ચૂંટણી / મોદી સરકારનું ટ્રમ્પકાર્ડઃ પાંચ લાખ યુવાનોને દર મહિને આપશે ૬,૦૦૦ રૂપિયા

૧પ૩૩ નોન ટેકનિકલ યુનિવર્સિટી અને કોલેજોમાંથી ૯.રપ લાખ યુવાનોએ મહત્તમ છ મહિનાના ઇન્ટર્ન‌િશપ પ્રોગ્રામ હેઠળ નોમિનેશન દાખલ કર્યું છે. અહેવાલ અનુસાર આ અત્યાર સુધીનો દેશનો સૌથી મોટો સ્કીમ પ્રોગ્રામ છે. આ પ્રોગ્રામ હેઠળ યુવાનોને દર મહિને રૂ.૬,૦૦૦નું સ્ટાઇપેન્ડ આપવામાં આવશે.

 

આ ઉપરાંત સરકાર દર મહિને સિલેક્ટ ઇન્ટર્ન‌િશપ કરનાર યુવાનોને રૂ.૧પ૦૦ ‌રેઇમ્બર્સમેન્ટરૂપે (પ્રતિચુકવણી) આપશે. શ્રેયાસ પ્રોગ્રામ હેઠળ સરકાર ડિગ્રી કોર્સમાં પ્રવેશ મેળવનાર વિદ્યાર્થીઓને સામેલ કરી રહી છે. તેનો હેતુ નોન-ટેકનિકલ અભ્યાસ કરનાર વિદ્યાર્થીઓને તેમના શૈક્ષણિક કાર્યક્રમની સાથે-સાથે રોજગારલક્ષી હુન્નર આપવાનો પણ છે. આ ઉપરાંત સરકારે હવે શૈક્ષણિક અભ્યાસક્રમને રોજગારલક્ષી બનાવવાની કાર્યવાહી શરૂ કરી છે.