IPLIN
 

વિકાસ યાત્રા / PM મોદી આજથી બે દિવસના ગુજરાત પ્રવાસે, સુરત અને ભાવનગરને આપશે કરોડોના વિકાસકાર્યોની ભેટ, જાણો સંપૂર્ણ કાર્યક્રમ

Team VTV 07:57 AM, 29 Sep 22 | Updated: 08:03 AM, 29 Sep 22
Follow us
pm modi gujarat visit from 29 to 30 september

PM મોદી આજથી બે દિવસ ગુજરાતની મુલાકાતે આવી રહ્યાં છે. ત્યારે તેઓ ભાવનગર અને સુરતને અનેક વિકાસકાર્યોની ભેટ આપશે. જ્યારે અમદાવાદમાં નેશનલ ગેમ્સનો પ્રારંભ કરાવશે.

  • PM મોદી આજથી બે દિવસ ગુજરાતના પ્રવાસે
  • સુરત,ભાવનગર, અમદાવાદના કાર્યક્રમોમાં રહેશે ઉપસ્થિત
  • સુરત અને ભાવનગરને આપશે અનેક વિકાસકાર્યોની ભેટ

વડાપ્રધાન નરેન્દ્ર મોદી આજથી બે દિવસના ગુજરાત પ્રવાસે આવી રહ્યાં છે. ત્યારે તેઓ આ પ્રવાસની શરુઆત આજે સુરતથી કરશે.  સવારના 11:15 વાગ્યે સુરત એરપોર્ટ પર તેઓનું આગમન થશે. જ્યાર બાદ લિંબાયત વિસ્તારથી 3 હજાર 400 કરોડના વિકાસ કાર્યોની PM મોદી ભેટ આપશે. એરપોર્ટ પર આગમન બાદ PM મોદી ગોડાદરાથી લિંબાયત સુધી રોડ શૉ કરશે. PM મોદી સુરતને અનેક વિકાસ કાર્યોની ભેટ આપશે અને જનસભાને સંબોધશે. સુરતથી 1 વાગ્યા બાદ તેઓ ભાવનગર જવા રવાના થશે.

ભાવનગરમાં અનેક વિકાસકાર્યોનું લોકાર્પણ કરશે

આજે ભાવનગરમાં પણ PM મોદી રોડ-શો કરશે તેમજ જાહેર સભાને પણ સંબોધશે. ભાવનગરમાં PM બપોરના 2થી 3 વાગ્યા સુધી રોકાશે. ભાવનગરમાં અનેક વિકાસકાર્યોનું લોકાર્પણ અને ખાતમુહૂર્ત કર્યા બાદ PM મોદી બપોરના દોઢ વાગ્યે એરપોર્ટ પર આગમન બાદ તેઓ મહિલા કોલેજથી અઢી કિલોમીટર લાંબો રોડ શૉ યોજશે. ત્યાર બાદ જવાહર મેદાનમાં જાહેરસભા સંબોધશે.

રાત્રે અમદાવાદના GMDC ગ્રાઉન્ડમાં નવરાત્રી મહોત્સવમાં ભાગ લેશે

જ્યાર બાદ સાંજના 4 વાગ્યે વડાપ્રધાન મોદી અમદાવાદ આવી પહોંચશે. જ્યાંથી તેઓ ગાંધીનગરમાં રાજભવન માટે જવા રવાના થશે. જ્યાર બાદ સાંજે સાત વાગ્યે અમદાવાદમાં 36મી નેશનલ ગેમ્સનું ઉદ્ઘાટન કરશે. આ કાર્યક્રમ પૂર્ણ કર્યા બાદ રાત્રીના નવ વાગ્યે તેઓ અમદાવાદના GMDC ગ્રાઉન્ડમાં આયોજિત નવરાત્રી મહોત્સવમાં ભાગ લેશે. ગરબા મહોત્સવમાં હાજરી આપ્યા બાદ વડાપ્રધાન મોદી ફરી ગાંધીનગર માટે જવા રવાના થશે અને રાજભવનમાં રાત્રી રોકાણ કરશે.

જાણો PM મોદીનો આજનો સંપૂર્ણ કાર્યક્રમ

  • PM મોદી આજથી બે દિવસ ગુજરાતના પ્રવાસે 
  • સુરત,ભાવનગર અને અમદાવાદના કાર્યક્રમોમાં ઉપસ્થિત રહેશે PM મોદી
  • પ્રધાનમંત્રી મોદીનું સુરતમાં સવારે 11:15 કલાકે આગમન થશે
  • PM મોદી સુરતને વિકાસ કાર્યોની ભેટ આપશે અને જનસભાને સંબોધશે
  • સુરતથી 1 વાગ્યા બાદ ભાવનગર જવા રવાના થશે PM
  • આજે ભાવનગરમાં રોડ-શો અને સભાનું આયોજન
  • ભાવનગરમાં બપોરે 2 થી 3 વાગ્યા સુધી રોકાશે PM
  • સાંજે 4 વાગે અમદાવાદ પહોંચશે PM મોદી
  • અમદાવાદ પહોંચી સીધા રાજભવન જશે PM
  • અમદાવાદમાં નેશનલ ગેમ્સનો પ્રારંભ કરાવશે PM મોદી
  • સાંજે 7 વાગે નેશનલ ગેમ્સના કાર્યક્રમમાં આપશે હાજરી 
  • રાત્રે 9 વાગે GMDC ખાતે ગરબા કાર્યક્રમમાં આપશે હાજરી 
  • PM મોદી રાજભવનમાં રાત્રી રોકાણ કરશે
Gujarat elections 2022 pm modi gujarat visit પીએમ મોદી ગુજરાત પ્રવાસ ગુજરાત વિધાનસભા ચૂંટણી 2022
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ