વાતચીત / કોરોના વૉરિયર્સને વ્યકિતગત રીતે ફોન કરીને PM મોદી પૂછી રહ્યા છે હાલચાલ

• કોરોના દર્દીઓની સારવારમાં લાગેલા સ્વાસ્થ્ય કર્મચારીઓને પ્રધાનમંત્રી કાર્યલાયમાંથી ફોન આવી રહ્યા છે.
• પ્રધાનમંત્રી નરેન્દ્ર મોદી કોરોના વૉરિયર્સનું મનોબળ વધારવા માટે તેમની સાથે વાતચીત કરી રહ્યા છે
• પૂણેની એક હોસ્પિટલમાં સિસ્ટર ને છાયાની સાથે વાતચીતમાં પીએમ મોદીએ તેમની ચિંતા જાણી 
• સિસ્ટર છાયાને પ્રધાનમંત્રીએ પોતાનો અનુભવ જણાવ્યો અને વાતચીત માટે આભાર માન્યો 

આજ ક્રમમાં મોદીએ મહારાષ્ટ્રની સરકારી હોસ્પિટલ નાયડૂની વરિષ્ઠ નર્સને તેના પર્સનલ નંબર પર ફોન કરીને તેમના કામની પ્રશંસા કરી હતી.  આ કર્મચારી એ જાણીને ચોંકી ગઈ હતી કે, દેશના પ્રધાનમંત્રીએ પોતે તેમને ફોન કર્યો છે.

પીએમ મોદીએ સિસ્ટર કહીને વાતની શરૂઆત કરી હતી તેમણે કહ્યું કે, નમસ્તે સિસ્ટર છાયા, આપ કેમ છો? સિસ્ટરે જવાબમાં કહ્યું કે. હું એકદમ મજામાં છું સર. ત્યારબાદ વડાપ્રધાને પુછ્યું કે, તમે તમારા પરિવારને કેવી રીતે આશ્વાસન આપો છો કારણ કે હાલના દિવસોમાં તમને જીવને જોખમમાં મૂકીને બધાની સેવામાં લાગી ગયા છો, તો સ્વાભાવિક છે કે તમારા પરિવારને પણ તમારી ચિંતા થતી હશે. આ વાતના જવાબામાં છાયાએ કહ્યું કે, હાં ચિંતા તો થાય છે પણ કામ તો કરવું પડશેને સર. સેવા આપવાની છે..

પીએમ મોદીએ આગળ પુછ્યું કે, જ્યારે નવા દર્દી આવે છે તો લોકો ગભરાયેલા આવે છેને..નર્સ છાયાએ કહ્યું- હા સર લોકો ગભરાય છે, પણ અમે તેમને આશ્વાસન આપીએ છીએ. તમારો રિપોર્ટ સારો આવશે અને જો પોઝિટિવ આવશે તો પણ ચિંતા ન કરશો.. આ હોસ્પિટલમાંથી સાત દર્દીઓ સ્વસ્થ થયા છે. અમે તેમને દવા આપીએ છીએ, વાતચીત કરી છે તો તેમને પણ સારું લાગે છે. દર્દીઓના મનમાં ડર હોય છે તેને અમે કાઢીએ છીએ. ત્યારબાદ વડાપ્રધાને પુછ્યું કે, દેશભરમાં કામ કરી રહેલા મહિલા અને પુરુષ માટે તમારો શો સંદેશ છે તો સિસ્ટર છાયાએ કહ્યું કે, આ સમય ડરવાનો નહીં પણ કામ કરવાનો છે. આ સમય કોરોના જેવી બિમારીને ભગાડી દેશને જીતાડવાનો છે. 

આ જરૂરી પણ છે કેમકે કોરોના વાયરસના દર્દીઓની સારવરમાં લાગેલા સ્વાસ્થ્ય કર્મચારીઓને સંક્રમિત થવાની શક્યતા વધારે છે. ઉપરથઈ તેમના પરિવારનો પણ દબાવ હોય છે, એવામાં સ્વાસ્થ્ય કર્મચારીઓની અંદર ડર અને નિરાશાની ભાવના થઇ શકે છે એવામાં પ્રધાનમંત્રી નરેન્દ્ર મોદીની સાથે વાતતીચની મદદથી મેડિકલ ફ્રેટર્નિટીની મોટો સંદેશ મળી રહ્યો છે. પીએમ મોદી તેમના યોગદાનને સમજી રહ્યા છે અને કહી રહ્યા છે કે તેઓ તેમની સાથે છે. ઉલ્લેખનીય છે કે, સરકારે સ્વાસ્થ્ય કર્મચારીઓ માટે 50 લાખ રૂપિયાના ઇન્શ્યોરન્સની જાહેરાત કરી છે.