એક બાદ એક યુપીના કાર્યક્રમો બાદ દિલ્હીમાં પ્રધાનમંત્રી મોદીએ ઓમિક્રૉન વેરિયન્ટને લઈને હાઇલેવલ બેઠક બોલાવી છે.
પ્રધાનમંત્રી મોદી એક્શનમાં
દિલ્હીમાં બોલાવી હાઇલેવલ બેઠક
ઓમિક્રૉનને લઈને રિવ્યુ કરશે પીએમ: સૂત્ર
પ્રધાનમંત્રી મોદીએ બોલાવી બેઠક
નવી દિલ્હીમાં સરકારી સૂત્રો દ્વારા મળતી માહિતી અનુસાર પ્રધાનમંત્રી મોદીએ હાઇલેવલ મીટિંગ બોલાવી છે જેમા સ્વાસ્થ્ય મંત્રાલય અને ગૃહમંત્રાલયનાં ટોપ અધિકારીઓ સામેલ થઈ શકે છે. સૂત્રો દ્વારા મળતી માહિતી અનુસાર પ્રધાનમંત્રી મોદીએ દેશમાં ઓમિક્રૉન વેરિયન્ટની સ્થિતિને લઈને આવતીકાલે આ બેઠક બોલાવી છે.
Prime Minister Narendra Modi to hold a meeting to review the COVID-19 related situation in the country tomorrow: GoI sources
કોઈ આદેશ આપે તેવી શક્યતા
દેશમાં કોરોના વાયરસનાં દૈનિક કેસમાં હાલ તો રાહત જોવા મળી રહી છે પરંતુ ઓમિક્રૉન વેરિયન્ટને લઈને ચિંતા વધી રહી છે. ઓમિક્રૉન વેરિયન્ટ ડેલ્ટા વેરિયન્ટ કરતાં અનેક ગણો વધારે સંક્રામક હોવાની માહિતી સામે આવી રહી છે. કેન્દ્ર સરકાર પણ આ મુદ્દે અલર્ટ છે અને રાજ્યોને કેટલાક પગલાં ભરવાના આદેશ આપ્યા છે. બીજી તરફ ઓમિક્રૉન વેરિયન્ટનાં કારણે આફ્રિકાની સાથે સાથે યુરોપમાં સૌથી વધારે કહેર જોવા મળી રહ્યો છે. યુરોપનાં અનેક દેશોમાં તાબડતોબ કડક પ્રતિબંધો લગાવી દેવામાં આવ્યા છે. આ સાથે જ બ્રિટન અને અમેરિકા જેવા દેશોમાં પણ ચિંતા વધી છે ત્યાં આ સમગ્ર સ્થિતિ વિશે પ્રધાનમંત્રી મોદી મીટિંગમાં જાણકારી મેળવશે તથા કોરોના વાયરસ સામે લડવા માટે અધિકારીઓને કેટલાક આદેશ આપે તેવી શક્યતા જોવાઈ રહી છે.
કેન્દ્રીય સ્વાસ્થ્ય મંત્રીએ રાજ્યોને લખ્યો પત્ર
સ્વાસ્થ્ય મંત્રાલય દ્વારા દિશાનિર્દેશોમાં રાજ્યોને કહેવાયું કે ઓમિક્રોન કોરોનાના જુના ડેલ્ટા વેરિયન્ટની તુલનાએ 3 ગણો ઝડપી ફેલાય છે. આને કારણે કન્ટેનમેન્ટ ઝોન જેવા ઉપાયો અપનાવવાનું શરુ કરી દેવું જોઈએ. મંગળવારે સાંજે રાજ્યોને લખાયેલા લેટરમાં કહેવાયું કે ઓમિક્રોનને પહોંચી વળવા વોર રુમ શરુ કરી દેવા જોઈએ.હાલમાં દેશમાં ઓમિક્રોન અને ડેલ્ટા બન્ને વેરિયન્ટ મોજૂદ છે. તેથી લોકલ અને ડિસ્ટ્રીક્ટ લેવલ પર વધારે ધ્યાન આપવું જોઈએ અને તત્કાળ કાર્યવાહી કરવી જોઈએ. કેન્દ્ર સરકારે ડેટા એનાલિસિસ પર ભાર મૂકતા કહ્યું કે રાજ્ય અને કેન્દ્ર શાસિત પ્રદેશને ડિસ્ટ્રીક્ટ લેવલ પર સંક્રમણ રોકવાના ઉપાય કરવા જોઈએ.
કેન્દ્ર સરકાર દ્વારા રાજ્યોને આપ્યા મોટા આદેશ
- કોરોનાના જુના ડેલ્ટા વેરિયન્ટની તુલનાએ ઓમિક્રોન 3 ગણો ઝડપી ચેપી
- કન્ટેનમેન્ટ ઝોન જેવા ઉપાયો અપનાવવાનું શરુ કરો
- જરુર પડે તો કડક નિયમ લાગુ પાડો
- ઓમિક્રોનને પહોંચી વળવા વોર રુમ શરુ કરવા જોઈએ
- લોકલ અને ડિસ્ટ્રીક્ટ લેવલ પર વધારે ધ્યાન આપવું જોઈએ
- ડિસ્ટ્રીક્ટ લેવલ પર સંક્રમણ રોકવાના ઉપાય
- જરુર પડે નાઈટ કર્ફ્યુ અને બીજા કડક પ્રતિબંધો લાગુ પાડવાને રાજ્યોને તાકીદ
લેટરમાં નાઈટ કર્ફ્યુ અને કડક નિયમ લાગુ પાડવાની સલાહ
હેલ્થ સેક્રેટરી રાજેશ ભુષણ વતી પાઠવાયેલા લેટરમાં જરુર પડે નાઈટ કર્ફ્યુ, ભીડે ભેગી કરવા પર પ્રતિબંધ, ઓફિસ અને પબ્લિક ટ્રાન્સપોર્ટ પર પ્રતિબંધ જેવા કેટલાક બીજા સૂચનો પણ સામેલ છે. હોસ્ટિલમાં બેડ, એમ્બ્યુલન્સ, ઓક્સિજન ઈક્વીપમેન્ટ અને દવાઓ માટે ઈમરજન્સી ફંડનું પણ સૂચન કરાયું છે.