મહામારી / હોસ્પિટલોમાં દવાઓ અને ઓક્સિજન વધારો, ઓમિક્રોન પર મીટિંગમાં PM મોદીના અધિકારીઓને નિર્દેશ

• દેશમાં વધ્યો ઓમિક્રોનનો ખતરો
• પ્રધાનમંત્રી મોદી એક્શનમાં 
• ઓમિક્રોન પર હાઈ લેવલની બેઠક બોલાવીને ચર્ચા કરી

દેશમાં ઓમિક્રોનનો ખતરો વધતા પ્રધાનમંત્રી મોદી એક્શનમાં આવ્યાં છે. ગુરુવારે વારાણસીથી પાછા આવીને પ્રધાનમંત્રી મોદીએ ઓમિક્રોનને લઈને મોટી બેઠક કરી હતી તથા પરિસ્થિતિનો તાગ મેળવ્યો હતો. હાઈ લેવલની બેઠકમાં પ્રધાનમંત્રી મોદીએ દેશમાં ઓમિક્રોનની સ્થિતિને લઈને અધિકારીઓ પાસેથી જવાબ માંગ્યા. બેઠકમાં સ્વાસ્થ્ય વિભાગ સહિતના બીજા ઘણા વિભાગના અધિકારીઓ હાજર રહ્યાં હતા. 

સાંજના લગભગ 7 વાગ્યે શરુ થયેલી બેઠક એક કલાક સુધી ચાલી હતી તેમાં પ્રધાનમંત્રી મોદીએ અધિકારીઓને દવાઓ અને ઓક્સિજનનો સ્ટોક વધારવા તથા દેશભરમાં વેક્સિનેશન વધારવા સંબંધિત નિર્દેશ આપ્યો હતો. 

પ્રધાનમંત્રી મોદીએ અધિકારીઓને આપ્યા આ આદેશ 

પીએમ મોદીએ અધિકારીઓને એવા જિલ્લાની ઓળખ કરવાનો નિર્દેશ આપ્યો કે જ્યાં હજુ સુધી વેક્સિનેશનમાં કોઈ પ્રગતિ થઈ નથી. તેમણે અધિકારીઓને કહ્યું કે તેઓ રાજ્ય સાથે વેક્સિનેશન સંબંધિત સમસ્યાઓ અંગે વાતચીત કરે અને વધારેમાં વધારે લોકોનું વેક્સિનેટેડ કરવામાં મદદ કરે. 

#WATCH | Prime Minister Narendra Modi chairs #COVID19 review meeting pic.twitter.com/4lUUVuB7UK

— ANI (@ANI) December 23, 2021

બેઠકમાં કોરોના ગાઈડલાઈન અને કડક નિયમો લાગુ પાડવાની દિશામાં પણ ચર્ચા થઈ. ક્રિસમસ અને ન્યૂ ઈયરની ઉજવણી અંગે પણ ચર્ચા થઈ. આની ઉપરાંત વેક્સિનેશનની ઝડપ વધારવા પર ખાસ ભાર મૂકવાની તથા બૂસ્ટર ડોઝની જરુર પણ ચર્ચા થઈ હતી. 

પીએમ મોદીની બેઠકમાં શું થયું 
- દેશમાં ઓમિક્રોનને પહોંચી વળવા કડક પ્રતિબંધો લાગુ પાડવામાં આવી શકે.
- વેક્સિનેશનની ઝડપ વધારવા સંબંધિત ચર્ચા
-  બૂસ્ટર ડોઝની જરુર પણ ચર્ચા થઈ
- ક્રિસમસ અને ન્યૂ ઈયરની ઉજવણી અંગે પીએમ મોદીએ અધિકારીઓ પાસેથી જાણી સ્થિતિ

17 રાજ્યોમાં ફેલાયો ઓમિક્રોન
21 દિવસ પહેલા એટલે કે 2 ડિસેમ્બરે ભારતમાં ઓમિક્રોનનો પહેલો કેસ નોંધાયો હતો ત્યારથી આજે કુલ કેસનો આંકડો 300ને પાર પહોંચતા હવે ભારત માટે ખરો સમય આવ્યો છે. હાલમાં 17 રાજ્યોમાં નવો વેરિયન્ટ ફેલાયો છે. ‎ તમિલનાડુમાં ગુરુવારે ૩૩ નવા કેસ નોંધાયા હતા. કર્ણાટકમાં 12 અને કેરળમાં 5 નવા કેસ મળી આવ્યા છે. આ સાથે દેશમાં આ વેરિએન્ટમાંથી ચેપના કુલ કેસોની સંખ્યા 307 સુધી પહોંચી ગઈ છે. ‎‎‎‎‎

ઓમિક્રોન ગંભીર બનતા કેન્દ્રને રાજ્યોની બીજી ચેતવણી, લાગુ પાડો નાઈટ કર્ફ્યુ 
ભારતમાં ઓમિક્રોન હવે ગંભીર સ્તરે પહોંચતા કેન્દ્ર સરકારે રાજ્યોની બીજી વાર મોટી ચેતવણી આપીને નાઈટ કર્ફ્યુ અને બીજા કડક પ્રતિબંધો લાગુ પાડવાની તાકીદ કરી છે.