પ્રવાસ / NSA ડોભાલ બાદ PM મોદી જઇ શકે છે સાઉદી અરબ, જાણો કેમ ખાસ છે ખાડી દેશ

• સાઉદી અરબની મુલાકાતે PM મોદી જાયતેવી સંભાવના
• NSA અજીત ડોભાલે સાઉદી મુલાકાતમાં તૈયાર થયો રોડ મેપ
• સાઉદીમાં શિખર સંમેલનમાં ઉપસ્થિત રહી શકે છે પીએમ મોદી

NSA અજિત ડોભાલના પ્રવાસ બાદ અટકળો તેજ

રાષ્ટ્રીય સુરક્ષા સલાકાર અજીત ડોભાલ 2 ઓક્ટોબરના રોજ સાઉદી અરબની મુલાકાતે હતા. જો કે હવે એવી અટકળો લગાવામાં આવી રહી છે કે અજીત ડોભાલની આ મુલાકાત  પીએમ મોદીની સાઉદી અરબની મુલાકાતને લઇને રોડ મેપ તૈયાર કરવા માટે હતી. આ દરમિયાન અજીત ડોભાલે પ્રિન્સ સલમાન સાથે મુલાકાત કરી અને જમ્મૂ-કાશ્મીરમાંથી ધાર 370 હટાવવાના નિર્ણય અંગે જાણકારી આપી હતી. 
 

PM Modi expected to visit Saudi Arabia soon

Read @ANI story | https://t.co/87C9eYooLO pic.twitter.com/mX9qH9xsOJ

— ANI Digital (@ani_digital) October 5, 2019

કાશ્મીર પર ભારતની સાથે છે સાઉદી અરબ

જમ્મૂ-કાશ્મીરમાંથી કલમ 370 હટાવવાના ભારતના નિર્ણયને સાઉદી અરબે સમર્થન આપ્યું છે. સાઉદી અરબે જણાવ્યું છે કે જમ્મૂ-કાશ્મીરમાં ભારતે લીધેલ પગલાને સમજે છે. દુનિયાના પ્રમુખ ઇસ્લામિક દેશ તરીકે ગણાતા સાઉદી અરબનું સમર્થન મેળવવું ભારતની એક મોટી કૂટનીતિક જીત માનવામાં આવી રહી છે. 

પીએમ મોદીનો આ બીજો સાઉદી અરબ પ્રવાસ હશે

પ્રધાનમંત્રી નરેન્દ્ર મોદીનો આ બીજો સાઉદી અરબ પ્રવાસ હશે. આ અગાઉ પીએમ મોદી 2016માં સાઉદી અરબ ગયા હતા. આ દરમિયાન પીએમ મોદીને સાઉદી અરબમાં સર્વોચ્ચ નાગરિક સન્માન એનાયત કરવામાં આવ્યો હતો. જ્યારે આ વર્ષે ફેબ્રુઆરીમાં સાઉદી અરબના પ્રિન્સ સલમાન નવી દિલ્હી આવ્યાં હતા.