લોકસભા ચૂંટણી વચ્ચે વિપક્ષનાં હુમલાને ઝેલી રહેલ પ્રધાનમંત્રી મોદીને માટે રશિયાથી એક સારાં સમાચાર આવી રહ્યાં છે. નરેન્દ્ર મોદીને દુનિયાનું એક વધુ સમ્માન મળવા જઇ રહ્યું છે. રશિયાએ પીએમ મોદીને પોતાનો સર્વોચ્ચ નાગરિક સમ્માન- સેંટ એંડ્ર્યૂ એવોર્ડ આપવાનો નિર્ણય કર્યો છે.
રશિયાનાં રાષ્ટ્રપતિ વ્લાદિમીર પુતિને પણ આને મંજૂરી આપી દીધી છે. તમને જણાવી દઇએ કે કેટલાંક દિવસોમાં પ્રધાનમંત્રીને અનેક આંતરરાષ્ટ્રીય સમ્માન મળી ચૂકેલ છે. તાજેતરમાં જ યૂએઇએ તેઓને જાયદ એવોર્ડ આપવાની જાહેરાત કરી હતી.
રશિયા દૂતાવાસે એક નિવેદનમાં જણાવ્યું કે, "12 એપ્રિલનાં રોજ પ્રધાનમંત્રી મોદીને સેંટ એંડ્ર્યૂ એટલે કે રશિયાનો સર્વોચ્ચ નાગરિક સમ્માન આપવાની જાહેરાત કરી છે." પ્રધાનમંત્રી મોદીને આ સમ્માન ભારત અને રશિયાનાં સંબંધોને મજબૂત કરવા માટે લેવામાં આવ્યો છે.
ઉલ્લેખનીય છે કે થોડાંક દિવસો પહેલાં સંયુક્ત આરબ અમીરાતે પણ મોદીને જાયેદ મેડલ આપવાની જાહેરાત કરી હતી. યૂએઇ તરફથી આ સમ્માન બંને દેશોનાં સંબંધોને નવી ઉંચાઇ પર લઇ જવાં માટે આપવામાં આવ્યો હતો. પ્રધાનમંત્રી મોદીએ યૂએઇનાં ક્રાઉન પ્રિંસ શેખ મોહમ્મદ બિન જાયદને આ સમ્માન માટે આભાર પણ અદા કર્યો હતો.
આ જ વર્ષે ફેબ્રુઆરીમાં પ્રધાનમંત્રીને દક્ષિણ કોરિયાએ સિયોલ શાંતિ પુરસ્કારથી સમ્માનિત કર્યા હતાં. આ પુરસ્કારથી સમ્માનિત થનારા પ્રધાનમંત્રી મોદી પહેલાં ભારતીય વ્યક્તિ હતાં. દક્ષિણ કોરિયા તરફથી કહેવામાં આવ્યું હતું કે, પ્રધાનમંત્રી મોદી આજે એક ગ્લોબલ લીડર તરીકે ઉભરી આવ્યાં હતાં. આ સાથે જ તેઓએ બંને દેશોનાં સંબંધ વધારે સારા કરવામાં આવ્યાં.