નવી દિલ્હીઃ પીએમ મોદી પોતાના 5 દિવસીય વિદેશ પ્રવાસે આજે રવાના થઇ ગયા છે. તેઓ સ્વીડન બ્રિટેન અને છેલ્લે જર્મનીની યાત્રા કરશે. પીએમ મોદી પહેલીવાર સ્વીડનની યાત્રા કરી રહ્યા છે. તેઓ મંગળવારે ત્યાના પ્રધાનમંત્રી સ્ટેફાન લોફવેન સાથે મુલાકાત કરશે.
સ્ટોકહોમમાં બન્ને પીએમ કેટલાક મુદ્દાઓ પર વાત કરશે. ત્યારબાદ તેઓ લંડન માટે રવાના થશે. ત્યાં તેઓ કોમનવેલ્થ હેડ્સ ઓફ ગર્વમેન્ટ મીટિંગમાં ભાગ લેશે. જણાવી દઇએ કે 52 દેશોના પ્રતિનિધિઓમાંથી તેઓ એકમાત્ર રાષ્ટ્ર પ્રમુખ છે જેમણે દ્વિપક્ષીય વાતચીતનું આમંત્રણ આપવામાં આવ્યું છે.
મોદીનું બ્રિટેનમાં થશે અભૂતપૂર્વ સ્વાગત્
બ્રિટેનના એક વરિષ્ઠ અધિકારીના જણાવ્યા અનુસાર મોદીનું બ્રિટેનમાં અભૂતપૂર્વ સ્વાગત્ થશે. તેઓ બુધવારે બ્રિટિશ પીએમ ટેરિઝામાં સાથે એક નહીં પરંતુ બે બેઠક કરશે. ત્યારબાદ ગુરૂવારથી શરૂ થઇ રહેલ કોમનવેલ્થ સંમેલનમાં ભાગ લેશે. અધિકારીઓના જણાવ્યા અનુસાર 10 ડાઉનિંગ સ્ટ્રીટમાં મોદી અને ટેરિઝામાં એકબીજાના સંબંધ બોર્ડર પાર આતંકવાદ વીઝા અને પ્રવાસનના મુદ્દાઓ પર ચર્ચા કરશે. ત્યારબાદ બન્ને નેતાઓ લંડનમાં સાઇન્સ મ્યૂઝિયમ જશે.
મોદી સંમ્મેલનમાં ભાગ લેનારા એક માત્ર નેતા
જ્યાં વિજ્ઞાન અને નવાચારના પાંચ હજાર વર્ષ નામની પ્રદર્શની જોશે અને ભારતીય મૂળના અને અન્ય વૈજ્ઞાનિકોને રૂબરૂ મળશે. ત્યારબાદ બન્ને દેશો વચ્ચે કરાર હેઠળ આયુર્વેદિક સેન્ટર ઓફ એક્સીલેન્સને લોન્ચ કરશે. મોદી સંમ્મેલનમાં ભાગ લેનારા એક માત્ર નેતા છે જેમણે લિમોઝિનની સફરની પરમિશન છે. બાકીના નેતાઓ બસ દ્વારા યાત્રા કરશે.
ટાટા મોટરની પહેલી ઇલેક્ટ્રીક જેગુઆર
મોદી સ્વીડનથી મંગળવાર રાત્રે બ્રિટેન પહોંચશે. તેઓ ત્રણ વરિષ્ઠ નેતાઓમાંથી એક હશે જે મહારાણી એલિઝાબેથ દ્વિતીયના ખાનગી કાર્યક્રમમાં ભાગ લેશે. મોદીના સ્વાગતમાં એક વિશેષ કાર્યક્રમ પ્રિન્સ ચાર્લ્સે પણ આયોજિત કર્યું છે જેમાં તે ટાટા મોટરની પહેલી ઇલેક્ટ્રીક જેગુઆર ચલાવશે. આ પ્રોજેક્ટ ભારત-યૂકે ટેકનિક સહયોજનું પ્રતિક છે.
આ છે પીએમ મોદીનો સમગ્ર કાર્યક્રમ
સ્વીડનમાં ભારતીય રાજદૂત મોનિકા કપિલ મોહતાએ જણાવ્યું કે પીએમ મોદીની આ ઐતિહાસિક યાત્રા છે કારણ કે ભારતના પીએમ 30 વર્ષ બાદ સ્વીડન આવી રહ્યા છે. પહેલીવાર સ્વીડનના પીએમ પરંપરા તોડીને નરેન્દ્ર મોદીના સ્વાગત માટે એરપોર્ટ જશે. તેમના દ્વારા પીએમ મોદી તેમને રિસીવ કરવા અમારા માટે ગર્વની વાત હશે.
લંડનના ઐતિહાસિક સેન્ટ્રલ હૉલમાં દુનિયાભરના લોકોને સંબોધિત કરશે
પીએમ મોદી 17 એપ્રિલે સ્વીડનની રાજધાની સ્ટૉકહોમમાં ત્યાના પીએમ સાથે મુલાકાત કરશે. ત્યારબાદ તેઓ 18 એપ્રિલે લંડનના ઐતિહાસિક સેન્ટ્રલ હૉલમાં દુનિયાભરના લોકોને સંબોધિત કરશે. 19 અને 20 એપ્રિલે લંડનમાં કોમનવેલ્થ સમિટમાં સામેલ થશે. તેઓ 20 એપ્રિલે જ ભારત પરત ફરશે. ત્યારે તેઓ બર્લિનમાં રોકાશે અને ચાંસલર એન્જેલા મર્કેલ સાથે મુલાકાત કરશે.