પ્રધાનમંત્રી નરેન્દ્ર મોદી અને ગૃહમંત્રી અમિત શાહે બુધવારે કોરોનાની મહામારી વચ્ચે સુરત જિલ્લાના કાકરાપાર પરમાણુ ઉર્જા પ્લાન્ટ 3 માટે કામ કરનારા પરમાણુ વૈજ્ઞાનિકોને શુભેચ્છા પાઠવી હતી. મહત્વનું છે કે, સુરતના કાકરાપાર એટોમિક પાવર સ્ટેશન ખાતે KAPP-3 રિએક્ટર તૈયાર કરવામાં આવ્યું છે. આજે તેનું સફળતાપૂર્વક પ્રથમ વખત સફળ સંચાલન કરવામાં આવ્યું છે.
કાકરાપાર એટોમિક પાવર સ્ટેશન ખાતે KAPP-3 રિએક્ટર તૈયાર કરાયું
ભારતે ત્રિસ્તરીય ન્યૂક્લિયર પ્રોગ્રામનો વિકાસ
પ્રધાનમંત્રી અને ગૃહમંત્રીએ પાઠવી શુભેચ્છા
સુરતમાં કાકરાપાર પરમાણુ ઉર્જા સ્ટેશન(KAPP)ની ત્રીજો પ્લાન્ટ 700 મેગાવોટની ક્ષમતાવાળો છે. કાકરાપાર પાવર સ્ટેશન તાપી નદીના કિનારે આવેલ છે. આ સુરતથી અંદાજિત 80 કિમી દૂર છે. રિએક્ટરમાં સંશોધિત સેફ્ટી ફીચર અને સ્ટીમ જેનરેટર લાગ્યા છે. દેશમાં સૌથી મોટા રિએક્ટર તરીકે ભારતે ન્યૂક્લિયર પાવર ટેકનિક સિસ્ટમનો વિકાસ કર્યો છે. KAPP-3ની આ ઉપલબ્ધિ મોટી માનવામાં આવી રહી છે. આ સાથે જ ભારત ન્યૂક્લિયર પાવર ટેકનિક વાળા દેશોના સમૂહમાં સામેલ થઇ ચૂક્યું છે. ભારતે ત્રિસ્તરીય ન્યૂક્લિયર પ્રોગ્રામનો વિકાસ કર્યો છે.
પ્રધાનમંત્રી અને ગૃહમંત્રીએ પાઠવી શુભેચ્છા
પ્રધાનમંત્રી નરેન્દ્ર મોદીએ ટ્વિટ કરીને કહ્યું કે પાવર પ્લાન્ટ-3માં મહત્વનો મુકામ હાંસલ કરવો એ ખુબ મહત્વનું છે. આપણા પરમાણું વૈજ્ઞાનિકોને કાકરાપાર પરમાણુ ઉર્જા પ્લાન્ટ-3 માટે શુભેચ્છા. સ્વદેશી 700 MWE KAPP-3 રિએક્ટર મેક ઇન ઇન્ડિયાનું ઉત્તમ ઉદાહરણ છે. સાથે જ ભવિષ્યમાં આવી અનેક ઉપલબ્ધિઓની શરૂઆત છે. આ સિદ્ધિને લઈને ગૃહમંત્રી અમિત શાહે પણ ટ્વિટ કર્યું હતું.
Congratulations to our nuclear scientists for achieving criticality of Kakrapar Atomic Power Plant-3! This indigenously designed 700 MWe KAPP-3 reactor is a shining example of Make in India. And a trailblazer for many such future achievements!
કાકરાપાર એટોમિક પાવર સ્ટેશન (KAPS) ગુજરાતના સુરત શહેરથી 80 કિમી દૂર તાપી નદીના કિનારે આવેલો છે. આ પ્લાન્ટમાં આજે KAPP-3 પ્લાન્ટને સામેલ કરાયો છે. સંપૂર્ણ ભારતમાં નિર્મિત 700 મેગાવોટવાળા આ પ્લાન્ટનો વિકાસ અને ઓપરેશન ન્યૂક્લિયર પાવર કોર્પોરેશન ઓફ ઈન્ડિયા(NPCIL)એ કર્યું છે. આ પ્લાન્ટમાં 220 મેગાવોટના વધુ બે સ્ટેશન KAPS-1 અને KAPS-2 પણ છે. પહેલા પ્લાન્ટની શરૂઆત 1993 અને બીજાની શરૂઆત 1995માં થઈ હતી.
Unit-3 of Kakrapar Atomic Power Project, located at Kakrapar, Gujarat achieved its first criticality - the controlled, self-sustaining nuclear fission chain reaction for the first time - on July 22, 2020 at 0936 hours. (1/2) pic.twitter.com/J5H6fc7ttV