કોરોના / લોકડાઉનને 3 મે સુધી લંબાવવા પાછળ શું છે PM મોદીનું ગણિત ? થશે આ ફાયદો

• 19 દિવસ લંબાયું લોકડાઉન 
• પહેલી મે વિશ્વ મજૂર દિવસ, બીજી ત્રીજી મે વિકેન્ડ 
• 19 દિવસના લોકડાઉનથી તસવીર સ્પષ્ટ થશે 

19 દિવસનું લોકડાઉન વધારવા પાછળ પ્રધાનમંત્રીનું ગણિત કયું હશે?

હવે દેશની જનતાએ 19 દિવસ વધુ એટલેકે 3 મે સુધી લોકડાઉનનું પાલન કરવું પડશે. પ્રધાનમંત્રી નરેન્દ્ર મોદીએ તમામ દેશવાસીઓને હવે 3 મે સુધી કોરોના સામેનો જંગ લંબાવવા હાંકલ કરી છે આથી હવે દેશના તમામ લોકોએ 3 મે સુધી પોતાના ઘરમાં જ રહેવું પડશે. જો કે, પીએમ મોદીના સંબોધન પહેલાથી જ એવું અનુમાન લગાવાઈ જ રહ્યું હતું કે, લોકડાઉન હજુ લંબાશે. આથી લોકોને આ જાહેરાત બાદ કશું આશ્ચર્ય થયું નથી. પરંતુ તેમ છતાં ઘણા બધા લોકોના મનમાં એ સવાલ ઊઠી રહ્યા છે કે,  19 દિવસનું લોકડાઉન વધારવા પાછળ પ્રધાનમંત્રીનું ગણિત કયું હશે?  કેમ કે  ન તો આ ગાળો 3 સપ્તાહનો છે, ન તો બે અઠવાડિયાનો છે કે ન તો મહિનાના અંતનો આ કોઈ દિવસ છે. 

આ છે 3 મેનું ગણિત 

લોકડાઉનને 3 મે સુધી લંબાવવાનો નિર્ણય કેદ્ર સરકારનો નહીં પરંતુ રાજ્ય સરકારોનો છે. અનેક રાજ્યોએ જ એવી ભલામણ કરી હતી કે, લોકડાઉનને 3 મહિના સુધી લંબાવવામાં આવે.  હકીકતમાં કેદ્ર સરકાર તો લોકડાઉન 30 એપ્રિલ સુધી જ વધારવા માગતી હતી. પરંતુ 1 મેના દિવસે વિશ્વ મજૂર દિવસની રજા છે, તે પછી 2જી મેએ શનિવાર છે. અને તે પછી 3જી મેએ રવિવાની રજા છે.

3 દિવસ વધવાથી કેટલો ફાયદો થશે? 

દિવસોની આ ગણતરી પાછળની એક હકીકત છે. કેમ કે કોરોનાના કેસમાં તેના લક્ષણ દેખાવામાં 7થી 14 દિવસનો સમય લાગી  જાય છે. એ જોતાં આ 16 દિવસમાં 3 દિવસ વધુ જોડાય તો 19 દિવસનો સમય મળી જાય આથી  19 દિવસ કોરોના વાયરસની તસવીર સ્પષ્ટ કરવામાં મદદરૂપ બની શકે છે.