PM નરેન્દ્ર મોદીએ સોમવારે અગ્નિપથનાં પહેલાં બેચનાં અગ્નિવીરો સાથે વીડિયો કોન્ફેરેન્સનાં માધ્યમથી વાતચીત કરી. યોજનામાં અગ્રણી બનવા માટે વધામણી આપતાં કહ્યું કે આ યોજના મહિલાઓને સશક્ત બનાવશે!
PMએ અગ્નિપથનાં પહેલાં બેચને આપી વધામણી
કહ્યું કે આ યોજના મહિલાઓને સશક્ત બનાવશે
યુવાઓ અને અગ્નિવીરોની ક્ષમતા પર બોલ્યા PM
પ્રધાનમંત્રી નરેન્દ્ર મોદીએ આજે એટલે કે સોમવારે અગ્નિવીરોનાં પ્રથમ બેચની સાથે વીડિયો કોન્ફેરેન્સ થકી વાતચીત કરી હતી. તેમણે કહ્યું કે અગ્નિપથ યોજના એક પરિવર્તનકારી નીતિ છે અને તે સશસ્ત્ર બળોને મજબૂત કરવા તેમજ તેમને ભવિષ્યનાં પડકારો માટે તૈયાર કરવામાં એક 'ગેમ ચેન્જર' સાબિત થશે. પ્રધાનમંત્રીએ ત્રણેય સેનાઓમાં ભરતીની અલ્પકાલિન યોજના અગ્નિપથનાં પહેલાં બેચને સિલે્કટ થવા બદલ શુભેચ્છાઓ પાઠવી હતી.
આ યોજના મહિલાઓને સશક્ત બનાવશે-PM
પ્રધાનમંત્રી કાર્યાલયની તરફથી (PMO) જાહેર કરવામાં આવેલા એક નિવેદન અનુસાર મોદીએ અગ્નિવીરોને આ પથ પ્રદર્શક યોજનામાં અગ્રણી બનવા માટે વધામણી આપી અને કહ્યું કે આ યોજના મહિલાઓને સશક્ત બનાવશે. તેમણે કહ્યું કે યુવા અગ્નિવીર સશસ્ત્ર બળોને વધુ યુવા અને ટેક સેવી બનાવશે.
નવું ભારત નવા જોશથી ભરેલું છે...
મોદીએ કહ્યું કે ટેકનિકલ રૂપે ઉન્નત સૈનિકો આપણા સશસ્ત્ર બળોમાં મહત્વપૂર્ણ ભૂમિકા ભજવશે. યુવાઓની વર્તમાન પેઢીમાં વિશિષ્ટ ક્ષમતાઓ છે. તેથી અગ્નિવીર આવનારાં સમયમાં આપણા સશસ્ત્ર બળોમાં અગ્રણી ભૂમિકા ભજવશે. પ્રધાનમંત્રીએ કહ્યું કે નવું ભારત નવા જોશથી ભરેલું છે અને સશસ્ત્રબળોનાં આધુનિકીકરણની સાથે-સાથે તેમને આત્મનિર્ભર બનાવવાનાં પ્રયાસો પણ ચાલી રહ્યાં છે.
PM Modi congratulates Agniveers on being pioneers of path-breaking Agnipath Scheme
યુવાઓ અને અગ્નિવીરોની ક્ષમતા પર બોલ્યા મોદી
PM મોદીએ કહ્યું કે 'અવસરનાં માધ્યમથી તેઓ અનુભવ મેળવશે, તે તેમના જીવન માટે ગર્વનો સ્ત્રોત હશે.' યુવાઓ અને અગ્નિવીરોની ક્ષમતાનાં વખાણ કરતાં તેમણે કહ્યું કે આ અગ્નિવીર જ છે જે 21મી સદીમાં રાષ્ટ્રને નેતૃત્વ પ્રદાન કરવા જઈ રહ્યું છે.
મહિલા અગ્નિવીરોથી ગર્વ અનુભવી રહ્યાં છે પીએમ
તેમણે ખુશી વ્યક્ત કરતાં કહ્યું કે મહિલાઓ અગ્નિવીર નૌસેનાનાં ગૌરવને વધારી રહી છે. તેમણે કહ્યું કે તેઓ ત્રણેય બળોમાં મહિલા અગ્નિવીરોને જોવા માટે ઉત્સુક છે. પ્રધાનમંત્રીએ સિયાચીનમાં તૈનાત મહિલા સૈનિકો અને આધુનિક લડાકૂ વિમાન ઊડાવતી મહિલાઓનું ઉદાહરણ આપતાં અગ્નિવીરોને જણાવ્યું કે કેવી રીતે મહિલાઓ વિભિન્ન મોરચાં પર સશસ્ત્ર બળોનું નેતૃત્વ કરી રહી છે.