પીએમ મોદી અને કમલા હેરિસની પહેલી મુલાકાત પર પીએમ મોદીએ હેરિસને ભારત આવવાનું નિમંત્રણ આપ્યું.
પીએમ મોદી અને કમલા હેરિસની પહેલી વાર થઈ મુલાકાત
પીએમ મોદીએ હેરિસને ભારત આવવાનું નિમંત્રણ આપ્યું
તમારા(હેરિસની) ભારત આવવાની રાહ જોશે- પીએમ મોદી
પીએમ નરેન્દ્ર મોદી અને અમેરિકા ઉપ રાષ્ટ્રપતિ કમલા હેરિસની વચ્ચે શુક્રવારે પહેલી વાર વ્યક્તિગત મુલાકાત થઈ. વ્હાઈટ હાઉસમાં થયેલી આ મીટિંગ દરમિયાન પીએમ મોદીએ હેરિસને ભારત આવવાનું નિમંત્રણ આપ્યું. સાથે તેમણે કહ્યું કે તે દુનિયા ભરમાં અનેક લોકો માટે પ્રેરણા છે. ઉપ રાષ્ટ્રપતિએ પણ કહ્યું કે ભારત અને અમેરિકાની સાથે કામ કરવાની દુનિયા પર ઉંડી અસર થશે. પીએમ મોદી ત્રણ દિવસ માટે અમેરિકાના પ્રવાસ પર છે. આ દરમિયાન QUAD મીટિંગ, UNGAમાં ભાગ લેશે.
પીએમ મોદીએ હેરિસને ભારત આવવાનું નિમંત્રણ આપ્યું
સમાચાર એજન્સી એએનઆઈ મુજબ પીએમ મોદીએ કહ્યું અમેરિકાના ઉપરાષ્ટ્રપતિ તરીકે તમારી પસંદગી જરુરી અને ઐતિહાસિક તક હતી. તમે દુનિયાભરમાં અનેક લોકો માટે પ્રેરણા છે. મને ભરોસો છે કે રાષ્ટ્રપતિ બાયડન અને તમારું નેતૃત્વ હેઠળ અમારા દ્વિપક્ષીય સંબંધ નવી ઉંચાઈઓ પર પહોંચી જશે. પીએમ મોદીએ હેરિસને ભારત આવવાનું નિમંત્રણ આપ્યું છે.
તમારા(હેરિસની) ભારત આવવાની રાહ જોશે- પીએમ મોદી
તેમણે કહ્યું કે પોતાની જીતની સફર જારી રાખતા ભારતીયો ઈચ્છે છે કે તમે આને ભારતમાં જારી રાખીશું અને તમારા ભારત આવવાની રાહ જોશે. એટલા માટે હું તમને ભારત આવવાનું નિમંત્રણ આપું છું. કમલા હેરિસે એ વાત પર ભાર મૂક્યો કે ભારત અને અમેરિકાની સાથે કામ કરવાથી બન્ને દેશોના લોકો પર જ નહીં બલ્કે વિશ્વ પર ઉંડી અસર પાડશે. તેમણે કોરોના સહિત અનેક પ્રસંગે બન્ને દેશોની વચ્ચે નજર આવેલા સહયોગનો ઉલ્લેખ કર્યો છે.
તમે જે રીતે મારી સાથે વાત કરી હતી તે હંમેશા યાદ રહેશે- પીએમ મોદી
તેમણે કહ્યું અમારી પાસે એક સંકટ કોરોના અને ખુલ્લા અને મુક્ત હિંદ પ્રશાંત વિસ્તારને લઈને આપણો સહિયારા વિશ્વાસનું મહત્વ હતુ. કોરોના પર આપણા દેશોએ મળીને કામ કર્યુ. મહામારીની શરુઆતમાં ભારત અન્ય દેશોને રસી પહોંચાડવાનો મહત્વનો સ્ત્રોત હતો. આ દરમિયાન પીએમ કમલા હેરિસની સાથે જૂનમાં થયેલી વાતચીતનો ઉલ્લેખ કર્યો અને કહ્યું કે તમે જે રીતે મારી સાથે વાત કરી હતી તે હંમેશા યાદ રહેશે.
હું દિલથી તમારો આભાર માનવા માંગું છુ- પીએમ મોદી
પીએમ મોદીએ કહ્યું કે મારી સાથે વાત કરતા સમયે તમે જે શબ્દોની પસંદગી કરી હું હંમેશા તે યાદ રાખીશ અને હું દિલથી તમારો આભાર માનવા માંગું છુ. તેમણે કહ્યુ એક સાચા મિત્રની જેમ તમે સહયોગ અને સંવેદનશીલતાથી ભરેલો સંદેશ આપ્યો અને તત્કાલ અમે જોયું કે અમેરિકન સરકાર, કોર્પોરેટ સેક્ટર અને ભારતીય સમુદાય ભારતની મદદ કરવા માટે એક સાથે આવ્યો છે. કમલા હેરિસે ભારતના કોરોના રસી નિકાસ ફરી શરુ કરવાના નિર્ણયના વખાણ કર્યા છે.