રાજનીતિ / "ચીન અને પાકિસ્તાન સાથેના યુદ્ધની તારીખ PM મોદીએ નક્કી કરી દીધી છે," ભાજપી નેતાનો દાવો 

• ચીન અને પાકિસ્તાન સાથે યુદ્ધની તારીખ નક્કી : સ્વતંત્ર દેવ સિંહ 
• ઉત્તર પ્રદેશ ભાજપ પ્રદેશ અધ્યક્ષનું વિવાદિત નિવેદન 
• ભારત અને ચીનની બોર્ડર પર ચાલી રહ્યો છે તણાવ 

ભારતીય જનતા પાર્ટી ઉત્તર પ્રદેશના પ્રદેશ પ્રમુખ સ્વતંત્ર દેવસિંહે એક વિવાદિત ટિપ્પણીમાં કહ્યું છે કે વડા પ્રધાન નરેન્દ્ર મોદીએ પાકિસ્તાન અને ચીન સાથે યુદ્ધ ક્યારે કરવાનું છે તેનો સમય નક્કી કરી રાખ્યો છે. શુક્રવારે તેમનું આ નિવેદન આવ્યું હતું. ઉલ્લેખનીય છે કે ભારત અને ચીન વચ્ચે વાસ્તવિક નિયંત્રણ નિયંત્રણ LAC પર તણાવ છે, જ્યાં બંને દેશોની સૈનિકો મોટી સંખ્યામાં તૈનાત છે.

ભાજપ અધ્યક્ષનો વિડીયો વાયરલ થયો છે

ભાજપના નેતાએ અયોધ્યામાં રામ મંદિરના નિર્માણની કામગીરી અને જમ્મુ-કાશ્મીરનો વિશેષ દરજ્જો નાબૂદ કરવા અંગે આ વાત કરી હતી. હકીકતમાં સ્વતંત્ર દેવ  સિંહનો એક વીડિયો વાયરલ થયો છે, જેમાં તેણે કહ્યું છે કે "રામ મંદિર અને કલમ 370 અંગેના નિર્ણયની જેમ વડા પ્રધાન નરેન્દ્ર મોદીએ પણ નિર્ણય લીધો છે કે પાકિસ્તાન અને ચીન સાથે ક્યારે યુદ્ધ કરવું છે." સંબંધિત તારીખ નક્કી થઈ ચૂકી છે."

ભાજપ પ્રદેશ અધ્યક્ષે આ વાત 23 ઓક્ટોબરે બલિયા જિલ્લાના સિકંદરપુરમાં ભાજપના ધારાસભ્ય સંજય યાદવના નિવાસ સ્થાને પાર્ટીના કાર્યકરોને સંબોધન કરતા દરમિયાન કરી હતી. 

કોંગ્રેસ અને વિપક્ષની તુલના આતંકવાદીઓ સાથે કરી 

ભાજપના ધારાસભ્ય સંજય યાદવે રવિવારે આ વીડિયો જાહેર કર્યો હતો. સ્વતંત્ર દેવસિંહે પોતાના સંબોધનમાં સમાજવાદી પાર્ટી, બહુજન સમાજ પાર્ટી અને કોંગ્રેસના નેતાઓની તુલના આતંકવાદીઓ સાથે કરી હતી.

આ સંદર્ભમાં જ્યારે ભાજપના પ્રદેશ સાંસદ રવિન્દ્ર કુશવાહાને પૂછવામાં આવ્યું ત્યારે તેમણે કહ્યું કે પ્રદેશ પ્રમુખે માત્ર કાર્યકરોનો ઉત્સાહ વધારવા માટે આ કહ્યું છે.