપ્ટેમ્બરના રોજ જળવાયુ પરિવર્તન પર સંયુક્ત રાષ્ટ્રની વિશેષ બેઠકને સંબોધન કરવા હ્યૂસ્ટનથી ન્યૂયોર્ક જશે.