આજે PM મોદી અમેરિકા જવા માટે રવાના થયા હતા , તેમણે ટ્વિટ કરીને કહ્યું હતું કે હું બાયડન અને હેરિસને મળવા આતુર છું
પીએમ મોદી 24 સપ્ટેમ્બરે રાષ્ટ્રપતિ બિડેનને મળશે
વડાપ્રધાન નરેન્દ્ર મોદી અમેરિકા જવા રવાના
ભારત અમેરિકાના સંબંધો મજબૂત કરવા પ્રયત્નો કરશે
.
ભારતના વડાપ્રધાન નરેન્દ્ર મોદી અમેરિકા જવા રવાના થઈ ગયા છે તેઓ અમેરિકા જઈ પ્રેસિડેન્ટ બઈડેનને મળશે અને ભારત અમેરિકાના સંબંધો મજબૂત કરવા પ્રયત્નો કરશે. જાન્યુઆરીમાં રાષ્ટ્રપતિ બન્યા બાદ અમેરિકન પ્રેસિડેન્ટ જો બાયડન અને પીએમ મોદી વચ્ચે ડિજિટલ માધ્યમથી વાતચીત થઈ હતી પરંતુ હવે બંને મહાનુભાવો પ્રથમ રૂબરૂ મળશે
આજે વડાપ્રધાન મોદી અમેરિકા પ્રવાસ માટે રવાના થયા હતા. તેમણે પોતે ટ્વિટ કરીને કહ્યું હતું કે 22-25 સપ્ટેમ્બર તેઓ અમેરિકા પ્રવાસ દરમિયાન રાષ્ટ્રપતિ જો બાયડન સાથે ભારત અને અમેરિકન વૈશ્વિક ભાગીદારી અને રણનીતિની સમીક્ષા કરશે. સાથે તેઓ કમલા હેરિસ કે જે ઉપરાષ્ટ્રપતિ છે તેઓને મળવા તરફ પણ જોઈ રહ્યા છે સાથે ઓસ્ટ્રેલીયાના પીએમ સ્કોટ મોરિસ અને જાપાનના યોશીહીદે સુગા સાથે તેઓ પ્રથમ વખત વ્યક્તિગત વાર્તાલાપ કરવાના છે. ક્વાડ નેતાઓની સમિટમાં પણ તેઓ ભાગ લેશે એવું તેમણે જણાવ્યું હતું.
At the invitation of @POTUS@JoeBiden, I am visiting USA to continue our dialogue, and exchange views on areas of mutual interest. Also looking forward to meet @VP@KamalaHarris to discuss global issues and explore ideas for cooperation between 🇮🇳🇺🇸.
પીએમ મોદી 24 સપ્ટેમ્બરે રાષ્ટ્રપતિ બિડેનને મળશે
પીએમ મોદી 24 સપ્ટેમ્બરે મોદી પ્રથમ ક્વાડ લીડર્સ સમિટમાં ભાગ લેશે યુએસ પ્રમુખ જો બિડેન સાથે પ્રથમ દ્વિપક્ષીય બેઠક કરશે અને વોશિંગ્ટનમાં પીએમ મોદીની મુલાકાત દરમિયાન ડિનરનું પણ આયોજન કરવામાં આવશે. યુકેના વડા પ્રધાન બોરિસ જ્હોનસનની મુલાકાત પણ પીએમ મોદીની વોશિંગ્ટન મુલાકાત સાથે સુસંગત છે અને બંનેની મુલાકાત થવાની સંભાવના છે. 24 સપ્ટેમ્બરની સાંજે પીએમ મોદી ન્યૂયોર્ક જવા રવાના થશે, જ્યાં તેઓ બીજા દિવસે સંયુક્ત રાષ્ટ્ર મહાસભામાં ભાષણ આપશે.
કેટલીક નવી જાહેરાતો પણ થઈ શકે છે
પીએમ મોદીની મુલાકાત અંગે અમેરિકાના ઓબ્ઝર્વર રિસર્ચ ફાઉન્ડેશનના એક્ઝિક્યુટિવ ડિરેક્ટર ધ્રુવ જયશંકરે ન્યૂઝ એજન્સી સાથેની વાતચીત દરમિયાન જણાવ્યું હતું કે પીએમ મોદી મહામારી પછી બીજી વિદેશ યાત્રા કરશે. ચૂંટણી બાદ અમેરિકી રાષ્ટ્રપતિ જો બિડેન સાથે તેમની આ પ્રથમ મુલાકાત હશે. ચારેય નેતાઓ ક્વાડ સમિટ માટે સમય કાઢી રહ્યા છે જે વધતા ગઠબંધનના મહત્વને દર્શાવે છે.
ધ્રુવ જયશંકરે કહ્યું કે આ સમય દરમિયાન આપણને કેટલીક નવી જાહેરાત જોવા મળી શકે છે. બેઠકમાં ક્લાઇમેટ ચેન્જ અને દ્વિપક્ષીય બેઠકો પર ચર્ચા થશે. તે યુએસ પ્રમુખ જો બિડેન માટે ડોમેસ્ટિક લેવલે પ્રાથમિકતા પણ રહી છે.
ધ્રુવે કહ્યું હતું કે ક્વાડ કોન્ફરન્સમાં જોડાતા પહેલા, ચાર નેતાઓએ ત્રણ કાર્યકારી સમુહ બનાવવાનું નક્કી કર્યું હતું -
1) એક ઇમપોર્ટન્ટ અને ઉભરતી ટેકનોલોજી પર
2) એક રસી અને વૈશ્વિક જાહેર આરોગ્ય પર
3) અને એક આબોહવા પરિવર્તન પર.
બિડેને કહ્યું આવું
પીએમ મોદીની આ મુલાકાત અંગે, યુએસ પ્રમુખ બિડેને કહ્યું કે, શુક્રવારે પીએમ મોદી સાથે આ પ્રથમ વ્યક્તિગત મુલાકાત હશે. ભારત સાથેની આપણી વૈશ્વિક ભાગીદારીના દ્રષ્ટિકોણથી મુક્ત અને ઇન્ડો-પેસિફિક સંબંધને જાળવી રાખવા માટે સાથે મળીને કામ કરીને સ્ટ્રેન્થથી વધારે સ્ટ્રેન્થ તરફ જવાની આ તક હશે.
બિડેન વહીવટીતંત્ર દ્વારા જારી કરાયેલા નિવેદનમાં તેમણે કહ્યું કે પીએમ મોદી અને જો બિડેન સાથેની દ્વિપક્ષીય વાતચીત આતંકવાદના ખતરા અને અફઘાનિસ્તાનની પરિસ્થિતિ વિશે વાત કરવાની તક પૂરી પાડશે, આતંકવાદ જેવા દુશ્મન સામે લડવા માટે આપણે સાથે મળીને કેવી રીતે કામ કરી શકીએ. તેમણે વધુમાં કહ્યું કે, અમેરિકા અને ભારત વચ્ચેના સંબંધો માત્ર સરકારના જ સંબંધો નથી પરંતુ આ બે વ્યક્તિના પણ સંબંધો છે.
આજે અંદાજે છ મહિના પછી પ્રધાનમંત્રી વિદેશપ્રવાસે જઈ રહ્યા છે. લોકડાઉન બાદ આ બીજો વિદેશપ્રવાસ છે અને બાયડનના આવ્યા પછી પ્રથમ અમેરિકા મુલાકાત છે. આ રાજદ્વારી સંબંધો માટે ખૂબ અગત્યની મિટિંગ રહેશે અને મુલાકાતમાં કેટલાક મહત્વના મુદ્દાઓ પર ચર્ચા કરવામાં આવશે.
અમેરિકાના ટોચના ઉદ્યોગપતિઓ સાથે બેક-ટુ-બેક બેઠકો બાદ પીએમ મોદી 23 સપ્ટેમ્બરે અમેરિકાના ઉપરાષ્ટ્રપતિ કમલા હેરિસને પણ મળશે. પ્રધાનમંત્રી એ જ દિવસે ઓસ્ટ્રેલિયાના વડાપ્રધાન સ્કોટ મોરિસન અને તેમના જાપાની સમકક્ષ યોશીહિડે સુગાને પણ મળશે. પીએમ મોદી 22 મી સપ્ટેમ્બરે મોડી રાત્રે વોશિંગ્ટન ડીસી પહોંચશે અને આગલી સવારે તેઓ અમેરિકાના ટોચના સીઈઓને મળશે. એપલના ચીફ ટિમ કૂક સાથેની બેઠક પણ કરવાની ચર્ચા છે.