મોટા સમાચાર / કૅબિનેટમાં નવા મંત્રીઓ આવ્યા બાદ આવતા સપ્તાહે PM મોદી કરવા જઈ રહ્યાં છે આ સૌથી મોટું કામ

• મોદી સરકારના નવા મંત્રીમંડળની બેઠક
• 3 દિવસમાં તૈયાર કરાશે 3 વર્ષના એજન્ડા
• મંત્રાલયોના કામની કરાશે સમીક્ષા

મોદી સરકાર આગામી 3 દિવસમાં 3 વર્ષના એજન્ડા કરશે તૈયાર
પીએમ મોદીનાં નેતૃત્વમાં હવે કેન્દ્રીય મંત્રીઓ 2024ની તૈયારીઓમાં લાગી જશે. હવે આવતા અઠવાડિયે નવા મંત્રીપરિષદની ત્રણ દિવસીય બેઠકનું આયોજન મોદી સરકાર દ્વારા કરવામાં આવ્યું છે જેમાં ત્રણ જ દિવસની અંદર આગામી ત્રણ વર્ષનો આખો એજન્ડા નક્કી કરી લેવામાં આવસાહે. 

મોદી સરકાર 2024ની લોકસભાની ચૂંટણી તૈયારીમાં લાગશે
નોંધનીય છે કે ગયા મહિને જ મોદી સરકારનું વિસ્તરણ કરવામાં આવ્યું છે જેમાં ઘણા બધા નવા ચહેરાઓની એન્ટ્રી થઈ છે. હવે નવા મંત્રીઓ સાથે PM મોદી આગામી લક્ષ્ય નક્કી કરશે તથા આખો એજન્ડા તૈયાર કરશે. 

મંત્રાલયોના કામની સમીક્ષા કરી અને લક્ષ્ય નક્કી કરાશે
મીડિયા અહેવાલ અનુસાર મંગળવારે સાંજે 6 વાગ્યે સદનમાં જ હાઇલેવલ બેઠક કરવામાં આવશે અને આગામી ત્રણ વર્ષનાં કાર્યોની સમીક્ષા કરવાં આવશે. આ સિવાય જે મંત્રીઓ બન્યા છે તેમનાથી સરકારને શું આશા છે તે જણાવવામાં આવશે. 

આવતા વર્ષે અનેક ચૂંટણીઓ 
બીજી તરફ વર્ષ 2022માં ઉત્તર પ્રદેશ, ગુજરાત સહિતનાં રાજ્યોમાં વિધાનસભા ચૂંટણી થવાની છે. એવામાં નવા ચહેરાઓની અસર આ વિધનાસભા ચૂંટણી પર પણ પડવાની છે. એવામાં સરકાર પોતાની લોકપ્રિયતાને વધારવાને લઈને સ્ટ્રેટેજી પર કામ કરશે તેવી આશા છે. 

અત્યારે મુશ્કેલીમાં છે સરકાર
મોદી સરકાર 2014થી સત્તામાં છે તે બાદ અત્યારે જ સરકાર સૌથી વધુ ટીકાનો સામનો કરી રહી છે. પહેલા મહામારી અને તે બાદ મોંઘવારીથી પ્રજા ત્રસ્ત છે એવામાં સરકાર સામે અત્યારે મોટો પડકાર છે. એવામાં આ મુદ્દાઓને લઈને પણ ચર્ચા કરવામાં આવી શકે છે.