કોરોના / લૉકડાઉન પર આગામી રણનીતિને લઇને પ્રધાનમંત્રી મોદીની યોજાઇ બેઠક

• 3 મેના રોજ લૉકડાઉન થશે પૂર્ણ
• મોદી સરકારે બોલાવી ખાસ બેઠક

આ બેઠકમાં દેશના ગૃહમંત્રી અમિત શાહ, વાણીજ્ય મંત્રી પીયૂષ ગોયલ, નાગરિક ઉડ્ડયન મંત્રી હરદીપ સિંહ પુરી, રેલ રાજ્યમંત્રી સુરેશ અઘાડી તથા કેબિનેટ સચિવ રાજીવ ગૌબા સામેલ છે. આ બેઠકનો મુખ્ય હેતુ પૈકી રેલવે તથા હવાઇ સેવા શરૂ કરવાનો પણ છે. 

ગૃહમંત્રીલયે આપ્યા ખાસ સંકેત

ઉલ્લખનીય છે કે, ગૃહમંત્રાલયે સંકેત આપ્યો છે કે 3 મે પછી ગ્રીન ઝોનમાં આવતા જિલ્લાઓમાં કેટલીક છૂટછાટ આપવામાં આવી શકે છે. જે જિલ્લાઓમાં કોરોનાનું સંક્રમણ વધારે છે ત્યાં લોકડાઉન ચાલુ રહેશે. ગત બુધવારે કેન્દ્ર સરકારે ફસાયેલા મજૂરો અને અન્ય રાજ્યોના વિદ્યાર્થીઓને તેમના ઘરે પાછા ફરવાની મંજૂરી આપી હતી. આજે તેલંગાણાથી ઝારખંડ માટે એક વિશેષ ટ્રેન પણ દોડાવવામાં આવી છે.

24 ડબ્બાની ખાસ ટ્રેનને મળી મંજૂરી

લૉકડાઉન વચ્ચે ફસાયેલા 1200 મજૂરોને તેલંગાણાથી ઝારખંડ લાવવા ભારતીય રેલ્વે શુક્રવારે સવારે એક વિશેષ ટ્રેન ચલાવી છે. આ ટ્રેન તેલંગાણાથી ઝારખંડના હટિયા સુધી જશે. સામાન્ય પરિસ્થિતિમાં,જ્યાં એક ડબ્બામાં 72 મુસાફરો સવાર થઇ શકે છે ત્યાં માત્ર 54 મુસાફરોને બેસાડવામાં આવ્યા છે. 24 ડબ્બાની આ ટ્રેન આજે રાતે 11 વાગે હટિયા પહોંચશે.