પ્રવાસ / કચ્છના એક દિવસીય પ્રવાસે આવેલા PM મોદીએ પંજાબી ખેડૂતો સાથે કર્યો સંવાદ

• ગુજરાતના એક દિવસીય પ્રવાસ માટે PM મોદી પહોંચ્યા કચ્છ
•  પંજાબના ખેડૂતો સાથે વાતચીત કરી હતી
• ગુજરાતને આપશે 3 મોટી ભેટ 

ઉલ્લેખનીય છે કે, એકતરફ દિલ્હી બોર્ડર પર પંજાબ અને હરિયાણાના ખેડૂતો 3 કૃષિ કાયદાના વિરોધમાં  આંદોલન કરી રહ્યા છે ત્યારે આ તરફ આજે પ્રધાનમંત્રી મોદી ધોરડો ખાતે પ્રધાનમંત્રી કચ્છના પ્રગતિશીલ ખેડૂતોને અને કચ્છ સરહદે ખેતી કરતા પંજાબી ખેડૂતોને મળી તેમને સાથે વાર્તાલાપ યોજ્યો હતો. 

મોમેન્ટો આપીને સ્વાગત કરશે

આ સાથે જ PM મોદી કચ્છના હસ્તકલા કારીગરોને પણ મળશે. પ્રધાનમંત્રી ટેન્ટસિટીમાં રણ વચ્ચે ઉભા કરાયેલા વિશાળ ડોમમાંથી આ બધા વિકાસ કાર્યોનું વર્ચ્યુઅલ ભૂમિપૂજન કરશે.આ ખેડૂતો પ્રધાનમંત્રી મોદીનું મોમેન્ટો આપીને સ્વાગત કરશે. 

5 કલાકનું કચ્છમાં રોકાણ કરશે પ્રધાનમંત્રી 

આપને જણાવી દઇએ કે, PM મોદી કચ્છમાં 5 કલાકનું રોકાણ કરવાના છે. કાર્યક્રમ સ્થળથી પાકિસ્તાન બોર્ડર નજીક હોવાથી ત્રિ-સ્તરીય સુરક્ષા વ્યવસ્થા ગોઠવવામાં આવી છે અને ભુજથી ખાવડા સુધી હેલિકોપ્ટર દ્વારા પેટ્રોલિંગ પણ કરવામાં આવી રહ્યું છે. 

વિશ્વના સૌથી મોટા અલ્ટ્રા મેગા હાઇબ્રીડ પાર્કનો PM  શિલાન્યાસ કરશે

ડિસેલિનેશન પ્લાન્ટથી દરિયાના ખારા પાણીને પીવાલાયક મીઠું બનાવી શકાશે. આવો જ પ્લાન્ટ સોમનાથ નજીક સુત્રાપાડા, દ્વારકાના ગાંધીવી અને ઘોઘામાં પણ સ્થપાશે. વળી કચ્છ ડેરીના 129 કરોડના ઓટોમેટિક ડેરી પ્લાન્ટનું પણ PM ભૂમિપૂજન કરશે. કચ્છમાં વિશ્વના સૌથી મોટા અલ્ટ્રા મેગા હાઇબ્રીડ પાર્કનો PM  શિલાન્યાસ કરશે. 

ડિસેલિનેશન પ્લાન્ટ  

• કચ્છના ગુંદિયાળી ગામે ડિસેલીનેશન પ્લાન્ટની સ્થાપના
• ગુંદિયાળી પાસેના ધ્રબુડીના દરિયાકિનારે 60 એકરમાં પ્લાન્ટની રચના
• ડિસેલિનેશન પ્લાન્ટથી દરિયાના ખારાં પાણીને મીઠું બનાવાશે
• 800 કરોડના ખર્ચે ડિસેલિનેશન પ્લાન્ટનું નિર્માણ 
• ડિસેલિનેશન પ્લાન્ટમા રોજનું 10 કરોડ લિટર પાણીનું થશે શુદ્ધિકરણ
• ડિસેલીનેશન પ્લાન્ટ નિર્માણમાં 2 વર્ષ જેટલો સમય લાગશે
• ફેબ્રુઆરી 2023માં ડિસેલિનેશન પ્લાન્ટ આકાર પામશે
• ડિસેલિનેશન પ્લાન્ટથી કચ્છની પાણી સમસ્યા દૂર થશે
• ડિસેલિનેશન પ્લાન્ટથી કચ્છને નર્મદાના પાણી પર આધારિત નહીં રહેવું પડે
• પ્લાન્ટથી માંડવી-મુન્દ્રા તાલુકાના 8 લાખ લોકોને લાભ મળશે
• માંડવી અને મુન્દ્રાના 300થી વધુ ગામો નર્મદા આધારીત નહીં રહેવું પડે

 ક્યાં નિર્માણ થશે ડિસેલિનેશન પ્લાન્ટ  

• કચ્છના માંડવી નજીક ગુંદિયાળી ગામ
• સોમનાથ નજીક સુત્રાપાડા 
• દ્વારકા નજીક ગાંધીવી 
• ભાવનગર નજીક ઘોઘા

ઓટોમેટિક ડેરી પ્લાન્ટ 

• કચ્છમાં સ્થપાશે સરહદ ડેરીનો અત્યાધુનિક ડેરી પ્લાન્ટ 
• રાષ્ટ્રીય કિસાન વિકાસ યોજના અંતર્ગત ડેરી પ્લાન્ટની સ્થાપના
• 129 કરોડના ખર્ચે મિલ્ક પ્રોસેસિંગ પેકેજિંગ પ્લાન્ટની રચના
• ડેરીનો પ્લાન્ટ સંપૂર્ણપણે ઓટોમેટિક ટેક્નોલોજીથી સજ્જ 
• અંજાર અને ભચાઉ વચ્ચે અત્યાધુનિક ડેરી પ્લાન્ટ આકાર પામશે
• ડેરી પ્લાન્ટથી 2 લાખ લિટર જેટલી દૂધની ક્ષમતામાં વધારો થશે

 અલ્ટ્રા મેગા હાઈબ્રીડ પાર્ક 

• દુનિયાનો આ સૌથી મોટો ગ્રીન એનર્જી પ્રોજેક્ટ 
• કચ્છના ખાવડા નજીક હાઈબ્રિડ પાર્કનુ નિર્માણ 
• 30 હજાર મેગાવોટ વીજળી ઉત્પાદન કરી શકાશે