મહામારી / કોરોના સામેની જંગમાં સૌપ્રથમ ઉત્તરાખંડે કરી બતાવ્યું આ કામ, PM મોદી થયા ખુશખુશાલ, જુઓ શું કહ્યું

• કોરોના સામેની જંગમાં ઉત્તરાખંડે કરી દેખાડ્યું મહાન કામ
• 100 ટકા વસતીને કોરોના વેક્સિનનો પહેલો ડોઝ આપ્યો
• ઉત્તરાખંડની આ સિદ્ધી પર પ્રધાનમંત્રી મોદી ખુશખુશાલ 

કોરોના મહામારીમાં દેવભૂમિ ઉત્તરાખંડે એક અનોખુ કામ સિદ્ધ કરી દેખાડ્યું છે. 18 વર્ષથી વધારે ઉંમરના લોકોનું 100 ટકા વેક્સિનેશન કરનાર ઉત્તરાખંડ દેશનું પહેલું રાજ્ય બન્યું છે. પ્રધાનમંત્રી મોદી પણ ઉત્તરાખંડની આ સિદ્ધીથી ખુશખુશાલ થયા છે. 

મુખ્યમંત્રી પુષ્કર સિંહ ધામીએ જાહેરાત કરી 

ઉત્તરાખંડના મુખ્યમંત્રી પુષ્કર સિંહ ધામીએ જણાવ્યું કે રાજ્યમાં 18 વર્ષથી વધુ વયના 100 ટકા લોકોને કોરોના વેક્સિનનો પહેલો ડોઝ આપી દેવાયો છે હવે બીજો ડોઝ આપવામાં આવશે. તેમણે કહ્યું કે રાજ્યમાં કુલ 74 લાખ લોકો અથવા તો 100 ટકા પાત્ર વસતીને વેક્સિનનો પહેલો ડોઝ લાગ્યો છે. 

પ્રધાનમંત્રી મોદીએ ટ્વિટ કરીને રાજ્યના લોકોને અભિનંદન પાઠવ્યાં

પ્રધાનમંત્રી મોદીએ ટ્વિટ કરીને રાજ્યના લોકોને અભિનંદન પાઠવ્યાં છે. પીએમ મોદીએ કહ્યું કે દેવભૂમિના લોકોને ઘણા ઘણા અભિનંદન. કોવિડ સામે દેશની લડાઈમાં ઉત્તરાખંડની આ ઉપલબ્ધિ અત્યંત મહત્વપૂર્ણ છે. મને વિશ્વાસ છે કે વૈશ્વિક મહામારી સામે લડવામાં અમારુ વેક્સિનેશન અભિયાન સૌથી વધારે અસરકારક સાબિત થવાનું છે અને તેમાં જન જનની ભાગીદારી મહત્વની છે.