ગૌરવ / ગુજરાતમાંથી આ 7 સંતોને અયોધ્યા રામમંદિર ભૂમિ પૂજન માટે આમંત્રણ, 912 પવિત્ર તીર્થની માટી અને જળ મોકલાયા

• આ સંતોને અયોધ્યા રામમંદિર ભૂમિ પૂજન માટે આમંત્રણ
• ગુજરાતના 912 પવિત્ર તીર્થની માટી અને જળ અયોધ્યા મોકલાશે
• ગોધરા ખાતે કાર સેવકોનું સન્માન કરી 3 નદીનું પાણી અયોધ્યા મોકલાયું 

ભારતને આંગણે જાણે હરખના તૈડા આવ્યાં છે ત્યારે રામજન્મભૂમી પૂજન કાર્યક્રમમાં ગુજરાતમાંથી પણ જુદા જુદા 7 ધર્મ ગુરૂઓને  આમંત્રણ આપવામાં આવ્યું છે. સ્વામિનારાયણ સંપ્રદાયના સંત અને વિશ્વહિંદુ પરિષદના મહારાજને પણ આમંત્રણ પાઠવવામાં આવ્યુ છે. 

આ સંતોને અયોધ્યા રામમંદિર ભૂમિ પૂજન માટે આમંત્રણ

1. મહંત સ્વામી (બીએપીએસ)
2. અવિચલદાસજી (સતકેવલ જ્ઞાનપીઠ, સારસા)
3. પરમાત્માનંદજી (સંયોજક મહામંત્રી, હિન્દુ ધર્મ આચાર્ય મહાસભા)
4. માધવપ્રિયદાસજી (અધ્યક્ષ, SGVP ગુરુકુળ)
5. આચાર્ય કૃષ્ણમણી (જામનગર પ્રણામી સંપ્રદાય)
6. અખિલેશ્વરદાસજી (મહંત, સરસપુર રામજી મંદિર)
7. શાંતિગીરી મહારાજ (વડીયાવીર, ઈડર) 

નોંધપાત્ર વાત એ છે કે અયોધ્યામાં રામ મંદિરનો ભૂમિપૂજન કાર્યક્રમ 5મા ઓગસ્ટે થશે. આ કાર્યક્રમમાં વડા પ્રધાન નરેન્દ્ર મોદી, લાલકૃષ્ણ અડવાણી, ઉમા ભારતી સહિત 200 જેટલા મહેમાનો ભાગ લેશે. મહેમાનોની સૂચિ પીએમઓને મોકલવામાં આવી હતી. પીએમઓને સૂચિ મોકલ્યા પછી લોકોને આમંત્રણ અપાયું છે.

ગુજરાતના 912 પવિત્ર તીર્થની માટી અને જળ અયોધ્યા મોકલાશે

અયોધ્યામાં ભવ્ય રામ મંદિર નિર્માણની તડામાર તૈયારી ચાલી રહી છે. 5 ઓગસ્ટે PM મોદી મંદિરનું ભૂમિ પૂજન કરશે. ગુજરાતથી પવિત્ર નદીનું જળ-માટી મોકલવા પૂજા કરવામાં આવી છે. અમદાવાદ VHP કાર્યાલયે માટી અને જળની પૂજા કરાઇ છે. દેશભરના સાધુ-સંતો દ્વારા જળ-માટી મોકલવાની યોજના છે. ગુજરાતમાંથી એકત્ર કરેલી માટી-જળનું પૂજન કરવામાં આવી રહ્યું છે. પૂજન કરીને અયોધ્યા માટે પ્રસ્થાન કરાવવામાં આવશે. ગુજરાતના 912 પવિત્ર તીર્થની માટી અને જળ અયોધ્યા મોકલાશે. 

ગોધરા ખાતે કાર સેવકોનું સન્માન કરી 3 નદીનું પાણી અયોધ્યા મોકલાયું 

પંચમહાલથી રામ મંદિર નિર્માણ માટે મંદિરોમાંથી માટી મોકલાઇ છે. 3 નદીના પાણી પણ મોકલવામાં આવ્યા છે. અયોધ્યા ખાતે રામ મંદિરના નિર્માણ કાર્ય ખાતમુહૂર્તમાં મોકલાયા છે. પંચમહાલ, દાહોદ અને મહિસાગર જિલ્લામાંથી મોકલાયા છે. વિશ્વ હિન્દૂ પરિષદ અને બજરંગદળ દ્વારા એકત્ર કરાયું છે. ગોધરા ખાતે કાર સેવકોનું સન્માન કરી અયોધ્યા મોકલાયું છે. સન્માન કાર્યક્રમમાં ત્રણેય જિલ્લાના કારસેવકો ઉપસ્થિત રહ્યાં હતા. 

રામ મંદિર હવે બે નહી પરંતુ ત્રણ માળનું બનશે

આગામી 5 ઓગસ્ટ PM નરેન્દ્ર મોદી રામ મંદિરનું  ભૂમિ પૂજન કરશે. મંદિર નિર્માણ કરનારા આર્કિટેક્ટ આશિષ સોમપુરાની VTV સાથે EXCLUSIVE વાતચીત કરી હતી જેમાં તેમણે જણાવ્યું હતુ કે, મંદિરના નિર્માણમાં માટે અગાઉની 128 ફૂટની ઉંચાઈ હતી જે વધારીને 161 ફૂટની કરાઈ છે. રામ મંદિર હવે બે નહી પરંતુ ત્રણ માળનું બનશે. રામ મંદિરની ઉંચાઈ 161 ફુટ અને પહોળાઈ 140 ફૂટની રહેશે. મંદિરનો મૂળ દેખાવ મોટાભાગનો એજ રહેશે. બે બાજુમાં અને એક આગળના ભાગે એમ કુલ 5 ગુંબજ રહેશે. રામ મંદિરની સૌથી પહેલી ડિઝાઈન 1985માં બનાવવામાં આવી હતી. 

ચંદ્રકાંત સોમપુરાના પુત્ર નીખીલ સોમપુરાએ માહિતી આપી હતી 

1985ની ડિઝાઈનમાં મંદિર 3 ગુંબજ વાળુ બનવાનું હતુ. રામ મંદિરનું નિર્માણ કાર્ય શરૂ થવાનું છે ત્યારે મંદિરની ડીઝાઈન કરનાર સોમપુરા પરિવારના સભ્યએ મંદીરમાં કરાયેલા ફેરફાર અંગે માહીતી આપી હતી. ચંદ્રકાંત સોમપુરાના પુત્ર નીખીલ સોમપુરાએ મંદીરની ડીઝાનમાં ક્યા પરીવર્તન કરાયા તેની માહીતી આપી હતી.

ભવ્ય રામ મંદિર કેવું હશે?

રામ મંદિરની સૌથી પહેલી ડિઝાઈન 1985માં બનાવવામાં આવી હતી
એ વખતે મંદિરમાં આવનારા ભક્તોના અંદાઝા પરથી ડિઝાઈન તૈયાર થઈ હતી
1985 પછી 35 વર્ષ વીતી ચૂક્યા છે અને ભક્તોનો એસ્ટીમેટ પણ વધ્યો છે
નવા સમયને વિચારીને મંદિરને વધારે પહોળું કરવાનું નક્કી કરાયું છે
રામ મંદિર હવે બે નહી પરંતુ ત્રણ માળનું બનવાનું છે
રામ મંદિરની ઉંચાઈ 161 ફુટ અને પહોળાઈ 140 ફુટની હશે
મંદિરનો મૂળ દેખાવ મોટેભાગે એનો એ જ રહેવાનો છે
બે બાજુમાં અને એક આગળના ભાગે એમ કુલ ગુંબચની સંખ્યા 5ની હશે
1985ની ડિઝાઈનમાં રામ મંદિરને 3 ગુંબચ વાળું બનાવવાનું હતું
અગાઉની ડિઝાઈનમાં ઉંચાઈ 128 ફુટ હતી જે હવે 161 ફુટની કરાઈ છે
ત્રણ માળના રામ મંદિરમાં 318 સ્થંભ હશે જેના પર મંદિરનો મૂળ ભાગ હશે
રામ મંદિરના ત્રણ માળમાં દરેક માળ પર 106 સ્તંભ હશે
રામ મંદિર જમીનથી 17 ફુટની ઉંચાઈ પર હશે
રામ મંદિરના બીજા માળે રામ દરબાર હશે
69 એકર જમીન પર 5 ગુંબચો વાળું મંદિર દુનિયામાં ક્યાંય નથી
શ્રધ્ધાળુઓને કોઈ તકલીફ ન પડે તે માટે ડિઝાઈનમાં બદલાવ કરાયો છે