લોકસભામાં પ્રધાનમંત્રી નરેન્દ્ર મોદીએ રાષ્ટ્રપતિના અભિભાષણ પર આભાર ભાષણ કર્યું છે. જેમાં પીએમ મોદીએ આભાર ભાષણ શરૂ કરતાં રાષ્ટ્રપતિનો આભાર માન્યો હતો. પીએમ મોદીએ કહ્યું કે રાષ્ટ્રપતિનું અભિભાષણ દેશને દિશા બતાવનાર છે. રાષ્ટ્રપતિના અભિભાષણમાં ન્યૂ ઇન્ડિયાનું વિઝન જોવા મળ્યું.
પીએમ મોદીએ આભાર ભાષણમાં કહ્યું કે સદનના સભ્યોમાં સવાલ થઇ રહ્યાં છે કે સરકારને આટલી જલ્દી શું છે? લોકોએ સરકાર બદલી, સરોકાર બદલવાની અપેક્ષા છે. પીએમએ કહ્યું કે જો કોંગ્રેસના રસ્તા પર ચાલતાં હોત તો દેશમાં અનેક સમસ્યા હોત, કોંગ્રેસના શાસનમાં બેનામી સંપત્તિ કાયદો લાગુ ના થયો.
ગાંધી અમારા માટે જિંદગી
લોકસભામાં પ્રધાનમંત્રી મોદીએ પોતાના વિચાર રાખ્યા હતા. પીએમ જ્યારે લોકસભામાં આવ્યાં ત્યારે સત્તા પક્ષના સાંસદોએ જય શ્રી રામના નારા લગાવ્યાં. જેના જવાબમાં વિપક્ષ સાંસદોએ મહાત્મા ગાંધીની જયના નારા લગાવ્યાં. ત્યારબાદ કોંગ્રેસના સાંસદ અધીર રંજન ચૌધરીએ કહ્યું કે આ તો ટ્રેલર છે. જેના પર પીએમ મોદીએ કહ્યું કે ગાંધી તમારા માટે ટ્રેલર હોય શકે અમારા માટે તો જિંદગી છે.
PM Modi in Lok Sabha: President has highlighted the vision for a New India. His address comes at a time when we enter the third decade of the century. President's address instills a spirit of hope and presents a roadmap for taking the country ahead in future pic.twitter.com/v9entIEtCd
પ્રધાનમંત્રી નરેન્દ્ર મોદીએ કોંગ્રેસ પર આકરા પ્રહાર કરતાં કહ્યું કે દેશમાં માત્ર સરકાર જ નહી સરોકાર પણ બદલાયાં છે. પીએમ કહ્યું કે જો સરકાર ગત સરકારના પગલા પર ચાલતી હોત તો જમ્મૂ-કાશ્મીરમાંથી 370 હટાવી શક્યા નહોત. પીએમ મોદીએ કહ્યું કે અમે જો કોંગ્રેસના રસ્તે ચાલ્યા હોત તો શત્રુ સંપત્તિ કાયદો બનત નહીં. ચીફ ઓફ ડિંફેન્સ સ્ટોફની નિમણૂંક ન થઇ હોત.
પીએમ મોદીએ કહ્યું કે જે ઝડપથી કામ કર્યું છે તેનું પરિણામ છે કે દેશની જનતાએ 5 વર્ષમાં જોયું અને ત્યારબાદ તેવી જ રીતે કામ કરવા માટે વધારે તાકત સાથે અમને ફરી સેવા કરવાની તક આપી.
નોર્થ ઇસ્ટ હવે દરવાજા પર આવીને ઉભી રહી ગઇ છે
પીએમ નરેન્દ્ર મોદીએ કહ્યું કે નોર્થ-ઇસ્ટમાં છેલ્લા પાંચ વર્ષમાં જે દિલ્હી તેમને દૂર લાગતી હતી, આજે દિલ્હી તેમના દરવાજા પર જઇ ઉભી રહી ગઇ છે. પીએમ મોદીએ કહ્યું કે તે પછી વીજળીની વાત હોય કે રેલવેની વાત હોય, એરપોર્ટની વાત હોય, મોબાઇલ કેનેક્ટિવિટીની વાત હોય, અમે કરવાનો પ્રયત્ન કર્યો છે.