અમેરિકન રાષ્ટ્રપતિ ડોનાલ્ડ ટ્રમ્પ 24 ફેબ્રુઆરીએ ભારતની મુલાકાતે આવી રહ્યા છે. આ દરમિયાન તેઓ અમદાવાદની પણ મુલાકાત લેવાના છે. સાથે પ્રધાનમંત્રી મોદી પણ આવવાના છે. ત્યારે કડક બંદોબસ્ત ગોઠવી દેવામાં આવ્યો છે. આ મામલે સ્પેશિયલ પોલીસ કમિશ્નર અજય તોમરે પ્રેસ કોન્ફરન્સ કરી હતી.
અમેરિકાના રાષ્ટ્રપતિ ટ્રમ્પ અને પીએમ મોદીની 24 ફેબ્રુઆરીએ આવશે અમદાવાદ
ટ્રમ્પના ભારત પ્રવાસને લઈ એજન્સીઓ સતર્કઃ તોમર
હજુ સુધી પોલીસને સાબરમતી આશ્રમના કાર્યક્રમની માહિતી નહીં
તોમરે જણાવ્યું હતું કે, અમદાવાદ એરપોર્ટ પર બપોરે રાષ્ટ્રપતિ ટ્રંપ આવશે. હજુ સુધી પોલીસને સાબરમતી આશ્રમના કાર્યક્રમની માહિતી નહીં. SPG, NSG, ATS, RAF અને ક્રાઈમબ્રાંચ કાર્યરત છે. SRP અને ચેતક કમાન્ડો સુરક્ષામાં તૈનાત રહેશે. ટ્રંપ જો સાબરમતી આશ્રમ જશે તો અમે તૈયાર છીએ. રૂટ પર મોટી સંખ્યામાં લોકો જોડાવાના છે. સુરક્ષા માટે એન્ટી ડ્રોન ટેક્નોલોજીનો ઉપયોગ થશે.
એક પાસમાં એક વ્યક્તિનો જ પ્રવેશ થશેઃ તોમર
વધુમાં તોમરે કહ્યું હતું કે, અનેક જિલ્લાઓના લોકો કાર્યક્રમમાં હાજર રહેશે. પ્રથમ વખત 1.10 લાખ નાગરિકો એકઠા થશે. કાર્યક્રમમાં આવનારા નાગરિકો સમયસર આવે. એક પાસમાં એક વ્યક્તિનો જ પ્રવેશ થશે. દરેક જિલ્લામાંથી આવેલા લોકો માટે અલગ પાર્કિંગ વ્યવસ્થા છે. પાર્કિંગની વ્યવસ્થા 2 કીમી અંદર જ રાખવામાં આવી છે. બસમાં આવતા લોકો માટે GMDCમાં ઉતારાની વ્યવસ્થા છે. બસના માધ્યમથી GMDCથી મોટેરા પહોંચવાની વ્યવસ્થા છે. ખ્યાતનામ કલાકારો સ્ટેડિયમમાં હાજર રહેશે.
ફાયર ચીફ ઓફિસર એમ.એફ દસ્તૂરની પત્રકાર પરિષદ
ફાયર ચીફ ઓફિર M. F દસ્તુરએ આ મામલે જણાવ્યું હતું કે મોટેરા સ્ટેડિયમમાં કાર્યક્રમને લઈ ફાયર વિભાગ સજ્જ છે. મોટેરા સ્ટેડિયમમાં આંતરિક ફાયરની સુવિધા છે. હાઇરાઈઝ બિલ્ડિંગમાં પણ બધે ફાયરની સિસ્ટમ છે. 9000 જેટલા સ્પ્રીંકલર સ્ટેડિયમમાં લાગેલા છે. બહારના ભાગે પણ સેફટીની પૂરતી સુવિધાઓ. સ્ટેડિયમની અંદર તમામ પ્રકારની ઇનબીલ્ટ ફાયર સુવિધા. 2 લાખ લીટર પાણીની ટાંકીઓ પણ ભરેલી રહેશે. 24 તારીખે ફાયર વિભાગ સતત અલર્ટ રહેશે.
વધુમાં તેમણે જણાવ્યું કે, ચાંદખેડા અને સાબરમતી ફાયર સ્ટેશનને એલર્ટ. સ્ટેડિયમથી 2 કિમી સુધી ફાયર વિભાગ એક્ટિવ હશે. વાયરલેસ સુવિધાથી જલ્દી સંપર્ક થઇ શકશે. 24 તારીખે અમેરિકી રાષ્ટ્રપતિ અમદાવાદ આવશે. 80 હજાર લીટર પાણી ગાડીમાં હશે. રિંગ રોડથી સ્ટેડિયમ સુધી 9 પાર્કિગ છે. તમામ જગ્યાએ ફાયરની ગાડી હશે. જો કોઈ બનાવ બને તો બહારથી ગાડી ન દોડાવવી પડે.