રેકોર્ડ / ટ્વિટરે ટ્રમ્પનું એકાઉન્ટ સસ્પેન્ડ કર્યુ ને ફાયદો PM મોદીને થયો, જુઓ કેવી રીતે

• ટ્વીટરમાં પીએમ મોદી નંબર વન રાજનેતા
• ટ્રમ્પનું ટ્વીટર પર સસ્પેન્ડ
• પીએમ મોદી સૌથી વધુ ફોલોવર્સ ધરાવતા નેતા

ઉલ્લેખનીય છે કે, થોડા દિવસો પહેલા સુધી આ રેકોર્ડ યુએસ રાષ્ટ્રપતિ ટ્રમ્પના નામે હતો, પરંતુ માઇક્રો બ્લોગિંગ પ્લેટફોર્મ ટ્વિટરરે યુએસ સંસદમાં તેના સમર્થકોને હિંસા માટે ઉશ્કેરવાના આરોપમાં વિશ્વના સૌથી શક્તિશાળી રાષ્ટ્રપતિનું ટ્વિટર એકાઉન્ટ સસ્પેન્ડ કર્યું છે.

ટ્રમ્પ પછી બીજા નંબર પર હતા PM મોદી 

આપને જણાવી દઇએ કે, અમેરિકન રાષ્ટ્રપતિ ટ્રમ્પના એકાઉન્ટમાં 88.7 મિલિયન એટલે કે 8 કરોડ 87 લાખ ફોલોઅર્સ હતા. દુનિયાના સક્રિય નેતાની યાદીમાં ભારતમાં પ્રધાનમંત્રી મોદી બીજા ક્રમાંક પર હતા. તેમના ફોલોઅર્સ 64.7 મિલિયન એટલે કે 6 કરોડ 47 લાખ હતા. 

ટ્રમ્પ પર સમર્થકોને ઉશ્કેરવાનો આરોપ 

અમેરિકન રાષ્ટ્રપતિ ડોનાલ્ડ ટ્રમ્પ પર તેમના ટ્વિટર એકાઉન્ટ દ્વારા તેમના સમર્થકોને ઉશ્કેરવાનો અને હિંસા માટે ઉશ્કેરવાનો આરોપ છે. પહેલા, ટ્વિટર દ્વારા ટ્રમ્પની ટ્વીટ બ્લોક કરી, જેના પછી તેમનું ખાતું કાયમ માટે સસ્પેન્ડ કરી દેવામાં આવ્યું. ટ્વિટરે કહ્યું છે કે તેને ડર છે કે રાષ્ટ્રપતિ હિસાબ ભડકાવવા માટે તેના ખાતાનો ઉપયોગ કરી શકે છે.

પ્રધાનમંત્રી મોદી બન્યા નંબર 1 

હવે પ્રધાનમંત્રી નરેન્દ્ર મોદી 6 કરોડ 47 લાખ ફોલોઅર્સ સાથે ટ્વિટર પર વિશ્વના સૌથી ફોલો કરાયેલા સક્રિય રાજકારણી બન્યા છે.

બરાક ઓબામાના 12 કરોડ 79 લાખ ફોલોઅર્સ છે 

જોકે, અમેરિકાના ભૂતપૂર્વ રાષ્ટ્રપતિ બરાક ઓબામા 127.9 મિલિયન અથવા 12 કરોડ 79 લાખ ફોલોઅર્સ સાથે ટ્વિટર પર વિશ્વના સૌથી વધુ ફોલો કરાયેલા રાજનેતા છે. જોકે હાલમાં ઓબામા કોઈ પણ પદ પર નથી, પરંતુ તેઓ સક્રિય રાજકારણી તરીકે ગણી શકાય નહીં. અમેરિકાના નવા ચૂંટાયેલા રાષ્ટ્રપતિ જો બાઇડનનાં ટ્વિટર પર 23.3 મિલિયન ફોલોઅર્સ છે.