IPLIN
 
  • Home
  • India
  • pm Modi Counts Benefits Of New Farm Acts With Examples In His Radio Programme Man Ki Baat

મન કી બાત / જે કાયદાનો હજારો ખેડૂતો કરી રહ્યા છે વિરોધ તેના વિશે PM મોદીએ આ રીતે ગણાવ્યા ફાયદા

Team VTV 12:19 PM, 29 Nov 20
Follow us
pm Modi Counts Benefits Of New Farm Acts With Examples In His Radio Programme Man Ki Baat

દેશમાં વિવિધ સ્થળો પર ખેડૂતો દ્વારા કેન્દ્ર સરકાર દ્વારા બનાવવામાં આવેલા કાયદાનો વિરોધ કરવામાં આવી રહ્યો છે. ખાસ કરીને પંજાબ અને હરિયાણાના ખેડૂતો દિલ્હી કૂચના નારા સાથે આંદોલન કરી રહ્યા છે ત્યારે મન કી બાતમાં પીએમ મોદીએ આ જ નવા કાયદાનો ઉલ્લેખ કર્યો.  

  • પીએમ મોદીએ મન કી બાતના માધ્યમથી દેશને કર્યું સંબોધન 
  • સંબોધનમાં પીએમ મોદીએ નવા ખેતી વિષયક કાયદાના ફાયદા ગણાવ્યા 
  • પીએમ મોદીએ વિવિધ ઉદાહરણ આપીને જણાવ્યા ફાયદા 

પીએમ મોદીએ પોતાના રેડિયો પ્રોગ્રામમાં નવા કાયદા પર ખેડૂતોનું મન બદલવાનો પ્રયત્ન કર્યો. તેમણે ખેડૂતોનું ઉદાહરણ આપીને તેના ફાયદા જણાવ્યા. નોંધનીય છે કે આ કાયદાને વિપક્ષી દળો કાળા કાયદા તરીકે વર્ણવી રહ્યા છે.  

શું કહ્યું પીએમ મોદીએ 

પીએમ મોદીએ કહ્યું કે ભારતમાં ખેતી અને તેના સાથે જોડાયેલી વસ્તુ ઓ સાથે નવા સ્વરૂપ જોડાયા છે. નવા કાયદાઓ લાવીને નવી તકો માટે દ્વાર ખુલ્યા છે. આ અધિકારોએ ખૂબ ઓછા સમયમાં ખેડૂતોની સમસ્યા દૂર કરવાનો પ્રયત્ન કર્યો છે. ખૂબ વિચાર-વિમર્શ બાદ જ ભારતની સંસદે આ ખરડાને કાયદાનું સ્વરૂપ આપ્યું છે.  આ સુધારા ખેડૂતોના અનેક બંધન સમાપ્ત કર્યા અને સાથે સાથે નવા કાયદાથી નવા અધિકાર પણ મળ્યા છે અને અવસર પણ મળી રહ્યા છે.  

આ રીતે આપ્યા ઉદાહરણ 

નોંધનીય છે કે પીએમ મોદીએ પોતાના સંબોધનમાં મહારાષ્ટ્રના એક ખેડૂત જીતેન્દ્ર ભોઈજીનું ઉદાહરણ આઓયું હતું અને કહ્યું કે આ નવા કાયદાનો લાભ ઉઠાવીને આ ખેડૂતો પોતાનું બાકીના નાણા વસૂલ કર્યા. તેમણે કહ્યું કે આ કાયદામાં એક મોટી વાત છે કે આ કાયદામાં જોગવાઈ કરવામાં આવી છે કે ક્ષેત્રના SDMએ એક મહિનાની અંદર જ ખેડૂતોને પૈસા આપી દેવા પડશે. 

રાજસ્થાનના ખેડૂતનો ઉલ્લેખ 

પીએમ મોદીએ વધુ એક ખેડૂત મોહમ્મદ અસલમની પણ ચર્ચા કરી. તેમણે કહ્યું કે મોહમ્મદ અસલમ ખેડૂતોમાં જાગરૂકતા ફેલાવી રહ્યા છે. રાજસ્થાનના બારાં જિલ્લામાં રહેતા અસલમ એક ખેડૂત ઉત્પાદક સંઘના CEO પણ છે. તેમણે કહ્યું કે આશા છે કે મોટી મોટી કંપનીઓના CEOsને આ સાંભળીને સારું લાગશે કે હવે દેશના છેવાડાના ગામડાઓમાં પણ ખેડૂત સંગઠનના CEO છે. 

શું છે આંદોલનનો મામલો 

નોંધનીય છે કે દેશના વિવિધ રાજ્યોના ખેડૂતો ત્રણ દિવસથી દિલ્હી માર્ચનો નારો આપીને આંદોલન કરી રહ્યા છે અને હજારોની સંખ્યામાં પ્રદર્શન કરવામાં આવી રહ્યા છે. પોલીસ સાથે ખેડૂતોની ઝપાઝપીના દ્રશ્યો પણ દેશે જોયા છે, અને હાલમાં ખેડૂતોને સરકાર દ્વારા બુરાડીના મેદાનમાં બેસવાની મંજૂરી આપવામાં આવી છે. 

ખેડૂતોના આંદોલનની એક ઝલક : 

ખેડૂત આંદોલન નરેન્દ્ર મોદી Mann Ki Baat farmers protest Narendra Modi
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ