રાજકારણમાં દાવનું મહત્વ હોય છે. કોણ કેવા ચોકઠા ગોઠવે છે તેના પર તમામ મદાર હોય છે. જેમ જેમ 2019ની ચૂંટણી નજીક આવી રહી છે તેમ તેમ રાહુલ હોય કે મોદી. બન્ને દાવ પર દાવ રમી રહ્યા છે. તમે આ દાવને રાજકારણની પીચ પર સિક્સર મારવાનું પણ કહી શકો છો. જાણો પ્રધાનમંત્રી મોદીની સિક્સર વિશે. આ એક સિક્સર નહીં પુરી છ સિક્સર છે. બે વાગી ચુકી છે. ચાર હજુ બાકી છે.
2 સિક્સરઃ 2019ને ટાર્ગેટ કરતા પ્રધાનમંત્રી મોદીએ 2 સિક્સર લગાવી દીધી છે. પ્રથમ ગરીબ સવર્ણોને 10 ટકા અનામતવાળી સિક્સર. બીજી GST છૂટની લીમિટ રૂપિયા 40 લાખ કરવાની સિક્સર.
ત્રીજી સિક્સરઃ મોદી સરકાર ખેડૂતો માટે મોટા પેકેજની કરી શકે છે જાહેરાત
બે સિક્સર વાગી ગઈ હવે ત્રીજીની તૈયારી છે. સુત્રોના જણાવ્યા મુજબ ત્રીજી સિક્સર ખેડૂતોને નામ હશે. મોદી સરકાર ખેડૂતો માટે મોટા પેકેજની જાહેરાત કરી શકે છે. સુત્રોના કહેવા પ્રમાણે સંપૂર્ણ બિલ તૈયાર છે. ટૂંક સમયમાં કેબિનેટમાં મંજૂરી બાદ તેની જાહેરાત ખુદ પ્રધાનમંત્રી મોદી કરી શકે છે. જાણકારી મુજબ તેલંગણા અને ઓડિશામાં ચાલી રહેલી યોજાનાને મિલાવીને નવી યોજના તૈયાર કરવામાં આવી છે. તેલંગણામાં વાવણીની સિઝનથી પહેલા તમામ ખેડૂતોના ખાતામાં પ્રતિ એકર રૂપિયા 4 હજાર સબસિડી પેટે આવે છે. તો ઓડિશામાં આ રકમ 5 હજાર રૂપિયા પ્રતિ એકર છે. આ તરફ મોદી સરકાર દેશભરના ખેડૂતોના ખાતામાં 4થી 5 હજારની વચ્ચે જમા કરાવી શકે છે.
14 કરોડ લોકો પ્રભાવિત થશે અને સરકારને થશે ફાયદો
તો એ પણ નક્કી કરવામાં આવી શકે છે કે ઉત્પાદન વેચવા પર ખેડૂતોને ઓછામાં ઓછા સરકારી ભાવ તો મળે જ. આ મધ્યપ્રદેશમાં શિવરાજ સરકાર દ્વારા ચલાવવામાં આવેલી ભાવંતર ભુગ્તાન યોજનાનું મૉડલ છે. આનાથી લગભગ 14 કરોડ ખેડૂત પ્રભાવિત થશે અને સરકારને 272 લોકસભા બેઠકો પર ફાયદો થશે.
ચોથી સિક્સરઃ આ નવી જાહેરાતથી 8 કરોડ પરિવારને થશે ફાયદો
હવે જુઓ પ્રધાનમંત્રી મોદીની ચોથી ચૂંટણી સિક્સર. જે સીધી ઈન્કમટેક્ષનું ભુગ્તાન કરતા લોકો સાથે જોડાયેલી હોઈ શકે છે. કોંગ્રેસ સાંસદ કપિલ સિબ્બલે આ ગુગલી ફેંકી હતી. સુત્રોના કહેવા મુજબ સરકાર આજ બોલ પર સિક્સર મારી શકે છે.
પહેલી ફેબ્રુઆરીએ મોદી સરકાર પોતાનું વોટ ઓન એકાઉન્ટ રજૂ કરશે. જેમાં મિડલ ક્લાસને મોટી રાહત મળી શકે છે. રૂપિયા 4 લાખ સુધીની વાર્ષિક આવક પર ઈન્કમટેક્ષમાંથી માફી મળશે. એટલે કે દેશના 1 કરોડ 86 લાખ લોકો આ નિર્ણયથી સીધા પ્રભાવિત થશે. 2019ની ચૂંટણીથી પહેલા ગરીબોને સાધવા માટે મોદી સરકાર વધુ બે મોટા નિર્ણય કરી શકે છે.
પાંચમી સિક્સરઃ 3 સિલિન્ડર મફતમાં આપવાની કરી શકે છે જાહેરાત
એટલે કે પાંચમી સિક્સર ઉજવલ્લા યોજના હોય શકે છે. ઉજવલ્લા યોજનામાં લોકોની બીજુ સિલેન્ડર મળવાની ફરિયાદ છે. સામાન્ય લોકો વર્ષમાં 7 સિલિન્ડર ઉપયોગ કરે છે. તો ઉજવલ્લાના લાભાર્થી માત્ર 3.8 સિલિન્ડર ઉપયોગ કરી શકે છે. તેથી સરકાર વર્ષમાં 3 સિલિન્ડર મફતમાં આપવાની જાહેરાત કરી શકે છે. આ જાહેરાતને કારણે 8 કરોડ પરિવારોને ફાયદો થશે.
છઠ્ઠી સિક્સરઃ મજૂર કોડ બિલનો ફાયદો 33 લાખ લોકોને થશે
હવે જુઓ એ છઠ્ઠી સિક્સર. કે જેનાથી મોદી સરકાર દેશના લાખો લોકોને સાધશે. સુત્રોના કહેવા મુજબ સરકાર મજુર વર્ગ માટે દેશનું પ્રથમ લેબર કોડ બિલ તૈયાર કરી રહી છે. આ બિલ અંતર્ગત તમામ મજૂરોને એક નક્કી રકમ આપવાની સાથે PF અને ESI સુવિધા આપવાની યોજના છે. તેનો ફાયદો લગભગ 33 લાખ લોકોને મળશે. લોકસભા ચૂંટણીથી પહેલા રાહુલ ગાંધીની ફિરકીને કારણે લડાઈ જ્યાં મુશ્કેલ નજરે આવી રહી છે. ત્યાં પ્રધાનમંત્રી મોદી સ્લોગ ઓવર એટલે કે અંતિમ સમયમાં સિક્સર લગાવીને 2019નો કપ પોતાના નામે કરવાની તૈયારીમાં છે.