દેશમાં ચાલી રહેલા કોરોના સંકટ અંગે પ્રધાનમંત્રી મોદીએ બુધવારે હાઈ લેવલની બેઠક કરીને અધિકારીઓને ઓક્સિજન સપ્લાય સુનિશ્ચિત કરવાનો આદેશ આપ્યો.
પ્રધાનમંત્રીએ કરી હાઈલેવલની બેઠક
બેઠકમાં ઓક્સિજન, દવાઓનો સપ્લાય અંગે ચર્ચા
મંત્રીઓએ પ્રધાનમંત્રીને સ્થિતિથી વાકેફ કર્યાં
પીએમ મોદીએ મોડી રાતે ટોચના અધિકારીઓની સાથે બેઠક યોજીને કોરોના સ્થિતિની સમિક્ષા કરીને કેટલાક આદેશ આપ્યા હતા. અધિકારીઓએ પ્રધાનમંત્રીને ઓક્સિજન સપ્લાય, દવાઓની ઉપલબ્ધતાથી વાકેફ કરાવ્યા હતા.
બેઠકમાં બ્લેક ફંગસ અંગે પણ ચર્ચા થઈ, દવાનો મુદ્દો પણ ઉઠ્યો
બેઠકમાં પીએમ મોદીને જાણકારી આપવામાં આવી કે સરકાર કોરોનાની સાથે બ્લેક ફંગસની દવાઓનો સપ્લાય અંગે પણ દેખરેખ રાખી રહી છે. બેઠકમાં હાજર રહેલા તમામ મંત્રીઓએ જણાવ્યું કે દવાઓનું પ્રોડક્શન વધારવા માટે મેન્યુફેક્ચરના સંપર્કમાં છે.
રાજ્યોને જરુરી દવાઓનો સપ્લાય આપવામાં આવી રહ્યો છે-અધિકારીઓએ પીએમને જણાવ્યું
રાજ્યોને જરુરી દવાઓનો સપ્લાય આપવામાં આવી રહ્યો છેતેવું પણ પ્રધાનમંત્રીને જણાવાયું હતું. પીએમે મંત્રીઓને જણાવ્યું કે ફાર્મા સેક્ટર અને સરકારે સાથે મળીને કામ કરવું જોઈએ જેથી કરીને દવાઓની ઉપલબ્ધતા સુનિશ્ચિત થઈ શકે.
પ્રધાનમંત્રીએ ઓક્સિજનની ઉપલબ્ધતા તથા સપ્લાયની પણ સમિક્ષા કરી
પ્રધાનમંત્રીએ ઓક્સિજનની ઉપલબ્ધતા તથા સપ્લાયની પણ સમિક્ષા કરી. પ્રધાનમંત્રી મોદીને કહેવામાં આવ્યું કે પહેલી લહેરની તુલનામાં આ વખતે ઓક્સિજનનો સપ્લાય ત્રણ ગણો વધારી દેવાયો છે. રેલવે અને વાયુસેના તરફથી ઓક્સિજન સપ્લાય અંગે પણ પ્રધાનમંત્રીને વાકેફ કરાવાયા હતા.