બ્રાઝિલ / બ્રિક્સ સંમેલન આજથી, આંતક વિરોધી સહયોગ પર PM મોદી કરશે વાતચીત

• 13 અને 14મીએ બ્રિક્સ શિખર સંમેલનનું આયોજન
• બ્રિક્સ સંમેલન ફોરમને સંબોધન કરશે પીએમ મોદી
• ચીન-રશિયાના રાષ્ટ્રપતિ સાથે મુલાકાત કરશે

પીએમ મોદી બ્રાઝિલમાં રશિયા-ચીનના રાષ્ટ્રપતિ સાથે કરશે મુલાકાત

પીએમ મોદી આજરોજ રશિયાના રાષ્ટ્રપતિ વ્લાદમીર પુતિન સાથે મુલાકાત કરશે. ત્યારબાદ બ્રાઝિલના   રાષ્ટ્રપતિ જાયર બોલ્સોનારોને પણ મળશે. આ મુલાકાત બાદ ચીનના રાષ્ટ્રપતિ શી જિનપિંગ સાથે પણ દ્વિપક્ષીય ચર્ચા કરશે. 

પીએમ મોદીએ શિખર સંમેલનના થીમ પર આપ્યું આ નિવેદન

આ અગાઉ પીએમ મોદીએ કહ્યું  બ્રિક્સ શિખર સંમેલનની થીમ ઉન્નત ભવિષ્ય માટે આર્થિક વૃદ્ધિ છે. જ્યારે અન્ય બ્રિક્સ નેતાઓ સાથે કેટલાંક વિષયો પર વ્યાપક સહયોગના સંબંધમાં ચર્ચાને લઇને આશાન્વિત છું. આપણું કારોબાર અને ઉદ્યોગ જગત ઇન્ટ્ર બ્રિક્સ સંબંધોમાં ઘણી મહત્વની ભૂમિકા નિભાવે છે. 

બ્રિક્સ બિઝનેસ ફોરમને સંબોધન કરશે પીએમ મોદી

પીએમ મોદીએ જણાવ્યું કે હું બ્રિક્સ બિઝનેસ ફોરમને સંબોધન કરીશ અને બ્રિક્સ બિઝનેસ કાઉન્સિલ અને ન્યૂ ડેવલપમેન્ટ બેંક સાથે ચર્ચા કરીશ. 

પીએમ મોદી 6ઠી વખત શિખર સંમેલનમાં લઇ રહ્યાં છે ભાગ

પ્રધાનમંત્રી નરેન્દ્ર મોદી 6ઠ્ઠી વખત બ્રિક્સ શિખર સંમેલનમાં ભાગ લઇ રહ્યાં છે. 2014માં પ્રથમ વખત પીએમ મોદીએ બ્રાઝિલના શહેર ફોર્ટાલેઝમાં ભાગ લીધો હતો. પીએમ મોદી રશિયા તેમજ ચીનના રાષ્ટ્રપતિ સાથે પણ મુલાકાત કરશે. બ્રિક્સ પાંચ સૌથી વધુ વિકાસશીલ અર્થવ્યવસ્થાવાળા દેશ બ્રાઝિલ, રશિયા, ભારત ચીન અને દક્ષિણ આફ્રિકાનો સમૂહ છે.