શુભારંભ / PM મોદીએ શરૂ કર્યું 'મહાઅભિયાન', 1 લાખથી વધુ ફ્રંટલાઈન વર્કર્સને મળશે લાભ

• 26 રાજ્યોના 111 ટ્રેનિંગ સેન્ટરોમાં હેલ્થકેર ફ્રંટલાઈન વર્કર્સ માટે ખાસ કાર્યક્રમ 
• 1 લાખ ફ્રંટ લાઈન કોરોના વોરિયર્સ તૈયાર કરવાનું મહાઅભિયાન 
• હેલ્થ સેક્ટરની ફ્રંટલાઈન ફોર્સને નવી ઉર્જા મળશે

પ્રધાનમંત્રી નરેન્દ્ર મોદીએ શુક્રનારે 26 રાજ્યોના 111 ટ્રેનિંગ સેન્ટરોમાંથી કોવિડ-19 હેલ્થકેર ફ્રંટલાઈન વર્કર્સ માટે ખાસ રીતે તૈયાર કરવામાં આવેલા ટ્રેનિંગ કાર્યક્રમની શરૂઆત કરી. પીએમ મોદીએ કહ્યું કે સાવધાનીની સાથે આવનાર પડકારો સામે ઉભા રહેવા માટે આપણે દેશની તૈયારીઓને વધારે મજબૂત કરવી પડશે. 

1 લાખ ફ્રંટ લાઈન કોરોના વોરિયર્સ તૈયાર કરવાનું મહાઅભિયાન 
પીએમ નરેન્દ્ર મોદીએ કહ્યું કે આજે દેશમાં લગભગ 1 લાખ ફ્રંટ લાઈન કોરોના વોરિયર્સ તૈયાર કરવાનું મહાઅભિયાન શરૂ થઈ રહ્યું છે. કોરોનાની બીજી લહેરમાં આપણે લોકોએ જોયું કે આ વાયરસનો વારંવાર બદલાતો સ્વરૂપ કોઈ પણ પ્રકારના પડકાર આપણી સામે લાવી શકે છે. આ વાયરસ આપણી વચ્ચે હજુ પણ છે અને મ્યૂટેડ થવાની સંભાવના પણ છે. 

We are working towards preparing 1 lakh frontline workers in the country: Prime Minister Narendra Modi pic.twitter.com/z3j0IAhfu2

— ANI (@ANI) June 18, 2021

પીએમ નરેન્દ્ર મોદીએ કહ્યું કે કોરોના મહામારીએ સાયન્સ, સરકાર, સમાજ, સંસ્થા અને વ્યક્તિના રૂપમાં આપણને પોતાની ક્ષમતાઓનો વિસ્તાર કરવા માટે સતર્ક કરવામાં આવ્યા છે. કોરોના સામે લડી રહેલી હાલની ફોર્સને સપોર્ટ કરવા માટે દેશમાં લગભગ 1 લાખ યુવાનોને ટ્રેનિંગ આપવાનો લક્ષ્ય રાખવામાં આવ્યો છે. આ ફોર્સ 2-3 મહિનામાં પૂરો કરવામાં આવશે. 

હેલ્થ સેક્ટરની ફ્રંટલાઈન ફોર્સને નવી ઉર્જા મળશે
પીએમ મોદીએ કહ્યું કે આ અભિયાનથી કોવિડ સામે લડી રહેલી આપણી હેલ્થ સેક્ટરની ફ્રંટલાઈન ફોર્સને નવી ઉર્જા પણ મળશે અને આપણા યુવાનો માટે રોજગારીના નવા અવસર પણ ઉભા થશે. ગયા 7 વર્ષમાં દેશમાં નવા એમ્સ, નવા મેડિકલ કોલેજ, નવા નર્સિંગ કોલેજનું નિર્માણ કરવા પર ભાર આપવામાં આવ્યો હતો. તેમાંથી ઘણાએ કામ કરવાનું શરૂ પણ કરી દીધું છે.