હ્યુસ્ટન / અમેરિકામાં ઍરપોર્ટ પર ઊતરતાં જ PM મોદીએ કર્યું એવું કે લોકોના દિલ જીતી લીધાં

• પીએમ મોદીએ હ્યુસ્ટન એરપોર્ટ પર કર્યું આ કામ
• પદનો ખ્યાલ રાખ્યા વિના ઉપાડ્યું ફૂલ
• અધિકારીઓ પણ રહી ગયા આશ્ચર્યચકિત
• અમેરિકામાં રહેતા ભારતીયોને આપ્યો સ્વચ્છતાનો મેસેજ

પીએમ મોદીએ કર્યું આ કામ

હ્યુસ્ટન પહોંચ્યા ત્યારે એક અમેરિકી મહિલા અધિકારીએ પીએમને પુષ્પગુચ્છ આપ્યું અને સ્વાગત કર્યું, પરંતુ તેમાંથી એક ટુકડો જમીન પર પડ્યો. પીએમ મોદી આગળ વધી ચૂક્યા હતા પણ જ્યારે તેમને ખ્યાલ આવ્યો ત્યારે તેઓએ પોતાના પદનું ધ્યાન રાખ્યા વિના જમીન પર પડેલી ફૂલની ડાંડી ઉપાડી લીધી. તે સહયોગીને આપી. આ જોઈને અધિકારી પણ દંગ રહી ગયા.

#WATCH United States: PM Narendra Modi arrives in Houston, Texas. He has been received by Director, Trade and International Affairs, Christopher Olson and other officials. US Ambassador to India Kenneth Juster and Indian Ambassador to the US Harsh Vardhan Shringla also present. pic.twitter.com/3CqvtHkXlk

— ANI (@ANI) September 21, 2019

પીએમ મોદીએ આપ્યો સ્વચ્છતાનો સંકેત

પીએમ મોદીએ પુષ્પગુચ્છના નાના ટુકડાને ઉઠાડીને સંદેશ આપ્યો અને સ્વચ્છતાનો આગ્રહ પણ સમજાવ્યો. આસપાસ સ્વચ્છતા અને સફાઈની અપીલ પીએમ મોદી કરતા જ રહે છે. પીએમ મોજી જે હોટલ પોસ્ટ ઓકમાં રોકાયા છે ત્યાં પણ મોટા પ્રમાણમાં લોકો હાજર રહ્યા હતા અને હાથમાં ત્રિરંગો લઈને સ્વાગત કર્યું હતું. 

50 000 ટિકિટ વેચાયા બાદ પણ વેટિંગ

પીએમ મોદીના સમારોહમાં હાલ સુધી 50 હજાર સુધીની ટિકિટો વેચાઈ ચૂકી છે. આ સિવાય પણ અનેક લોકો વેટિંગમાં છે. કાર્યક્રમ લગભગ 3 કલાક ચાલશે. પીએમ મોદી ભારતીય મૂળને સંબોધિત કરશે. ટેક્સાસના મોટા શહેરમાં એનઆરજી સ્ટેડિયમમાં ટેક્સાસ ઈન્ડિયા ફોરમમાં આ સમારોહનું આયોજન કરાયું છે.